Matio 5:16 - Nouveau Testament en Ngienboum

¹⁶ Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Matio 5:16 ပူးပေါင်းရင်းမြစ်များ

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 23:9

Tà pi tóŋo tsɔ́ nyìŋ ndùmo ssé tsetsá’ lê tá gẅi, á nue pi gẅiin pɔ́ tà’ tá wémɔ’ɔ́ á gwɔ́ tÿǒ lepwó.

Matio 5:45

Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Matio 9:8

Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Lukase 11:2

Yěsô lêen ńké ńgɔɔn mbwo *ngàŋa kwò yé ngie: Pi lɔɔn ne sẅíŋte Ssé, pi gɔɔn ngie: Tá weg, gÿǒ ngie pʉ̀a mesoŋ gu’te lezíŋ shú, ḿbiŋ ńgÿo *lefùɔ shú tó

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

1 Korento 14:25

Eshúm sie é kɔ’ɔ́ tsɛ̀ɛ ntʉ́m yé, á lelyěen, é kẅɛɛ mángyɛ̌, á kẅí’te ssé, ésɔb shÿó wé ssé, ńgwɔ ne gu’te Ssé, é ne gɔɔn ngie: Áa nénʉ́ e Ssé kwà’ ńgwɔ́ tsetsɛ̀ɛ pi.

2 Korento 9:13

Pɔ́ ge zsé nzẅìŋ yɔɔn fà’, é gu’te Ssé ná pá’ pi ne ńtÿɔ́gɔ kwò ná nò gie nkʉ̀ mbòŋo Kristo ne ńgɔɔn. Pɔ́ ge gíŋe gu’te Ssé ná pá’ pi lɔgɔ́ pòŋo ntʉ́m, ńnáa mmó né pɔ́b tà mbɔɔ petsɔ́ pʉ̀a.

Galatia 1:24

Á cʉa pú’u, pɔ́ ne ńgu’te Ssé ńtí wɔ̀ɔn.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Timote 5:25

Á gíŋe ńgwɔ́ pɔ́ ndʉŋ ndʉŋ ná mefà’ mbòŋo, ée ńzɔɔn ńkẅɛɛ pɔ́ menÿɔ́g, tà mbɔɔ mie mé té lwo ńgyá wɔ́, mé lá’ ńgyá gyá.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Titus 3:4

Tá’ e Ssé gẅie à gÿo pege tsẅɛ́ɛ nyɛ ngie ntʉ́m wé poŋ, á piŋ ńkwoŋ pʉ̀a mesoŋ,

Heber 10:24

Tà nyìŋ wege gwá’a lÿɔ̀g á lélíe fɛ́ we, á gíŋ ńdíe yé yé, ńzsé ngie pege ge lɔg pú’u, kẅiŋte membùm mégè ná legẅiin nkwòŋe mbɔɔ ná lefa’ mefà’ mbòŋo.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

1 Piɛ 3:1

Mbɔɔ pi gí pànzwě, pi sẅí’i mbùm gi ńnáa ssé mvfò melúm pí, à cʉa pú’u, ńgwɔ́ gie tsɔ́ pʉ̀a tsetsɛ̀ɛ pɔ́b ne ńdʉ’ʉ lézáb ntʉ́m nà shwóŋè Ssé, pɔ́ cʉ́me nzèm pi té gwɔ́ gie pi gɔ̌ɔn nò, éfó ná tsẅé gí.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Piɛ 4:14

Mé lɔɔn ńzoon gẅi ńtí lezíŋ Kristo, mbà pi ee pà shÿó mbòŋo, á nue a Zẅìge legú’, á Zẅìge Ssé áa ná pi,