Matio 27:24 - Nouveau Testament en Ngienboum

²⁴ *Pilato gyá ngie mé té ne ńjú’u nò gie à gɔɔn wɔ́, ńně ńgyá ngie ńgwɔ́ á sele pʉ̀a tág jʉ’, ńdeen ńké ńkaa ntse, ésɔg mbwó mé á mvfò lá’, ńgɔɔn ngie: Mèŋ n te nò ná nò nyìŋ wɛ̂ gẅiin, á ne ńdíe pɔ́ gẅí

Matio 27:24 ပူးပေါင်းရင်းမြစ်များ

Matio 26:5

Tá tà mé ké ńgwoon yé lyɛ’ɛ́ línɔ́ɔn, ḿbɔ́gɔ lá’ létág jʉ’.

Matio 27:19

*Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Matio 27:23

*Pilato zɛ́te wɔ́b ngie: Kwà’ nò tepòŋ gie à gÿǒ gwɔ́ pɔ́ kɔ́? Tá àlá’ kẅi’i ńnáa gwá, ńgɔɔn pé ngie: Ké ńkime yé kim!

Matio 27:4

ńgɔɔn né pɔ́b ngie: Mèŋ n ka gÿo no tepoŋ pá’ n ka náa tèfʉa ngie mé zẅé yé. Pɔ́ jú’ ńtsɔ́’ ngie: Peg tè nò mǒ gẅiin, á jú’u lé gù.

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Matio 27:9

Yɛ̌ nò gÿo pú’u, ḿbumte ná pá’ *ntsẅì nkʉ̀ Ssé Yeremi la gɔɔn ngie: «Pɔ́ kěen ńkẅé nkáb pàg móm ntá, é gwɔ́ nzẅìŋ gẅie pà Israel ka zǎb ngie mé lɔg ńjúu yé».

Ŋwà’ne Jâŋ 13:9

Símo Piɛ gɔɔn né yé ngie: Á lɔɔn ńgwɔ́ pú’u, me Nde, tè sɔg pɔ́ ndà’ mekwò mɔ́ɔn, ɔ̀ pú sɔg mbwo mɔ́ɔn pâ twó yɔ́ɔn.

Ŋwà’ne Jâŋ 19:4

*Pilato gíŋe ńkẅɛ́ɛ pǐ ńgɔɔn né mekěm pà Yuda ngie: Mèŋ n ge lɔgɔ nyìŋ ŋwɛ́ tó ná né pi. Pi ké ńzsé ngie mèŋ n kaa gyá tsɔ́ mmó gie à fʉ̌a wɔ́.

Megàŋ ntúm 3:14

Pi ka moŋe nyìŋ gẅie e Ssé la tsɔ́’, á gwɔ́ ndà’ nyìŋ gẅie aa ndʉŋ ndʉŋ, ḿbiŋ sẅíŋte *pilato ngie à nyé fÿɛ́ né pi.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.