Matio 5:10 - Nouveau Testament en Ngienboum

¹⁰ Pàshÿó mbòŋo ee pʉ̀a pie mé ne ńkʉ́e wɔ́b ńtí nue pɔ́ ne ńgÿo pá’ Ssé ne ńzɛ́te, «mélà’mie pɔ́ ge gÿo jÿó pì *lefùɔ Ssé».

Matio 5:10 ပူးပေါင်းရင်းမြစ်များ

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 19:14

Yěsô gɔɔn ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b, èpʉ̀a pie ée pá’ gubé zɔ̌ gẅiin nò ná *lefùɔ Ssé,

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Malékuse 10:14

Yěsô gyá pú’u, á té yé poŋ, á gɔɔn né *ngàŋa kwò yé ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b létó, epʉ̀a pie ée pá’ gubé zɔ̌ gẅiin nò ná *Lefùɔ Ssé.

Malékuse 10:30

tà nyé té zye pɔ́ fʉ̀’ɔɔn légẅiin setsɔ́ ngʉ̀a nkÿo wɔ́, mé ge tsɛ kʉ́e yé, tá’, e Ssé ké ńgÿo à fó pɔ́ fʉ̀’ɔɔn ńgẅiin mendá, ńgẅiin mefɛ́, ńgẅiin memá pé, ńgẅiin gubé yé, ńgẅiin menká’ mé, à piŋ ńdá’ ńgwɔ́ tsɛ̀ɛ ngwòŋ sẅé, ńgẅiin le gwɔ́ tèmì.

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Lukase 22:29

Áa yɛ̌ tá, ndʉŋ ndʉŋ pá’ Tá wɔ̀ɔn léen ńná lefùɔ né mèŋ la, n ge lá’ ná sí lefùɔ.

Lukase 6:20

Yěsô ńnéŋe tà ḿbʉ’ʉ twó yé, ńdíe *ngàŋa nkwò ye, ńgɔɔn ne pɔ́b ngie: Pi ee pàshÿó mbòŋo, pi pie pi ee mepóŋ, mélà’mie *lefùɔ Ssé gwɔ́ pɔ́ sí.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 15:20

Pi kímte nò gie mèŋ n da gɔɔn mbwo pi ngie: Mênkʉ́ fà’ tè fáŋ ńtɔ́gɔ tá fà’ we wɔ́, à lɔɔn ńgwɔ́ gie pɔ́ la pʉa wɔ̀ɔn, mbà pɔ́ gé gíŋ pʉa gẅi gí pɔ́ pú’u, ńgwɔ́ gie pɔ́ la kú’te shwóŋè yɔ́ɔn, mbà pɔ́ ge gíŋe kú’te gí pɔ́ pú’u.

Megàŋ ntúm 5:40

ńtóŋ megàŋ ntúm, ńtsẅi mé lɔg ngwɔ̀ɔn ńcúa wɔ́b. Pɔ́ tɔ’ɔ wɔ́b légíŋ ńdɔg lezíŋ Yěsô ńgɔɔn nò, ndêen ńké ńnyé wɔ́b pɔ́ gʉa.

Megàŋ ntúm 8:1

Sɔ̂l tyé jʉ’ó, ńzẅíŋe mmó gie mé gÿǒ ná Etien Á la fó lyɛ̌’ ŋwɛ́, mé zye lényɛ pʉ̀a Kristo ngʉ̀ngʉ̀ á Yerósalem tɛ’. Pɔ́ pú ńkÿo, ésa jʉ’ ná shÿó Jẅidea lâ Samalîɛ tà é cʉ́’ pɔ́ ndà’ megàŋ ntúm Yěsô á Yerósalem.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Filipo 1:28

Megàŋ mbù lɔɔn ḿvege gẅi tà pi cÿɔ’. Pi lɔɔn tè cÿɔ’, mbà á ge gwɔ́ mbwo pɔ́b, é gwɔ́ liŋé ngie pɔ́ ée ná mánzsè lepyé, tá’ é ké gwɔ́ mbwo pi é gwɔ́ liŋé ngie pi ée nà mánzsè letsẅɛ́. E Ssé zɔ gÿo mɔɔn menò.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

2 Timote 3:11

Ɔ̀ ne ńzsé pá’ pʉ̀a ka kʉ́e wɔ̀ɔn pú’u, ńzsé pá’ n ka gyá ngɔ́’ pú’u. Á lɔɔn ńgwɔ́ gie mé la gÿo lêkɔ́ nà mèŋ á Antiokia, á Ikonium, á Listele wɔ́, mbà ɔ̀ ne ńzsé. N da gyá ngɔ́’ tɛ’, tá’ á gʉa ná sɛ̌ lekwò wɔ́, Cʉ̀apʉ̀a ké fó tsoló ńkẅile wɔ̀ɔn kẅile,

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Ŋwà’ne Jâg 5:11

Pi gyá pá’ pege tóŋo pʉ̀a pie é la tʉte tʉte lê pà shÿó mbòŋo. Pi la jú’ pá’ mé la la’te ntí gie Job la lɔg shÿɔg pú’u. Pi piŋ ńzsé mmó gie à la cʉ́’ʉ lézsote Cʉ̀apʉ̀a gÿo ná yé, á nue Cʉ̀apʉ̀a gẅiin pòŋo ntʉ́m tɛ’, ńtsɔ́ɔn mezìŋe pɔ́ pú’u.

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.