Matio 26:41 - Nouveau Testament en Ngienboum

⁴¹ Tà pi gíŋe ńdyé, pi sẅíŋte Ssé, ḿbɔ́g menò njÿó lékwà’te gẅí, pi fʉa nò. Ntʉ́m nyìŋ tʉte tɛ’ tá’, mbùm nnɛ́ pÿɛ́ pÿɛ̌.

Matio 26:41 ပူးပေါင်းရင်းမြစ်များ

Matio 24:42

Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Matio 26:38

ńdeen ńké ńgɔɔn né pɔ́b ngie: Ntʉ́m wɔ̀ɔn ée pá’ɔɔn ne ḿmÿɔgɔ pɔ́ nà ntí gie ńgwɔ́ mèŋ n kwé kwě. Pi ńnéŋe jʉ’ɔɔn, ḿbɔ́ɔn nyìŋ wege légwá’a lÿɔ̀g ńdyé,

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Malékuse 14:38

Tà pi gíŋe ńdyé, pi sẅíŋte Ssé ḿbɔ́g menò njÿó lékwa’te gẅi pi fʉa nò. Ntʉ́m nyìŋ tʉte tɛ’, tá’ mbùm nnɛ́ pÿɛ́ pÿɛ̌,

Lukase 11:4

lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Lukase 22:40

Pɔ́ la gʉa tà ńkúu wó, á gɔɔn né pɔ́b ngie: Pi sẅíŋte Ssé ḿbɔ́g menò njÿó lé kwa’te gẅi pi fʉa nò,

Lukase 22:46

Á gɔɔn ngie: Pi ńnéŋe té lyé, ḿbɔ́g menò njÿó lékwa’te gẅi pi fʉa nò.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

1 Korento 16:13

Tà pi gwá’a lÿɔ̀g ńdyé, pi záb ntʉ́m nà Ssé té kʉ́a, pi gwɔ́ mbàŋa, pi tʉ tʉ.

1 Korento 9:27

Mèŋ n ne ńgẅiin mbùm yɔɔn pá’ɔɔn tɛ’, ńkú’te tà ńzsé mmó gie mèŋ n gÿo yɛ̌, ḿbɔgɔ létsẅi Nkʉ̀ Mbòŋo mbwo pʉ̀a, mé piŋ ńgÿo ḿbe’e wɔ̀ɔn ńnáa nzèm.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.