Matio 5:11 - Nouveau Testament en Ngienboum

¹¹ «Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Matio 5:11 ပူးပေါင်းရင်းမြစ်များ

Matio 10:18

Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 10:39

Nyìŋ lɔɔn ngie à ge pɔ́ɔn we légwɔ́ wó, mbà à ge pyé, tá nyìŋ gẅie à pǐŋ ńzẅíŋe lépyé mélà’ mɔ́ɔn zɔ gÿó ńgwɔ́ wó.

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Matio 24:9

Mé gwoon gẅi ńná mé nyɛɛ gẅi ngɔ́’, é gÿo mé zẅé gẅí. Melá’ ntsèm ge lá’ pú pʉ̀a gẅi mélà’ mɔ́ɔn

Matio 27:39

Pàcʉa mánzsè la ne ńnyime yé yɔ́b, ńzoonte Yěsô,

Malékuse 13:13

Epʉ̀a metsèm ge lá’ pú pʉ̀a gẅi mélà’ mɔ́ɔn, tá’, tá nyìŋ gẅie à kě shÿɔg shÿɔg té kʉ́a zɔ ge gÿo ńtsẅɛ́.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Malékuse 4:17

Tá’, á té lyɛ menŋaŋ tsɛ̀ɛ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’, mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé, pɔ́ gwóon ńgwá’.

Malékuse 8:35

Nyìŋ gẅie à ge zɔɔn fa’a lépɔ́ɔn we le gwɔ́ zɔɔ nyìŋ gẅie à ge pyé we le gwɔ́ ŋwɛ́. Tá’ nyìŋ gẅie à kě ḿbyé we le gwɔ́ mélà’ mɔ́ɔn mbɔɔ mélà’ nkʉ̀ mbòŋo gẅie à gʉ̌a ntsẅǐ, mbà à ge lá’ gwɔ́ wó.

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Lukase 21:17

Pʉ̀a metsèm ge lá’ pú pʉ̀a gẅi mélà’ mɔ́ɔn.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Lukase 9:24

Nyìŋ gẅie à ge zɔɔn fa’a lépɔ́ɔn we légwɔ́, zɔɔ nyìŋ gẅie à ge pyé we le gwɔ́ ŋwɛ́, tá nyìŋ gẅie à pyě we le gwɔ́ mélà’ mɔ́ɔn, mbà wɛ̌ nyìŋ ge lá’ gwɔ́ wó.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Ŋwà’ne Jâŋ 9:28

Pɔ́ leen ńké ńzye lézoonte yé, ńne ńgɔɔn ngie: Gù zɔɔ *ngàŋa kwò we, peg gwɔ́ pɔ́ *ngàŋa kwò Mǒsê.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

Roma 8:36

Á lɔgɔ ńgwɔ́ mmó gie mé la ŋwe’e tsɛ̀ɛ ŋwà’ne Ssé ngie: «Áa lyɛ̌’ ntsèm legwé ne ńnÿɔgɔ weg nÿɔg ńtí gú. Mé ne ńdíe wég pá’ *menjʉ̀njÿò mie mé gee ngwǎ la».

1 Korento 4:10

Anò Kristo kéen ńgÿo peg cʉ́’ mepʉ̀a. Tá ńké ńgʉa ná pi, mbà pi kéen ńcʉa ná Kristo ńzsé nò. Peg gwɔ́ mepepÿɛ́ɛ pʉ̀a. Pi gẅiin metʉ̀. Mé gÿo mekù’ mí, ḿbiŋ ńtóo ná peg ńgwága wég gwǎg.

2 Korento 4:11

Peg pie peg nyé wó, peg ee fʉ̀’ ntsèm ńgwɔ́ pɔ́ ncwò legwé, ńtí nò Yěsô. Áa pú’u, légwɔ́ gie mé ge líe wég, é gyá ngie le gwɔ́ we Yěsô aa nà mbùm yeg tà mbɔɔ pá’ e ge gÿo kwé.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

1 Piɛ 2:23

Mé la zoonte yé, à tè nzòonte tsɔ́’. À la ne ńgyá ngɔ́’, ńké tè nyìŋ vege, ḿbú ńnyé yé nò ntsèm pɔ́ nà mbwo nyìŋ gẅie à zá’ ntsaŋ ndʉŋ ndʉŋ.

1 Piɛ 4:14

Mé lɔɔn ńzoon gẅi ńtí lezíŋ Kristo, mbà pi ee pà shÿó mbòŋo, á nue a Zẅìge legú’, á Zẅìge Ssé áa ná pi,

Ŋwà’ne Ngyà jʉ’ 2:3

Pi ne ńkaga tʉ̀. Pi ka gyá ngɔ́’ ńtí wɔ̀ɔn, ńké tè kʉ́a.