Matio 26:55 - Nouveau Testament en Ngienboum

⁵⁵ Yěsô leen ńké ńgɔɔn mbwó lá’ ngie: Pi gwǎ tó légwoon wɔ̀ɔn, ńgẅiin menně ncù lâ mekésiŋ pá’ fʉ̀’ gie pi ge ńgwoon ntsǒŋ pá’ɔɔn lêkɔ́? Mèŋ n kaa lyɛ̌’ ntsèm ńgwɔ́ pɔ́ tsetsɛ̀ɛ pi *jʉ’ʉ Ssé, ńne ńzí’i pʉ̀a nò Ssé! Pi ké tè wɔ̀ɔn gwoon.

Matio 26:55 ပူးပေါင်းရင်းမြစ်များ

Matio 21:23

Yěsô gíŋe ḿbiŋe tsɛ̀ɛ *jʉ’ʉ Ssé tà ńzye lézí’i pʉ̀a nò Ssé, *metándá pànùŋe pwɔ́’ pâ melÿò tsɛ̀ɛ lá’ tó ńzɛ́te yé ngie: Ɔ̀ lɔgɔ lezíŋ wɔ́ ńgÿo mɔɔn menò? Kwà’ wɔ̌ zɔ túmo ɔ́ ngie ɔ̀ gÿo pú’u?

Matio 26:47

Yěsô nyé ńgɔɔn gɔɔn, Jẅidas, gẅie aa tsɔ̌ tà’ ná *ngàŋa kwò yé ntsɔ̀b pʉ́a nê legém tó, àlá’ gwɔ́ nzèm yé tà ńgyɔ́ɔn, ńgẅiin menně ncù lâ mekésiŋ, ńgwɔ́ pʉ̀a pie *mentándá pànùŋe pwɔ́’ pâ mekěme lá’ é tumó wɔ́b.

Malékuse 10:1

Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Malékuse 12:35

Yěsô nyé *jʉ’ʉ Ssé ńne ńzí’i pʉ̀a nò Ssé, ńgɔɔn ngie: Pi kwaŋ gí ngie *pàkyàgte lepʉ̌ Mǒsê zí’i pʉ̀a ngie: *Nzà’nkÿo gẅie Ssé la ka’ ge lá’ gwɔ́ nyìŋ nà ngẅɛ̀ fùɔ Ndavíd pé’e, á lɔgɔ ńgwɔ́ lêkɔ́?

Lukase 19:47

Yěsô piŋ ńgwɔ́ lyɛ̌’ ntsèm, ńně ńgwɔ́ pɔ́ tsɛ̀ɛ *jʉ’ʉ Ssé ńzí’i pʉ̀a nò Ssé, *metándá pànùŋe pwɔ́’, pâ *pàkyàgte lepʉ̌ Mǒsê mbàa *mekěm pà Yuda ne fa’a shÿó légÿo mé zẅé yé.

Lukase 20:1

Yěsô gwɔ́ tsɔ́ lyɛ̌’, ńnyé ńgwɔ́ pɔ́ tsɛ̀ɛ *jʉ’ʉ Ssé ńně ńzí’i pʉ̀a mmó ńdɔgɔ ńtsẅii Nkʉ̀ Mbòŋo mbwo lá’, *metándá pànùŋe pwɔ́’ pâ *pàkyàgte lepʉ̌ Mǒsê lâ melÿò tsɛ̀ɛ lá’ tó.

Lukase 4:20

Yěsô la tóŋo yɛ̌ jʉ’ tà á mag, ńkábte ŋwà’ne, ńnáa mbwo nyìŋ gẅie à fa’a ndá ŋwɛ́, ésẅɛ́’, ńnéŋé ssé lékyagte. Pʉ̀a pie é laa *ndá cú’tè pú ńtÿɔ́g menÿɔ́g ná yá, ńně ńzẅí’te.

Ŋwà’ne Jâŋ 7:14

Mé jÿó línɔ́ɔn tà ńgebe, Yěsô gʉa ne *jʉ’ʉ Ssé, ńzye lézí’i pʉ̀a mmó.

Ŋwà’ne Jâŋ 7:28

Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.

Ŋwà’ne Jâŋ 8:2

ńgÿo ḿmʉ́ tsɛ̀ɛ mba’ámba’ ḿbiŋe jʉ’e Ssé. Alá’ ne ńtóo né lejʉ́ŋ yé, á ńnéŋe ssé, ńne ńzí’i wɔ́b mmó.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.