Matio 4:24 - Nouveau Testament en Ngienboum

²⁴ Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.

Matio 4:24 ပူးပေါင်းရင်းမြစ်များ

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Matio 14:1

Á gwɔ́ fʉ̀’ ayɛ̌, *Herôd gẅie à lɔ̌ɔn sá’a pàga ngwòŋ Galilea jú’ pá’ mé kíme Yěsô ńtí menò mie à ne ńgÿo,

Matio 15:22

ńkúu wó, àtsɔ̌ manzwě Kanaan fó wó ńtó, ńzye léga’te, ńgɔɔn ngie: Cʉ̀apʉ̀a, nyìŋ na ngẅɛ fùɔ Ndavíd! E *Ssé tepòŋ pǔ ne ńgege míŋ wɔ̀ɔn we manzwě tɛ’.

Matio 17:15

ńgɔɔn né yé ngie: A nde, tsétsɔ’, tsɔ́ɔn mezìŋe míŋ wɔ̀ɔn mɔɔn, aa ngwègwá’. À gyá ngɔ́’ tɛ’, à gwǎ ńgwe tsɛ̀ɛ mmɔ̌g, tà mbɔɔ tsɛ̀ɛ ntse.

Matio 17:18

Pɔ́ lɔgɔ yé ńtó, Yěsô cÿɔ́g *ssé tepòŋ, é kẅɛɛ ná múɔ ŋwɛ́, á gwóon sẅéte pɔ́ fʉ̀’ó.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 8:28

Yěsô gʉa tà ńkúu nà yetsɔ̌ nzǐŋ. É gwɔ́ ngwòŋ pà Garazania, etsɔ̌ pʉ̀a mépʉ́a pie *messé tepòŋ leen ńkúu ná pɔ́b fó jʉ’e mé túŋo pʉ̀a wó ńkẅɛ ńzá’a yé, mbà pɔ́ leen fʉ̀’ nò fʉ̀’ tà nyìŋ tè gíŋe ḿpfó wɛ̌ shÿó wɔ́.

Matio 8:33

Epʉ̀a pie pɔ́ ké ne ḿbyɛ́bɛ mekúnɔ́ɔn gyá pú’u, ńtága ńkÿote, ńgʉa tÿǒsoŋ ḿbú ḿbíte kɔ́ɔkɔ́ wɔ́ gie á cʉ̌a, tà mbɔɔ ye pʉ̀a pie *messé tepòŋ kěen ná pɔ́b la.

Matio 8:6

ńgɔɔn ngie: Cʉ̀apʉ̀a, mênkʉ́ wɔ̀ɔn nuŋe ndá, mbà kwʉ́’te gwǒon yé, à ne ńgyá ngɔ́’ tɛ’.

Matio 9:26

Mé lɔgɔ yɔ̀ɔn nò ḿbú saa jʉ’ nà yɛ̌ pàga ngwòŋ.

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Malékuse 1:28

Lezíŋ Yěsô gwóon saa lá’ tsɛ̀ɛ pàga ngwòŋ Galilea ŋwɛ́ ntsèm.

Malékuse 1:32

Ncwò nzém gÿo ńgwɔ́, tà mbà nèm pyě, pʉ̀a jʉ’ó kaa megàŋa guɔ ntsèm, mbɔɔ pʉ̀a pie tsɔ́ *messé tepòŋ la ne ḿbue wɔ́b, ńdɔg ńtó ńgyá Yěsô.

Malékuse 2:3

Tsɔ́ pʉ̀a tó, ńgẅiin ngàŋa kwʉ́’te, mbà mbàŋa lekùa tsetsɛ̀ɛ pɔ́b leŋé yé, lélɔg ńtó ńgyá Yěsô.

Malékuse 2:4

Alá’ piŋ ńgyɔ́ɔn gyɔ́ɔn, tà pɔ́ té ku’u lényɛɛ yé mbwo Yěsô wɔ́, ńgyá kékáŋ, ńcʉ́’ ḿpfó pɔ́ nzsè gie e gee tÿǒ ndá, ńdeŋte ńtsɔ́’ɔ jʉ’, á gwɔ́ jʉ’ gie Yěsô aa wó, éfó wó sẅé’e nguɔ wɔ́b nê kǔ wé, ńtÿɔ́gɔ mvfò yé.

Malékuse 2:9

Pi gyǎ gí ngie á zeŋe pɔ́ légɔɔn né ngàŋa kwʉ́’te ngie mé legé menò tepòŋ mé, kà pɔ́ légɔɔn ngie à lu ssé ńkaa kǔ wé ńdɔg ńgʉa?

Lukase 2:2

Wɛ̌ lɔ́gɔ ńgwɔ́ ndùŋ mvfò lesǎŋ pʉ̀a pú’u. Kirinus gwɔ́ fʉ̀’ó ńgwɔ́ ngúmnɔ́ɔn á tsɛ̀ɛ ngwòŋ Siria.

Lukase 4:14

Yěsô lêen ńké ńgwaa gíŋe piŋ né Galilea, à Zẅìge Ssé ně ńnáa yé métʉ̀, á lɔgɔ nyɛɛ mefà’ Ssé. Lezíŋ sé pú saa yɛ̌ pàga ngwòŋ ŋwɛ́,

Lukase 4:38

Yěsô kẅɛɛ ndá cú’te, ńgee mbʉ̀a Símo, ńgwaa kúu wó, mbà tsɔ̌ ntʉ̀ nnɛ́ kà gwoon mákẅi’ Símo. Mé sẅíŋte Yěsô ngie à kẅéte yé.

Lukase 5:15

Yěsô la tɔ’ɔ yé pú’u, mé ké ne ńkẅi’i ńkime yé kím, tà lá’ gíŋe ńkẅi’i ńtóo lé jú’u shwóŋè yé mbɔɔ légwɔ́ gie à ge zeŋe megùɔ mɔ́b.

Lukase 5:24

Mèŋ n ge ké nyɛɛ gẅi ngie áa ndùmo ssé tsetsá’, mbà mé la ná metʉ̀ né *Míŋ Nyìŋ lélɔg ńdege menò tepòŋ pʉ̀a mesoŋ ńnáa mbwo pɔ́b. Ńdêen ńké ńgɔɔn né ngùɔ ngie: Lu ssé, ńkaa páŋte gù ńdɔg ńgʉa lê mbʉ̀a gù.

Lukase 7:17

Mé la lɔg menò mie Yěsô gÿǒ ḿbú saa pàga ngwòŋ Jẅidea, tà mbɔɔ metsɔ́ melá’ shÿó jʉ’ó.

Ŋwà’ne Jâŋ 10:21

Petsɔ́ ne ngie: Yɛ̂ té shwóŋè nyìŋ gẅiessé tepòŋ léen ńgwoon yé wɔ́. Ngwɔ́ *ssé tepòŋ nyɛ́’ menÿɔ́g mefʉ̀?

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 15:23

Mé gÿo ŋwà’ne gie pɔ́ ge lɔg gʉa, ńŋwe’e tsoló ngie: Peg megàŋ ntúm Yěsô, pâ pàkẅé mvfò tsɛ̀ɛ cú’tè pʉ̀a Kristo á Yerósalem, peg mefɛ́ pí peg tsyɛ’té gẅi metsèm, á gẅi mefɛ́ mefɛ́ pie pi tè pà Yuda wɔ́, á gẅi gẅie pi tsẅé Antiokia, tà mbɔɔ petsɔ́ pʉ̀a pie ée nà pàga ngwòŋ Siria, tà mbɔɔ pʉ̀a pie ée nà pàga ngwòŋ Silisia.

Megàŋ ntúm 15:41

Á zyɛ́’ ye Siria pɔ́ Silisia, ńgiŋe ńkẅiŋte *mendá cú’tè ná lenyɛte ńzáb ntʉ́m wɔ́b ná Cʉ̀apʉ̀a.

Megàŋ ntúm 28:9

Petsɔ́ megàŋa guɔ lêen ńké ńjú’, éfó meshÿó meshÿó tsɛ̀ɛ ngwòŋ ŋwɛ́, ńtó ńgyá Pɔl. Á gÿo pɔ́ zeŋe.

Megàŋ ntúm 8:7

Pʉ̀a tà ńgyɔ́ɔn pie *messé tepòŋ la ne ḿbue wɔ́b la ne ńzeŋe. *Messé tepòŋ gwaa ně fóo ná pɔ́b kẅɛɛ ńga’te lê tʉ̀. Megàŋa kwʉ́’te lâ pàpwɔ́’te mekwò tà ńgyɔ́ɔn la ne ńzeŋe yɔ́b.