Matio 5:17 - Nouveau Testament en Ngienboum

¹⁷ Tà pi kwaŋ ngie mèŋ n ka tǒ lépyág *lepʉ̌ Mǒsê ka pɔ́ nò gie pà *ntsẅì nkʉ̀ Ssé la gɔɔn wɔ́. Ngǎŋ, n ka tè tóo lépyág wɔ́, mèŋ n ka tǒ pɔ́ légÿo mé cwoŋo ńjú’.

Matio 5:17 ပူးပေါင်းရင်းမြစ်များ

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

Matio 7:12

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Lukase 16:17

Tá n ké tě ńdɔgɔ ńgɔɔn ngie *lepʉ̌ Mǒsê mǎg wɔ́, lefaŋ pɔ́ tsetsá’ ge lá’ mag tá á le tʉ, à lɔɔn ńgwɔ́ múɔ mélǎga nò lê pilé, á le lá’ ḿbyé nà *lepʉ̌ Mǒsê wɔ́.

Ŋwà’ne Jâŋ 8:5

Mǒsê la ŋwe’e tsɛ̀ɛ ŋwà’ne mbʉ̌, ńnáa mbwo pege ngie pege lɔg metóon ńtémte ntí panzwě pá’ wɔɔn ńzẅé. Ɔ̀ gɔ̌ɔn jú ngie kɔ́?

Megàŋ ntúm 18:13

ésẅiŋe yé, ńgɔɔn ngie: Nyìŋ wɔɔn ne sẅite pʉ̀a ńgie pɔ́ gu’te Ssé nà ntí gie *lepʉ̌ té ne ńkwoŋo wɔ́.

Megàŋ ntúm 21:28

ńkwé’e ngyè yɔb tÿǒ ńga’te ngie: Pʉ̀a Israel, pi tó ńkẅéte wég! Nyìŋ wa wɔɔn. À ne ńgwá ńgiŋe jʉ’ ntsèm ndùmo ssé tsetsá’ ńkíme pʉ̀a lá’ pégè té pòŋ, éshwóŋó té pòŋ ná *lepʉ̌ Mǒsê. Tà mbɔɔ ná jʉ’e Ssé yɔɔn. À wɔɔn, mbà à zɔ̌ɔn ńdɔg pʉ̀a pie é té pà Yuda wɔ́, ńtó, ńdɔgɔ wɔ́b ńkúu tsɛ̀ɛ jʉ’e Ssé, ńdɔgɔ pú’u, ńnéŋe *lɔ̌’ mǒ,

Megàŋ ntúm 6:13

Pɛ̌ pʉ̀a lɔg mbɔɔ tsɔ́ megàŋa cÿɔ̌ nò, ńgʉa wó. Pɔ́ tó ńgɔɔn ngie: Nyìŋ wɔɔn zɔgɔ pɔ́ léshwóŋó té pòŋ á nà ndá Ssé yégè gie ee Yerósalem wɔɔn, mbɔɔ nà mbʉ̌ Mǒsê.

Roma 10:4

Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 3:31

Ńzsé ngie áa pá’ɔɔn ńgwɔ́ gie pege lɔɔn ńzáb ntʉ́m ná Yěsô, mbà *lepʉ̌ cʉ́’ʉ tsɔ́ nò wɔ́ keen? Ngǎŋ á té ńdɔgɔ ńgwɔ́ pú’u wɔ́. Tà ńcʉ́’ pú’u, mbà pege lɔgɔ pú’u, ńtÿɔ́gɔ *lepʉ̌ kwà’ ná jʉ’e.

Roma 8:4

À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.