Matio 5:14 - Nouveau Testament en Ngienboum

¹⁴ Pi zɔɔ kyɛ̀’ tsɛ̀ɛ njÿó. Mé lɔɔn ńkwɛ́ɛ tÿǒsoŋ ndùm lekwɔ’ɔ́, mbà à lɔɔn ńgwɔ́ á le lyeen.

Matio 5:14 ပူးပေါင်းရင်းမြစ်များ

Ŋwà’ne Jâŋ 12:36

Akyɛ̀’ lɔɔn ńnyé tsetsɛ̀ɛ pi, pi záb ntʉ́m nà kyɛ̀’, ńdɔg ńcʉ́’ púɔ kyɛ̀’. Yěsô gɔɔn yɔɔn nò tà á ku’, á gʉa ńdyeen jʉ’ gie pɔ́ té ge gyá yé wɔ́.

Ŋwà’ne Jâŋ 5:35

Jâŋ la gwɔ́ pɔ́ pá’ lâm gẅie mé lyɛ̌ ńtÿɔ́g á ne ńkyɛ’ɛ jʉ’. Á kyɛ’ jʉ’, anò poŋo gẅi tá á té ńnéŋe.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 9:5

Afʉ̀’ gie mèŋ n nyé tsɛ̀ɛ njyó, mèŋ, n gwɔ́ kyɛ̀’ɛ njÿó.

2 Korento 6:14

Tà pia pàtezǎb ntʉ́m ná Yěsô temte pà’ nyìŋ pɔ́ wetsɔ̌ púte ńgiŋe tà’a kwò ńgÿo tà’a mmó la, ńgwɔ́ nò gie á tyé ndʉŋ ndʉŋ pɔ́ gie á té tyé zɔɔn ńteme kwò ńgiŋ lêkɔ́? Ńgwɔ́ kyɛ̀’ pɔ́ nzěm gwɔ́ tà’a jʉ’ lêkɔ́?

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

1 Tesalonika 5:5

Pi metsèm zɔɔn ńgwɔ́ pɔ́ pʉ̀a pie é giŋe ná jʉ’ gie áa ye kyɛ̀’, ńgwɔ́ pʉ̀a pie é giŋe pɔ́ zsǒ. Pege tè pʉ̀a pie é giŋe tsẅɛ́’ wɔ́, ńké tè pʉ̀a pie é giŋe lê nzěm wɔ́.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 2:5

Pi ké ńkímte jʉ’ gie pi la tyé wó tá ńgwe ssé, ńkúbe mà gẅi ńgíŋe fa’ mefà’ mie pi lɔ̌ɔn fa’a. Tà á té pú’u wɔ́, mbà mèŋ n dɔɔn ńgwaa tó, pi nyé pɔ́ tè kúbe mà, mbà mèŋ n ge kaa gẅi lâm, é kúbe jʉ’ yé.