Matio 4:9 - Nouveau Testament en Ngienboum

⁹ ńgɔɔn né yé ngie: Ɔ̀ lɔɔn ńkẅí’te mvfò mèŋ ńgu’te wɔ̀ɔn, m bú ńná né gu.

Matio 4:9 ပူးပေါင်းရင်းမြစ်များ

Matio 26:15

ńgɔɔn né pɔ́b ngie: N dɔɔn ńnyɛɛ gẅi pá’ pi ge gÿo tá gwoon Yěsô, pi náa kɔ́ né mèŋ? Pɔ́ ná nkáb pàg móm ntá né yé.

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

1 Timote 3:6

Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.