Matio 27:2 - Nouveau Testament en Ngienboum

² ńgÿo mé kwɛ́ɛ yé, ńdɔgɔ yé ńgʉa ńnáa mbwó ngúmnɔ́ɔn *Pilato.

Matio 27:2 ပူးပေါင်းရင်းမြစ်များ

Matio 20:19

ńnáa yé mbwó pàtèzsé Ssé, pɔ́ zoonte yé, ńdɔg ngwɔɔn ńcúɔ yé, ńkime yé nà tÿǒ nkǐ. A piŋ ńzíme nà legwé na ḿbɔ́ɔnte lyɛ̌’ tá.

Matio 28:14

Ngúmnɔ́ɔn lɔɔn ńké ńjú’, mbà peg ge zsé nò gie peg ge shwóŋó yé, ḿbɔ́gɔ gẅi légyá ngɔ́’.

Lukase 13:1

Á gwɔ́ fʉ̀’ áyɛ̌, etsɔ́ pʉ̀a tó ne ḿbíte menò mie é lǎ cʉa shwóŋó Yěsô, éshwóŋó yé pá’ *Pilato la gÿo mé zẅéte pʉ̀a Galilea, á fʉ̀’ gie pɔ́ la ne ńnáa shúm pwɔ́’ mbwo Ssé.

Lukase 20:20

Ńdeen ńké ńzye légwá ḿbáte yé, ńtúm pà mánáŋ nzèm yé, tà pɔ́ gwɔ́ yɔ́b nzèm yé pɔ́ pá’ pʉ̀a mbòŋo, tá ne ńzẅí’te pá’ nò ge kẅɛ pɔ́ cwo ye tá mé lɔg ńgwoon yé ńnáa mbwo ngúmnɔ́ɔn pà *Roma.

Lukase 23:1

Ngàŋa cú’tè gɔɔn pú’u, ńdu ssé métsèm, ńdɔgɔ Yěsô ńgʉa nê mvfò *Pilato.

Lukase 23:12

Á la gwaa gwɔ́ *Pilato pɔ́ *Herôd gwɔ́ lê mbù, ḿbiŋ fó lyɛ̌’ó pɔ́ cʉ́’ mesǒ.

Lukase 3:1

Jâŋ míŋ Sakarîɛ lá’ ńtsẅé nkwòŋo tsẅɛ tà Ssé túmo yé ngie à gʉa shwóŋó nò yé. Á gwɔ́ ngù’ ayɛ̌, mbà Kása Tibɛr gẅie à la ne sá’a ngwòŋo ngwòŋ, mbà à neŋé nà lʉŋ ngù’ ntsɔ̀b tʉ̀a lê legém. Ponte *Pilato á gwɔ́ ngúmnɔ́ɔn pàga ngwòŋ Jẅidea, *Herôd á né sá’a pàga ngwòŋ Galilea, afɛ̌ we Filib á ně sá’a Itẅiria pɔ́ Telakonid, Lisanias á ně sá’a Abilɛn. Ánɔ́ɔn pɔ́ Kaifa gwɔ́ *metándá pànùŋe pwɔ́’.

Ŋwà’ne Jâŋ 18:12

Anùɔ pàlÿɔ́’ ncù, pâ tándá wɔb lâ pà pyɛ́bɛ jʉ’e Ssé, é pie mekěm pà Yuda ně ńtúm, lêen ńké ńgwoon Yěsô, ńkwɛ́ɛ yé.

Ŋwà’ne Jâŋ 18:24

Ánnɔ́ɔn lêen ńké ńtsẅi, tà Yěsô nyé pɔ́ menkÿo, mé lɔgɔ yé ńgʉa náa mbwo Kaifa, á *nùŋe pwɔ́’ we lÿò.

Ŋwà’ne Jâŋ 18:28

Mé fóo nɔ’ɔ Kaifa, ńdɔgɔ Yěsô ńgʉa né mbʉ̀a ngúmnɔ́ɔn Pà *Roma. Á gwɔ́ mba’ámba’. Mekěm pie pɔ́ lɔgɔ́ Yěsô ńtó ké tè yɔ́b ndá ngúmnɔ́ɔn kú, ḿbɔ́gɔ lékaa *lɔ̌’, á tɔ’ɔ wɔ́b léjÿó línɔ́ɔn *Páskà.

Megàŋ ntúm 12:6

Njÿó, ge lʉ́a, fùɔ *Herôd gÿo mé tÿɔ́gɔ Piɛ mvfò lá’, mé ŋaga yé. Piɛ gwɔ́ lêtsẅɛ́’, ńnuŋe tsetsɛ̀ɛ pàlÿɔ́’ ncù mémbʉ́a, ńne ńdyé. Mbà mé lɔ̌g mentsɛ̂n mémbʉ́a ńcʉŋe yé. Pàpyɛ́b jʉ’ gwɔ́ ncwò ndá, lépyɛ́bɛ yé.

Megàŋ ntúm 21:33

Á tó ńtsẅi mé gwoon Pɔl ńdɔg metsɛ̂n mémbʉ́a ńkwɛ́ɛ yé, ḿbiŋ ńzɛ́te ngie: Nyìŋ wɔɔn aa wɔ̌? À gÿǒ lêkɔ́?

Megàŋ ntúm 22:25

Mé zye lékwɛ́ɛ Pɔl pá’ mé gee ńcúa yé. Á gɔɔn mbwo tándá ncù gẅie aa jʉ’ó ngie: Mé ge líe líe pi cúa mûɔ lá’ pà *Roma té mé zɔɔn fó ńŋaga yé wɔ? À wɔ̌ tsẅi pú’u?

Megàŋ ntúm 22:29

Epʉ̀a pie pɔ́ kě ńtyé lécúa Pɔl, á lélɔg ńgÿo á gɔɔn nò, fó lejʉ́ŋ yé ńkÿo. Tándá metándá ncù zsé ngie à ně fʉa légÿo mé kwɛ́ɛ mûɔ lá’ pà *Roma lê metsɛ̂n, ńtyé ńcʉ́’ʉ ḿbɔ́gɔ pɔ̌g.

Megàŋ ntúm 24:27

ńgwá ńgÿo pɔ́ pú’u, tà é gwaa gwɔ́ ngù’ pʉ́a, mé lɔgɔ ngúmnɔ́ɔn Porsius Festus ńkúbe Felese. Pá’ Felese la ne ńkwoŋo légÿo mmó gie á ge poŋ pà Yuda la, à nyé Pɔl pɔ́ ndá tsǎŋ.

Megàŋ ntúm 28:20

Yɔɔn áa mmó gie á ně ńgÿo tá mèŋ n tsɔ́ɔn légyá gẅi pege shwóŋe. Pi zsě gí mmó gie pà Israel ée ńzɔ́gɔ ḿbyɛ́bɛ. Metsɛ̂n mɔɔn piŋ ńgwɔ́ nà mbwó mɔ́ɔn pá’ɔɔn ńtí pɔ́ yɛ̌.

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

Megàŋ ntúm 9:2

ńzɛ́te yé ngie à ŋwe’e meŋwà’ne ńnáa mbwó yé. À lɔg ńgʉa Ndamas, ńnáa mbwo pàtyé mvfò ná *mendá cú’tè pà Yuda mie ée wó. Á zɛ́te pú’u, lélɔg ńgẅiin pá’ à lɔɔn ńtóo wó, ńgyá pʉ̀a pie pɔ́ ée ná mánzsè Yěsô ŋwɛ́, ka é gwɔ́ pɔ́ mbàŋa wɔ́, ka pànzwě wɔ́, á ku’u légwoonte wɔ́b, ńkwɛ́ɛ wɔ́b, ńdɔg ḿbiŋ ne Yerósalem.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

2 Timote 2:9

Mèŋ n gyá ngɔ́’ tà mé lɔgɔ metsɛ̂n ńkwɛ́ɛ wɔ̀ɔn pá’ fʉ̀’ gie mèŋ n gee nyìŋ tepòŋ la pá’ɔɔn ńtí pɔ́ nkʉ̀ mbòŋo ŋwɛ́. Tá’ mé kaa shwóŋè Ssé kwɛ́ɛ.

Heber 13:3

Pi kímte pʉ̀a pie pɔ́ ée ndá tsǎŋ tà à gwɔ́ pɔ́ pá’ fʉ̀’ gie pia pɔ̌ zɔ puté ńgwɔ́ ndá tsǎŋ la, ńkímte mbɔɔ pʉ̀a pie mé ne ńnyɛɛ wɔ́b ngɔ́’ pɔ́ pá’ fʉ̀’ gie mé nyɛɛ pɔ́ gẅi ngɔ́’ la.