Matio 3:9 - Nouveau Testament en Ngienboum

⁹ Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Matio 3:9 ပူးပေါင်းရင်းမြစ်များ

Malékuse 7:21

Menkwaŋá tepòŋ zɔɔn fó pɔ́ tsɛ̀ɛ ntʉ́m nyìŋ mesoŋ, tá ńtsóte mbàŋa pɔ́ fa’a panzwě, epanzwě fa’a mbàŋa, ńtsóte nyìŋ á gwáa ńjʉ, ńtsóte nyìŋ á zẅé wetsɔ̌,

Lukase 12:17

Á zye lékwaŋ ngie: Mèŋ n ge gÿo lêkɔ́ tá pú le’e shúm sɔ́ɔn? Ajʉ’ ge kɔ́g,

Lukase 16:24

Ngàŋ nkáb zye léga’te ngie: Tá wɔ̀ɔn Ábalam, tsɔ́ɔn mezìŋe mɔ́ɔn, ńtúmo Nǎzalo, à cÿɔ’ɔ múɔ tepwó we á nà ntse ńdɔg ńtó, ńcʉ́me nà lʉ́m yɔ́ɔn. Á nue m bǔ ńne ńgyá ngɔ́’ tsɛ̀ɛ mmɔ̌g wɔɔn tɛ’.

Lukase 19:40

Yěsô tsɔ́’ ngie: Mèŋ shwóŋó gẅí: Pɔ́ lɔɔn ńdáŋte, mbà metóon ge pége jʉ’!

Lukase 3:8

Pi kúbe pɔ́ mà, ńgÿo menò mbòŋo mie é nyɛɛ ngie pi kubé. Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee púɔ Ábalam. Tà mèŋ n ké shwóŋó gẅí: E Ssé ku’u lésele metóon pɔɔn ńdɔg ńgÿo ngẅɛ̀ Ábalam.

Lukase 5:22

Yěsô gwóon ńzsé mmó gie pɔ́ zẅɛ́te mǒ, ńzɛ́te wɔ́b ngie: Pi gaa ńgẅiin yɛ̂ ntí nkwaŋá ntʉ́m pi?

Lukase 7:39

Nyìŋ *farisay gẅie à ně ńtóŋo Yěsô gyá pú’u, ńkwáŋte ntʉ́m yé ngie, nyìŋ wɔɔn gwe’e ńgwɔ́ kwà’ *ntsẅì nkʉ̀ Ssé, mbà à zsě lii manzwě gẅie à zába pwó ná ye lɛ, mbà à zsě ngie aa manzwě tepòŋ.

Ŋwà’ne Jâŋ 8:33

Pɔ́ tsɔ́’ɔ mbwo yé ngie: Peg ee pʉ̀a ná ngẅà Ábalam, peg laa zɔɔn ńgwɔ́ nkwɔɔn tsɔ̌ nyìŋ wɔ́. Ɔ̀ gǎ ńgɔɔn ngie nò nénʉ́ ge cu’u weg?

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Ŋwà’ne Jâŋ 8:53

Ńzsé ngie ɔ̀ lɔgɔ fáŋa ńcʉa tá wèg Ábalam keen? À la kwé, pà *ntsẅì nkʉ̀ Ssé gíŋe ńkwéte yɔ́b. Ɔ̀ kwǎŋ ngie ɔ́ɔ kɔ́ mmó?

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Megàŋ ntúm 15:14

Simo lǔ ssé lékímte wégè nò gie e Ssé ka gÿo nà pʉ̀a pie é té pà Yuda wɔ́. Yɛ̌ nò gwɔ́ ngie tà fó nzyetě, e Ssé záb ngie à ge gʉa tsetsɛ̀ɛ pʉ̀a pie é té pà Yuda wɔ́, é tsɔ́’ pʉ̀a lɔg gÿo pʉ̀a pie ée pé.

Roma 4:1

Tà áa pá’ɔɔn pege ge gɔɔn ngie kɔ́, á nà nò Ábalam gẅie aa mangʉa njʉ’ weg pà Yuda? À la lɔg metʉ̀ nyìŋ mesoŋ ńgẅiin kɔ́?