Matio 4:23 - Nouveau Testament en Ngienboum

²³ Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 4:23 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 12:9

Yěsô fó jʉ’ó, ńgʉa ńkúu tsɛ̀ɛ *ndá cú’tè pɔ́b.

Matio 13:19

Ngʉ̀ŋe mánzsè gẅie tsɔ́ memvòm gwě wó, ée pʉ̀a pie pɔ́ jú’u nò *lefùɔ Ssé, pɔ́ té jú’ tà ńjú’ wɔ́. Sátà tó, éfó tsɛ̀ɛ ntʉ́m wɔ́b ńkẅile.

Matio 13:54

né lá’ pɔb, ńkúu wó, ńně ńzí’i pʉ̀a nò Ssé tsɛ̀ɛ *ndá cú’tè pà Yuda. Pʉ̀a pie ée wó jú’u shwóŋò yé, ḿmɔɔn ńgɔɔn ngie: À lɔgɔ sɛ̂ legye lê metʉ̀ lɔg ńgÿo menò mmɔɔn mmɔɔn fóo nzɔ̌?

Matio 14:14

Á kúu jʉ’ó, éfó tsɛ̀ɛ kanú’ ńkẅɛ, ńgyá nùɔ lá’, mezìŋe mɔ́b kúu yé. Á zye légÿo megàŋa guɔ pie ée tsetsɛ̀ɛ pɔ́b zeŋe.

Matio 24:14

Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Malékuse 1:21

Pâ pɔ́ gÿo ńgʉa Kapernawúm, á gwɔ́ *lyɛ’ɛ́ nzsè pà Yuda, Yěsô gʉa *ndá cú’tè, ńzye lézí’i pʉ̀a nò Ssé.

Malékuse 1:39

Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Malékuse 3:10

Á gwaa gwɔ́, mbà à pǔ ńgÿo pʉ̀a tà ńgyɔ́ɔn sẅéte, tà pʉ̀a metsèm pie guɔ laa ná pɔ́b nɔ́ɔnte yé, ńzába pwó nà yé, mélà’mie à la ne gÿo pʉ̀a tà ńgyɔ́ɔn zeŋe.

Malékuse 6:2

*Alyɛ’ɛ́ nzsè yɔ́b gÿo ńgwɔ́, á gʉa *ndá cú’tè pɔ́b, ńzye lézí’i pʉ̀a nò Ssé, pʉ̀a tà ńgyɔ́ɔn jú’u shwóŋè yé, ḿmɔɔn, ńně ńgɔɔn ngie: Nyìŋ wɔɔn aa ńgwɔ́ pá’ɔɔn ńdɔgɔ yɔɔn ntí menò fóo pɔ́ nzɔ̌? Yɛ̌ ntí legyè fóo nzɔ̌ mbwo yé, à piŋ ngǎ tá ńku’u légÿo yɔɔn ntí menò mmɔɔn mmɔɔn?

Malékuse 6:6

Á kʉ’ʉ Yěsô tɛ’, pá’ pɔ́ kaa záb ntʉ́m ná yé wɔ́. Yěsô gÿo fó jʉ’ó, ńgʉa ńzye légiŋe tsɛ̀ɛ melá’ shÿó jʉ’ó, ńně ńzí’i pʉ̀a nò Ssé.

Lukase 10:9

Megàŋa guɔ gwɔ́ jʉ’ó pi gÿo pɔ́ zéŋe, ńgɔɔn mbwo lá’ ngie: Afʉ̀’ gie Ssé ge zye lényɛ *lefùɔ sé tsoté tà ńgwɔ́ lejʉ́ŋ pi.

Lukase 13:10

Á gwɔ́ tsɔ́ *lyɛ’ɛ́ nzsè pà Yuda, Yěsô gwɔ́ *ndá cú’tè pà Yuda ńne ńda’te nò Ssé mbwo lá’.

Lukase 16:16

Yěsô gíŋe ńgɔɔn ngie: Jâŋ ka gwaa tó, mé ne ńjú’u pɔ́ mbʉ̌ Mǒsê, pɔ́ menò *pàntsẅì nkʉ̀ Ssé, mé ée fʉ̀’ɔɔn ńne ńtsẅii Nkʉ̀ Mbòŋo ńdɔgɔ́ ḿbÿé ngie *lefùɔ Ssé zyě létó. Awɔ̌wɔ́ɔ ne ńkaga tʉ̀ lézẅíŋ ngie Ssé zɔ cʉ’ʉ́ sá’a yé.

Lukase 20:1

Yěsô gwɔ́ tsɔ́ lyɛ̌’, ńnyé ńgwɔ́ pɔ́ tsɛ̀ɛ *jʉ’ʉ Ssé ńně ńzí’i pʉ̀a mmó ńdɔgɔ ńtsẅii Nkʉ̀ Mbòŋo mbwo lá’, *metándá pànùŋe pwɔ́’ pâ *pàkyàgte lepʉ̌ Mǒsê lâ melÿò tsɛ̀ɛ lá’ tó.

Lukase 4:14

Yěsô lêen ńké ńgwaa gíŋe piŋ né Galilea, à Zẅìge Ssé ně ńnáa yé métʉ̀, á lɔgɔ nyɛɛ mefà’ Ssé. Lezíŋ sé pú saa yɛ̌ pàga ngwòŋ ŋwɛ́,

Lukase 5:17

Yěsô gwɔ́ lyɛ̌’, ńně ńda’te nò Ssé, pʉ̀a *farisay pâ *pàkyàgte mbʉ̌ Ssé tó ńnéŋe lejʉ́ŋ yé, éfóo ná melá’ mie ée tsɛ̀ɛ pàga ngwòŋ Galilea pɔ́ Jẅideá tà mbɔɔ tÿǒsoŋo Yerósalem. Metʉ̀ Cʉ̀apʉ̀a Ssé gwɔ́ nà Yěsô, á lɔgɔ ńzeŋe megùɔ.

Lukase 6:17

Yěsô pâ *ngàŋ ntúm yé gie à tsɔ̌’, fó ndùm lekwɔ’ɔ́ sẅɛ́’ tà ńkúu tsìŋe lekwɔ’ɔ́, ńgyá yetsɔ́ *Ngàŋa kwò yé gwɔ́ jʉ’ó tà ńgyɔ́ɔn pâ nùɔ lá’, mbà mé fǒ nà pàga ngwòŋ Jẅidea, éfó tÿǒsoŋ Yerósalem, éfó mengʉ̀ŋe metÿǒsoŋo Tir pɔ́ Sidoŋ tà mbɔɔ metÿǒsoŋ mie ée nkʉ̀ŋ ntse.

Lukase 6:6

Á gíŋe ńgwɔ́ tsɔ́ lyɛ̌’ɛ nzsé pà Yuda, Yěsô kúu *ndá cú’tè pà Yuda, ńně ńda’te nò Ssé. Atsɔ̌ mámbàŋa gwɔ́ yé ndá ŋwɛ́, mbà pwó yé ye tʉ̀ léen ńkwé.

Lukase 7:21

Á la gwaa gwɔ́, Yěsô ne ńzoŋo meguɔ tà ńgyɔ́ɔn, ńně siŋte *melɔ̌’ ntí ntí, ńně ńjwoŋo *messé tepòŋ mie é pue pʉ̀a, ńně ńgÿo pafʉ̀ menÿɔ́g gyá jʉ’.

Lukase 7:22

Á tsɔ́’ɔ mbwo pɔ́b ngie: Pi gʉa ḿbíte shwóŋó Jâŋ á mmó gie pi gyǎ, mbɔɔ gie pí jǔ’ mé gɔɔn, éshwóŋó yé ngie mefʉ̀ menÿɔ́g ne ńgyá jʉ’ mboŋó, pàpwɔ́’te mekwò ne ńgiŋe mboŋó, megàŋ nkà’ ne ńzeŋe, pàmbǔ’ metuŋó ne ńjú’u jʉ’, mepfó ne ńzyeen, mefÿɔg ne ńjú’u Nkʉ̀ Mbòŋo.

Lukase 8:1

Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Lukase 9:11

Alá’ zsé, ńcʉ́me nzèm ye. Á meen ńzẅíŋ, ńgíŋe shwóŋó wɔ́b nò nà *lefùɔ Ssé, ḿbiŋ ńgÿo pʉ̀a metsèm pie é la ne ńtsɔ́ɔn lézeŋe zeŋe.

Lukase 9:60

Yěsô tsɔ́’ɔ mbwo yé ngie: Nyé mepfó pɔ́ túŋ mepfó pɔ́b. Ɔ̀ gẅiin pɔ́ légʉa shwóŋ pá’ nò *lefùɔ Ssé áa pú’u.

Ŋwà’ne Jâŋ 18:20

Yěsô tsɔ́’ɔ mbwo yé ngie: Mèŋ n kɔ̌ɔn shʉ̀ashʉ̀a ńgɔɔn nò mbwo lá’, mèŋ n kɔ̌ɔn ńzí’i pʉ̀a mmó tsɛ̀ɛ *mendá cú’tè, mbɔɔ tsɛ̀ɛ jʉ’e Ssé, á jʉ’ gie pà Yuda cú’te wó. Mèŋ n kɔ̌ɔn tě ńgɔɔn tsɔ́ nò pɔ́ ńdÿoon lÿoon wɔ́.

Ŋwà’ne Jâŋ 6:59

Yěsô lɔ̌ɔn ńgɔɔn mɔɔn menò, á fʉ̀’ gie à la ne ńzí’i pʉ̀a nò Ssé tsɛ̀ɛ *ndá cú’tè pà Yuda á Kapernawúm.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 18:4

Á gwɔ́ yɛ̌ lyɛ’ɛ́ nzse pà Yuda wɔ́, Pɔl gʉa *ndá cú’tè pɔ́b, éfa’a shÿó léshwóŋ pà Yuda pâ pà Gelekia nò tà pɔ́ jú’.

Megàŋ ntúm 20:25

Mèŋ n ka cʉa tsetsɛ̀ɛ pi metsèm, ńgiŋe sá’a pá’ nò *lefùɔ Ssé áa pú’u. M biŋ ńgwɔ́ fʉ̀’ɔɔn, ńne ńzsé ngie pi tě ńdá’a ńgíŋe ńgyá shÿó wɔ̀ɔn mɔ́.

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Roma 10:15

Ngwɔ́ mé piŋ shwóŋó nò Cʉ̀apʉ̀a lêkɔ́ té gwɔ́ gie mé tǔm pʉ̀a pie pɔ́ ge shwóŋ? Á sẅé nò gie áa tsɛ̀ɛ ŋwà’ne Ssé, ńgwɔ́ ngie: Mântúm gwɔ́ tà ńtó, éshwóŋ pʉ̀a nò mbòŋo, lekág gwɔ́ ssé fʉ̀’ó.