Matio 26:53 - Nouveau Testament en Ngienboum

⁵³ Ɔ̀ tè ne ńzsé ngie á kě ńgwe’e ńgwɔ́ nò ncù, mbà mèŋ n ně ńtóŋo Tá wɔ̀ɔn á gwóon ńtúm mecÿɔ́’ pé, tà e tɔ́g ntsɔ̀b pʉ́a nê legém pɔ́ tág nzèm yɔ̀ɔn mɔ́ keen.

Matio 26:53 ပူးပေါင်းရင်းမြစ်များ

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 4:11

Sátà leen ńké ńnyé Yěsô. *Mecÿɔ́’ Ssé tó, ne ńkẅéte yé.

Malékuse 5:15

ńgʉa tà ńkúu lejʉ́ŋ Yěsô, ńgyá nyìŋ gẅie *messé tepòŋ laa ná yé tà ńgyɔ́ɔn gyɔ́ɔn la, á ńnéŋe ḿma’ menzsǒ, mbà legyè sé pǐŋ, pɔ́ pú ḿbɔ́g tɛ’.

Malékuse 5:9

Yěsô zɛ́te nyìŋ ŋwɛ́ ngie: Lezíŋ shú ée le wɔ̌? Á tsɔ́’ɔ mbwo yé ngie: Lezíŋ sɔ́ɔn ée le menùɔ, mélà’mie peg *messé tepòŋ gyɔ́ɔn gyɔ̌ɔn,

Lukase 8:30

Yěsô zɛ́te nyìŋ ŋwɛ́ ngie: Lezíŋ shú ée le wɔ̌? Á gɔɔn ngie: Menùɔ. À lɔ̌ɔn ńgɔɔn pú’u, mélà’mie *messé tepòŋ ŋwɛ́ laa ná ye tà ńgyɔ́ɔn gyɔ́ɔn.

Ŋwà’ne Jâŋ 10:18

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Ŋwà’ne Jâŋ 18:36

Yěsô tsɔ́’ ngie: Esɔ́ɔn lefùɔ té se yɔɔn njÿó wɔ́. Lefùɔ sɔ́ɔn ke ńgwɔ́ se yɔɔn njÿó, mbà pʉ̀a pɔ́ɔn ně ńtág nzèm yɔ̀ɔn, tà mé té wɔ̀ɔn mbwo mekěm pà Yuda néŋ. Tá’, mèŋ n kě ńgɔɔn ngie sɔ́ɔn lefùɔ ké tè se yɔɔn njÿó wɔ́.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

Jẅide 1:14

Henɔg gẅie aa nà mejwoŋó sɔɔn mbʉ́a léfó ná Adam, à la tʉ́ njÿó ńtsẅi nkʉ̀ Ssé gẅie é líe wɔ́b ńgɔɔn ngie: Pi jú’ Cʉ̀apʉ̀a ge lɔg mecÿɔ́’ pé pe Ndʉalʉ̌a, é tó tà è pú ńgyɔ́ɔn gyɔ́ɔn tà ńgwaa ńgwɔ́ mé le sáŋ ńzsé nzẅìŋ wɔ́.