Matio 4:10 - Nouveau Testament en Ngienboum

¹⁰ Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Matio 4:10 ပူးပေါင်းရင်းမြစ်များ

Matio 16:23

Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Malékuse 1:13

Pâ menɔ̀ɔn zɔ̌ gwɔ́ wó, ńnéŋe ńnéŋe lyɛ’ɛ́ lá’ móm lekùa, Sátà gwáa ńtóo ńtsóte yé ngie à fʉa nò. *Mecÿɔ́’ Ssé ne ńdíe yé.

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Lukase 11:18

Lefùɔ se Sátà gíŋ ńgwɔ́ pɔ́ kwà’ pú’u. Epʉ̀a pé lɔ́ɔn fagte, ńzye lésele ńdÿɔ́’ ncù tsetsɛ̀ɛ pɔ́b, mbà lefùɔ sé ge pyé. Pi gɔ̌ɔn ngie n dɔgɔ pɔ́ metʉ̀ Bɛlzebùl tá ńjwoŋo *messé tepòŋ.

Lukase 13:16

Ńgʉa ná manzwě wɔɔn gẅie aa nà ngẅɛ̀ Ábalam, mbà Sátà la leen ńkwɛ́ɛ yé, tà ée fʉ̀’ɔɔn ńdɔgɔ ńgwɔ́ ngù’ ntsɔ̀b lefɔ̌ɔn nê legém, mèŋ n kɔ’ɔ́ le kyɛ́’ nkÿo ná yé lyɛ̌’ɔɔn wɔ́, mélà’mie yɔɔn lyɛ̌’ɛ́ nzsè lá!

Lukase 22:3

Sátà kúu tsɛ̀ɛ ntʉ́m Jẅidas, á gwɔ́ tsɔ̌ tà’ nyìŋ ná pʉ̀a ntsɔ̀b pʉ́a nê legém, gẅie setsɔ́ lezíŋ sé laa le Iskariod.

Lukase 22:31

Yěsô piŋ ńgɔɔn mbwo Piɛ ngie: Símo, Símo, Sátà ně ńdá’ ńdúɔ léta’a gẅi métsèm ńtyɛ́te, pá’ mé tá’a mekú ńtyɛ́te la.

Lukase 4:8

Yěsô tsɔ́’ɔ mbwó yé ngie: Mé la ŋwe’e tsɛ̀ɛ ŋwà’ne Ssé ngie: Nyìŋ gu’te pɔ́ ndà’ Tá wɔb Ssé yé gílé yé, ḿbiŋe ńjú’ pɔ́ ndà’ ncwò wé

Ŋwà’ne Jâŋ 13:27

Jẅidas gwɔ́ tà ńkẅé, Sátà kúu tsɛ̀ɛ ntʉ́m yé. Yěsô leen ńké ńgɔɔn né yé ngie: Lwo sẅɛte ńgÿo mmó gie ɔ̀ gẅiin légÿo.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Megàŋ ntúm 5:3

Piɛ leen ńké ńzɛ́te yé ngie: Ananias, mélà’a kɔ́ ɔ̀ zẅǐŋ Sátà jÿó gú tà ɔ̀ fʉte zẅìge Ssé? Mélà’a kɔ́ ɔ̀ sẅǐŋ nká’ gù, ńkú’te tsɔ́ gwǒŋo nkáb?

1 Korento 5:5

ńtsege wɛ̌ nyìŋ náa mbwo Sátà. À tágte mbab nnɛ́ ngàŋ légwɔ́ gie á ge lá’a lyɛ̌’ gie Cʉ̀apʉ̀a ge lá’ tó, àzẅìge ngàŋ tsẅɛ́.

1 Korento 7:5

Tà mámbàŋa lʉ’ʉ nò mbwo nzwé we, tà manzwě ké ńdʉ’ yé. À lɔɔn ngwɔ́ pi gÿo pú’u, pɔ́ ná mûɔ méfʉ̀’ gẅie pi lɔgɔ́ tà’ ncwò ńgyá ngie pi ge sẅíŋte Ssé, ésẅíŋte Ssé tà ńtsẅé jʉ’, pi gíŋe ńnéŋe tsɛ̀ɛ lɔ́ɔn ndá gí pá’ pi zɔɔn ńnéŋe, ḿbɔ́gɔ légwɔ́ gie à lɔɔn ńgwɔ́ Sátà lɔg pá’ pi kʉ́a légwoonte mbùm gí ńkwa’te gẅí,

2 Korento 11:14

Á té pú’u, ńgwɔ́ pɔ́ tsɔ́ nò mmɔɔn mmɔɔn wɔ́, á nue Sátà giŋé ńnéŋe yé tà sele ńcʉ́’ ńgwɔ́ pɔ́ pá’ *cÿɔ́’ Ssé gẅie à fóo jʉ’ gie kyɛ̀’ áa wó la.

2 Korento 12:7

Pá’ n da gyá menò mmɔɔn mmɔɔn la, e Ssé gyá ngie ńgwaa ńgwɔ́ n dɔg ńŋá’te, ńzẅíŋ mântúm Sátà ńnéŋe ńcúa wɔ̀ɔn, é gwɔ́ ngɔ́’ gie e la kúu ná mèŋ pá’ nzóŋ gie e lé’e ná mèŋ ńne ńnéŋe ńgége wɔ̀ɔn la, pú’u, légwɔ́ gie n te ka’te wɔ́,

2 Korento 2:11

ńzsé ngie pege tè nyé Sátà à cʉa wégè wɔ́, á nue pege tè ne ḿmoŋe mmó gie aa nzèm pege é fa’a wɔ́.

Ŋwà’ne Jâg 4:7

Pú’u la, pi ne ńnuŋe ssé mvfò Ssé, ńne ńdʉ’ʉ Sátà, à fó lejʉ́ŋ pi ńkÿo.

1 Piɛ 5:9

Pú’u la, pi záb ntʉ́m gẅi nà Ssé, ńkẅi’i ńtʉte, ńdʉ’ʉ Sátà, ńne ńzsé ngie mefɛ́ pi ée tsɛ̀ɛ njÿó ńne ńgyá pɔ́ ntí ngɔ́’ gie pi gyá.