Matio 27:19 - Nouveau Testament en Ngienboum

¹⁹ *Pilato la ne ńŋaga nò Yěsô, ànzwě we túmo nyìŋ ngie à gʉa, ńgɔɔn né yé ngie à laga twó yé ná ntsaŋ nyìŋ wɛ̂, ńgie aa pɛ́’ɛ ńgwɔ́ tèfʉa, ńgie ngàŋ shwóŋó yé ngie yé ně ńdá’a lá’, ńdyé njÿòon ná yé é gege yé tɛ’.

Matio 27:19 ပူးပေါင်းရင်းမြစ်များ

Matio 1:20

ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

Matio 2:19

*Herôd la gwɔ́ tà ńkwé, Yesyɛ̂b lyé njÿòon Egipto, ńgyá àtsɔ̌ *Cÿɔ́’ Cʉ̀apʉ̀a tó,

Matio 2:22

á jú’ ngie Arkélawẅis zɔ né sá’a pàga ngwòŋ Jẅidea, tà fó pá’ tá we *Herôd ka kwě, ńně ńcÿɔ’ɔ légʉa Jẅidea, ńdyé njÿòon, Cʉ̀apʉ̀a náa yé ntÿɔgɔ́. Á cʉ́’ ńgʉa pɔ́ lê tsɛ̀ɛ pàga ngwòŋ Galilea,

Matio 27:18

*Pilato lɔ̌ɔn ńgɔɔn pú’u, mélà’mie à cwoŋo ne ńzsé ngie mé kwɔ́’ɔ pɔ́ lóŋ ná Yěsô tá sẅiŋe ye.

Matio 27:24

*Pilato gyá ngie mé té ne ńjú’u nò gie à gɔɔn wɔ́, ńně ńgyá ngie ńgwɔ́ á sele pʉ̀a tág jʉ’, ńdeen ńké ńkaa ntse, ésɔg mbwó mé á mvfò lá’, ńgɔɔn ngie: Mèŋ n te nò ná nò nyìŋ wɛ̂ gẅiin, á ne ńdíe pɔ́ gẅí

Matio 27:4

ńgɔɔn né pɔ́b ngie: Mèŋ n ka gÿo no tepoŋ pá’ n ka náa tèfʉa ngie mé zẅé yé. Pɔ́ jú’ ńtsɔ́’ ngie: Peg tè nò mǒ gẅiin, á jú’u lé gù.

Lukase 23:41

Pɔgɔ kwé menò mɔ́gɔ. Tá ńgʉa ná yé, mbà à kaa tsɔ́ nò fʉa.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Ŋwà’ne Jâŋ 19:13

*Pilato jú’ pú’u, ńdɔgɔ Yěsô fóo ndá ńkẅɛ, ńnéŋe nà lʉ̀ŋe nzà’ ntsaŋ, á jʉ’ gie mé la lɔg metóon ńnuŋe, mé tóŋo ná shwóŋè pa Heber ngie Gabata.

Megàŋ ntúm 12:21

Mé táŋa lyɛ̌’, afùɔ *Herôd ma’ nzsǒ lefùɔ ye, ńtó ńnéŋe nà lʉ̀ŋe lefùɔ yé, ńne ńgɔɔn nò mbwo pɔ́b,

Megàŋ ntúm 18:12

Á gwɔ́ fʉ̀’ áyɛ̌, Galion gwɔ́ ngúmnɔ́ɔn ná pàga ngwòŋ pà *Roma gie mé tóŋo lê Akay. Pà Yuda ńnéŋe tà ḿbʉ’ʉ nnɛ́ nzèm Pɔl, ńgwoon yé ńdɔg ńgʉa jʉ’ gie mé sá’a ntsaŋ wɔ́,

Megàŋ ntúm 18:16

Gallion gɔɔn pú’u, éfó jʉ’ gie mé sá’a ntsaŋ wó, ńjwoŋo wɔ́b.

Megàŋ ntúm 18:17

Pɔ́b métsèm gwoon Sostɛne gẅie aa ndÿò tsɛ̀ɛ *ndá cú’tè pɔb, ńzye pɔ́ jʉ’ gie mé sá’a ntsaŋ wó lécua yé. Galion tè tsɔ́b.

Megàŋ ntúm 25:10

Pɔl tsɔ́’ɔ mbwo yé ngie: Mèŋ n tyě pá’ɔɔn jʉ’ʉ ntsaŋ ye Kása. Mé ge ŋag yɔɔn ntsaŋ pɔ́ jʉ’ɔɔn ŋwɛ́. N kaa tsɔ́ nò mbwo pà Yuda fʉa. Ɔ̀ cwoŋó ne ńzsé.

Megàŋ ntúm 25:17

Meŋ n ka gɔɔn pú’u, pega pà Yuda ŋwɛ́ lêen ńké ḿbú ńtó lê jʉ’ɔɔn. Njÿó lʉ́a, n gwóon ńtóŋ ntsaŋ té láte, ńtsẅi mé lɔgɔ nyìŋ ŋwɛ́ ńtóo mvfò mèŋ.

Megàŋ ntúm 25:6

Festus gÿo pú’u, ńnéŋe tsetsɛ̀ɛ pɔ́b Yerósalem mmó lyɛ̌’ lefɔ̌ɔn kà lyɛ̌’ legém tsɔ́ wɔ́, ńdeen ńké ḿbiŋ nzèm lê Sezare. Njÿó gÿo ńdʉ́a, á ńnéŋe ssé léŋag ntsaŋ, ńtsẅi ngie mé gÿo Pɔl tó.

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.