Matio 26:70 - Nouveau Testament en Ngienboum

⁷⁰ Piɛ tyé mvfò mânyìŋ ntsèm, ḿmoŋe ńgɔɔn ngie: N kaa zsé nò gie ɔ̀ fa’a légɔɔn wɔ́!

Matio 26:70 ပူးပေါင်းရင်းမြစ်များ

Matio 26:51

Àtsɔ̌ tà’ nyìŋ ná pʉ̀a pie pâ Yěsô kě ńgwɔ́, soŋ nně ncù á tsɛ̀ɛ mbʉ́a lélɔg ńkɔ́’ɔ ngàŋa fà’ we *nùŋe pwɔ́’ we lÿò, é kẅɛ́te letwoŋó sé, ńjúɔ.

Matio 26:56

Tá menò mie é cʉate lɔɔn lɔgɔ ḿbumte ná nò gie pà *ntsẅì nkʉ̀ Ssé la ŋwe’e. Mé gwoon Yěsô pá’ɔɔn, *ngàŋa kwò yé metsèm pú ńgwá’a yé ńkÿo.

Matio 26:58

Piɛ zse nzèm ye tá ńké ńgwɔ́ pɔ́ ngʉ̀a shʉ̀shʉ̀a, ńgʉa tà ńtɔ́g ńkú tetʉ́a *nùŋe pwɔ́’ we lÿò, ńgʉa ńnéŋe ssé á tsetsɛ̀ɛ megàŋa fà’, ńně fa’a légyá pá’ yɔɔn nò ge zsote pú’u.

Matio 26:69

Á gwaa gwɔ́ pú’u, Piɛ ńnéŋe tetʉ́a. Àtsɔ̌ ngàŋa fà’ we manzwě tó, ńgɔɔn né yé ngie: Mbɔɔ gù jú pi lâ Yěsô nyìŋ Galilea wɛ̂ kaa nùɔ.

Matio 26:71

Ńdeen ńké ńgʉa ńnéŋe né ncwò nká’. Wetsɔ̌ ngàŋa fà’ we manzwě gyá yé, ńgɔɔn né pʉ̀a pie é laa jʉ’ó ngie: Nyìŋ wɔɔn pɔ́ Yěsô nyìŋ Nǎzarɛd ka gwɔ̌.

Lukase 22:57

Piɛ lʉ’, ńgɔɔn né yé ngie: Manzwě wɛ, mèŋ n tè ne ńzsé yé wɔ́!

Roma 11:20

Oon mé la ké ńkɔ́’ɔ wɔ́b ńgwá’, á gwɔ́, mélà’mie pɔ́ kaa záb ntʉ́m ná Kristo wɔ́. Ɔ̀ piŋ ńgwɔ́ jʉ’ó, mélà’mie ɔ̀ zǎb ntʉ́m ná Kristo, tá’ tè ké ńŋá’te, tà ńcʉ́’ pú’u, ɔ̀ lag pɔ́ twó jú.

1 Korento 10:12

Pege fǒ ná yɔɔn nò ńjú’ ngie lenyě ńgee ge ńzɔb, à tè poŋ

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.