Matio 27:54 - Nouveau Testament en Ngienboum

⁵⁴ Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 27:54 ပူးပေါင်းရင်းမြစ်များ

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 27:36

Á ku’, pɔ́ ńnéŋe ssé ńne ḿbyɛ́bɛ Yěsô.

Matio 27:40

ńgɔɔn ngie: Ɔ̀ ka ne fa’a lékeme *jʉ’ʉ Ssé, ńdɔg lyɛ’ɛ́ lá’ sétá ńkwɛ́. Kwà’ gù zɔ kẅé twó ɔ̀, pá’ ɔ̀ lɔɔn ńgwɔ́ Míŋ Ssé, éfó ná tÿǒ nkǐ ésẅɛ́.

Matio 27:43

À la záb ntʉ́m wé nà Ssé, e Ssé lɔɔn ne ńkwoŋo yé tà shwóŋó nò, á gÿo á tsẅɛ́ fʉ̀’ɔɔn! Nyìŋ wɛ̂ la zɔɔn ńgɔɔn ngie: Mèŋ n ge Míŋ Ssé.

Matio 27:51

Yěsô cʉ́m pú’u, nzsǒ gie mé la lɔg ńkʉŋe tsɔ́ jʉ’ tsɛ̀ɛ *jʉ’ʉ Ssé fó tÿǒ shʉa pàg pʉ́a tá ńkúu ssé. Tsetsá’ cʉ’ʉ, metóon shʉ́ate,

Matio 4:3

Sátà tó ńkwa’te yé, ńgɔɔn ngie: Pá’ ɔɔ Míŋ Ssé lá, leen ńké ńtsẅi né metóon pɛ̂ ngie é sele ńcʉ́’ʉ mmó léjÿó ɔ̀ jÿó.

Matio 8:5

Yěsô gʉa tà ńkúu tÿǒsoŋ Kapernawúm, àtsɔ̌ tándá ncù pà *Roma zá’a yé, ésẅíŋte yé,

Malékuse 15:39

Tándá palÿɔ́’ ncù gẅie à la tyé ńne ńdíe tÿǒ nkǐ Yěsô, gyá ntí gie à lɔ̌g ńcʉ́m, ńgɔɔn ngie: Nyìŋ wɔɔn kaa kwà’ Míŋ Ssé.

Lukase 22:70

Pɔ́ metsèm la jú’ ńdeen ńgɔɔn ngie: Ɔ̀ lɔgɔ ńgwɔ́ Míŋ Ssé wɔ́? Yěsô tsɔ́’ ngie: Á kẅɛ̌ ncwò pi, mèŋ n ge wɛ̌.

Ŋwà’ne Jâŋ 19:7

Mekěm tsɔ́’ɔ mbwo yé ngie: À fʉ̌a *lepʉ̌ ség. Mé ge zẅé yé ńtí *lepʉ̌ sie à fʉ̌a. À gɔ̌ɔn ngie aa Míŋ Ssé.

Megàŋ ntúm 10:1

Atsɔ̌ nyìŋ gwɔ́ tÿǒsoŋ Sezare, lezíŋ sé gwɔ́ lê Kornɛy, á gwɔ́ tsɔ̌ tà’ tándá pàlÿɔ́’ ncù pà *Roma, ésá’a pʉ̀a nkÿo. Mé tóŋo yɛ̌ nùɔ lê nùɔ ye Italia.

Megàŋ ntúm 2:37

Pʉ̀a jú’u yɔɔn shwóŋè, á pú ńkúte wɔ́b tɛ’. Pɔ́ zɛ́te Piɛ pâ petsɔ́ megàŋ ntúm ngie: Mefɛ́ mefɛ́, tà peg ge gÿo lêkɔ́?

Megàŋ ntúm 21:32

ńgwóon ńcú’te pàlÿɔ́’ ncù pâ mentándá pɔ́b. Pâ pɔ̌ nɔ́ɔnte ńgʉa lê jʉ’ gie àlá’ cú’te wó. Alá’ gwɔ́ tà ńgyá pá’ Tándá metándá ncù pâ pàlÿɔ́’ ncù tóo, pɔ́ té gíŋe ńcúa Pɔl wɔ́.

Megàŋ ntúm 23:17

Pɔl tóŋo tsɔ̌ tà’ tándá ncù, ńgɔɔn né yé ngie: Lɔgɔ mûɔ shùm wɔɔn, ńgʉa ńtsege yé mbʉ̀a tándá gẅì. À gẅiin nò gie à gee shwǒŋ yé.

Megàŋ ntúm 23:23

MÀbiŋ ńgʉa nà metándá ncù pé, ńtsɔ́’ pe mépʉ́a, ńtsẅi né pɔ́b ngie pɔ́ nyɛte pàlÿɔ́’ ncù nkÿo pʉ́a, ńgÿo pàkwɔ́’ melÿoon móm sɔɔn mbʉ́a, lê pàgẅiin mekwoŋ nkÿo pʉ́a. Pɔ́ tyé pá’ nèm lepfwɔ’ɔ́ letsẅɛ́’ ge lêen gwaa ku’ pɔ́ lu ssé ńgʉa nê Sezare.

Megàŋ ntúm 27:1

Mé gÿo ńgwɔ́ tà ńzáb ngie peg ge kúu máamáa kanù’, é gʉa tsɛ̀ɛ ngwòŋ Italia, ńcʉ́me Pɔl lâ tsɔ́ megàŋa tsǎŋ mbwo tsɔ̌ tándá ncù. Lezíŋ sé gwɔ́ lê Julius. Á gwɔ́ tsɔ̌ tà’ nyìŋ ná kwò pàlÿɔ́’ ncù pie pɔ́ laa pe Kása.

Megàŋ ntúm 27:43

Tá’, tándá ncù piŋ tè ne ńkwoŋo ngie mé zẅé Pɔl wɔ́, ńdeen ńtɔ’ɔ wɔ́b légÿo mmó gie pɔ́ kwǎŋ, ńtsẅi né pʉ̀a pie pɔ́ zsé lézɔ́’ ntse ngie pɔ́ vɔ́g ńkúu ntse, ńzɔ́’ ntse, ńkẅɛɛ kwóŋ.

Roma 1:4

E Ssé piŋ ńzába yé á gwɔ́ Míŋ Ssé, ńgẅiin metʉ̀. Á lɔg pá’ à la gÿo á zíme tsetsɛ̀ɛ mepfó, mbɔɔ pá’ à la ńnéŋe Zẅìge Ndʉalʉ̌a mbwo yé.

Ŋwà’ne Ngyà jʉ’ 11:13

Pɔ́ ne ńkwɔ́’ɔ pú’u, atsetsá’ pú ńcʉ’e tɛ’. Tà’ nzsè tÿǒsoŋ á nà nzsè legém á kème. Tsetsá’ cʉ́’e pú’u, ńzẅete pʉ̀a mesoŋ ntsá’ sɔɔn mbʉ́a. Apfwɔ́’ɔ pʉ̀a pie pɔ́ tsẅɛ̌, á gyá ḿbɔ́g, ńnáa legú’ mbwo Ssé gẅie à ńnéŋe tÿǒ lepwó.