Matio 4:3 - Nouveau Testament en Ngienboum

³ Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Matio 4:3 ပူးပေါင်းရင်းမြစ်များ

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

Malékuse 1:1

Nzyetè Nkʉ̀ Mbòŋo Yěsô Kristo gẅie aa Míŋ Ssé, e yɔɔn

Malékuse 3:11

Epʉ̀a pie *messé tepòŋ la ne ḿbue wɔ́b lɔ́ɔn ńgwɔ́ tà ńgyá Yěsô, ńnuŋe mekwò yé, ńdɔgɔ ngyè tetʉʉ ńgɔɔn ngie: «Ɔɔ Míŋ Ssé».

Malékuse 5:7

ńdɔg ngyè tetʉ́ʉ ńga’te ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? Tsétsɔ’, mèŋ n dɔ̌g lezíŋ Ssé sẅíŋte gú ngie, ɔ̀ pɔ́ɔn lé ńnéŋe wɔ̀ɔn tsɛ̀ɛ ngɔ́’?

Lukase 1:35

*Cÿɔ́’ Ssé tsɔ́’ɔ mbwo yé ngie: À Zẅìge Ndʉalʉ̌a ge sẅɛ́’ kúu ná gù, e Ssé gẅie à pi’i kɔ̀ɔkɔ́ɔ lɔg metʉ̀ mé ńkábte gú tà yɔɔn nò pumte. À cʉa pú’u, tá mé gÿo ńtóŋo múɔ gẅie ɔ̀ ge zyé le Ndʉalʉ̌a, é gíŋe tóŋo yé le Míŋ Ssé.

Lukase 22:70

Pɔ́ metsèm la jú’ ńdeen ńgɔɔn ngie: Ɔ̀ lɔgɔ ńgwɔ́ Míŋ Ssé wɔ́? Yěsô tsɔ́’ ngie: Á kẅɛ̌ ncwò pi, mèŋ n ge wɛ̌.

Lukase 4:3

Sátà lêen ńtó ńgɔɔn né yé ngie: Pá’ ɔɔ Míŋ Ssé lá, lêen ńké ńtsẅi né tóon wɛ̂ ngie à sele ńcʉ́’ʉ mmó léjÿó ɔ̀ jÿó.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 4:9

Sátà lêen ńdɔgɔ Yěsô ńgʉa lé Yerósalem fʉ̀’ɔɔn, ńtÿɔ́gɔ yé nà ntsɔ̀’ gie ee *jʉ’ʉ Ssé, ńgɔɔn né yé ngie: Pá’ ɔɔ Míŋ Ssé la, fó jʉ’ɔɔn, ńkyɛ́, ńtyé Ssé, mélà’mie

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 9:35

Yěsô gÿo ńjú’ ngie pɔ́ fǒ *ndá cú’tè ńjwoŋo yé, ńgʉa ńgɔɔn né yé ngie: Ɔ̀ zǎb ntʉ́m ná *Míŋ Nyìŋ?

Megàŋ ntúm 9:20

Á gwɔ gwɔ, mbà à ka tè zẅí’te tá ńzye légwá ńkú mendá mecú’tè pà Yuda mie ée wó, ńne sá’a ngie Yěsô aa Míŋ Ssé wɔ́.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

1 Tesalonika 3:5

Áa mmó gie á ka gÿo tá mèŋ n te gíŋe ńku’u lézẅí’te wɔ́, éfó ńtúmo Timoté, ńgie à gʉa ńgyá pá’ gẅi lézáb ntʉ́m nà Ssé ka cʉ̌’ ńgwɔ́ pú’u, ńgwɔ túmo yé, ńne ḿbɔ́gɔ ngie Sátà ka cʉ̌’ ńkwa’te gẅi tà fà’ gie peg la fa’ cʉa sẅɛ̀ɛ.

Heber 12:16

Pi pɔ́ɔn pá’ à lɔɔn ńgwɔ́ nyìŋ gẅi pumo wɔ̌wɔ́ɔ pɔ́ yé nuŋe nuŋe, ḿbɔ́ɔn pá’ à lɔɔn ńgwɔ́ nyìŋ nyé té néŋ mekù’ ná shúm sie ée se Ssé, ndʉŋ ndʉŋ pá’ Esaẅi gẅie à la sẅiŋe nò mûɔ ndÿò gẅie à laa wɛ̌, mé lɔgɔ tà’a káŋa mmó léjÿó ńjú.

Heber 4:14

Pá’ pege gẅiin tà’ *nùŋe pwɔ́’ we lÿò gẅie aa kwà’ wɛ̌, á gẅie à la gʉa tà ńkúu lejʉ́ŋ Ssé ńtí wégè, á gwɔ́ Yěsô, ńgwɔ́ míŋ Ssé la, pege kú’te nò gie mé ka shwóŋó wégé, pege záb ntʉ́m mǒ, ḿbiŋ ne shwóŋó yɛ̌ nò mbwo petsɔ́ pʉ̀a.

Heber 7:3

Mé té tá pà Melekisedeg zsé. Mé té má we zsé, ńké tè zsé tsìŋe ndá gie á fóo mǒ wɔ́, mé té tóo tsɔ́ jʉ’ tsɛ̀ɛ ŋwà’ne Ssé ńjú’ mé gɔɔn nò ná lezyě yé wɔ́, ńké tè jú’ mé gɔɔn nò ná legwé we wɔ́. Á gwɔ́ pú’u, ńdɔgɔ ńgwɔ́ pá’ Míŋ Ssé, á nue aa nùŋe pwɔ́’ gẅie à gwɔ́ pɔ́ wó.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.