Matio 27:56 - Nouveau Testament en Ngienboum

⁵⁶ Á laa tsetsɛ̀ɛ pɔ́b, wɔɔn gwɔ́ Malîɛ Magdala, ńgÿo Malîɛ má pà Jâg pɔ́ Yesyɛ̂b, ńgíŋ ńgÿo má pà gubé Zebede.

Matio 27:56 ပူးပေါင်းရင်းမြစ်များ

Matio 13:55

À tè gwɔ́ pɔ́ míŋ kápíndɔ́ɔn wɔ́ lê? Lezíŋ má we té lê Malîɛ wɔ́ lê? À tè fɛ́ Jâg, lê Yesyɛ̂b, mbɔɔ Símo lê Jẅide wɔ́ lê?

Matio 27:61

À la gwɔ́ ńnéŋe pfó Yěsô jʉ’ó Malîɛ Magdala pɔ́ wetsɔ̌ Malîɛ ńnéŋe ssé á ngʉ̀ŋe lesyè, ńne ńgyá.

Matio 28:1

Àlyɛ’ɛ́ nzse pa Yuda gÿo ńtɔ́g, á gwɔ́ mba’ámba’ ná ndùŋ mvfò lyɛ̌’ nà ngàba lá’, Malîɛ Magdala pɔ́ wetsɔ̌ Malîɛ gʉa légyá lesyè,

Malékuse 15:47

À la gwɔ́ ńnéŋe pfó Yěsô jʉ’ó, Malîɛ Magdala, pɔ́ Malîɛ má pà Joses ne ńgyá.

Malékuse 16:9

Yěsô la zíme na legwé, á mba’ámba’ mvɔ́g mvfò lyɛ̌’ nà ngàba lá’, ḿvɔg ńnyɛ mbùm ye mbwo Malîɛ Magdala wá gẅie *messé tepòŋ sɔɔn mbʉ́a la gwoon yé, ńne ḿbue yé tá Yěsô kẅé yé mbwo pɔ́b la.

Lukase 24:10

Pànzwě ŋwɛ́ lâ Malîɛ Magdala, ńgÿo Jâne, mbɔɔ Malîɛ má pà Jâg, pâ petsɔ́ pànzwě. Pɔ́ píte menò ŋwɛ́ éshwóŋ *ngàŋa kwò Yěsô.

Lukase 8:2

Tsɔ́ ntá’ pànzwě gwɔ́ yɔ́b nùɔ, ńgwɔ́ pie à la zoŋ meguɔ ná pɔ́b, ńgÿo pie à la jwoŋ *messé tepòŋ mie é laa ná pɔ́b ńně ḿbue wɔ́b. Wɔɔn laa Malîɛ múɔ Magdala gẅie à la jwoŋ *messé tepòŋ sɔɔn mbʉ́a ná ye,

Ŋwà’ne Jâŋ 19:25

Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Ŋwà’ne Jâŋ 20:1

Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.

Ŋwà’ne Jâŋ 20:18

Malîɛ Magdala lêen ńké ńgʉa ńgyá megàŋa kwò Yěsô, éshwóŋó wɔ́b ngie à gyǎ Cʉ̀apʉ̀a, ńdeen ńké ńtsẅii nò gie à gɔ̌ɔn mbwo yé.