Matio 26:39 - Nouveau Testament en Ngienboum

³⁹ ńgɔɔn pú’u, ńná’a ńgʉa mvfò, e sẅɛ’ nuŋe ssé, ésɔb shÿó wé ssé, ńne sẅíŋte Ssé ńgɔɔn ngie: Tá wɔ̀ɔn, á lɔɔn ńgwɔ́ gie ńgwɔ́ á gwɔ́ pú’u, ɔ̀ gÿo yɔɔn ntú’ ngʉ̀ngʉ̀ fó lejʉ́ŋ mèŋ ńtsíŋte! Tá’, tè gÿo wɔ̀ɔn lekwoŋ, gÿo pɔ́ gù lekwoŋ.

Matio 26:39 ပူးပေါင်းရင်းမြစ်များ

Matio 20:22

Yěsô tsɔ́’ ngie: Pi kaa zsé mmó gie pi ee pɛ́’ɛ ńdúɔ yɛ̌ wɔ́. Pi ku’u lénú ntú’ ngɔ́’ gie mèŋ n ge lénǔ? Pɔ́ tsɔ́’ ngie: Peg ku’u lénú.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Lukase 17:16

Ńtó ńnuŋe mekwò Yěsô, ńcÿɔ’ɔ zí yé ssé, ńná ndǎg mbwo yé. Angàŋ laa nyìŋ Samalîɛ.

Ŋwà’ne Jâŋ 11:41

Mé gwɔ́ tà sẅɛ’te tóon, Yěsô pʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, mèŋ n nǎ ndǎg pá’ mèŋ sẅíŋte gú, ɔ̀ jú’.

Ŋwà’ne Jâŋ 14:31

Tá mé zẅǐŋ ngie à tó pú’u, epʉ̀a mesoŋ tsɛ̀ɛ njÿó lêen ńke ńzsé ngie mèŋ kwoŋo Tá wɔ̀ɔn, n ne ńgÿo pɔ́ mmó gie à tsẅǐ ngie mèŋ n gÿo. Pi lu ssé pege fó jʉ’ɔɔn ńgʉa.

Ŋwà’ne Jâŋ 18:11

Tá Yěsô gɔɔn né Piɛ ngie: Néŋ nně jù mbʉ́a! Mèŋ n tè nú ntú’ ngɔ́’ gie Tá wɔ̀ɔn nǎ ngie mèŋ n nú wɔ́ ka?

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

Ŋwà’ne Jâŋ 6:38

Á nue mèŋ n da tè fó tÿǒ lepwó ńtó pɔ́ légÿo yɔ́ɔn mmó gie mèŋ n kwǒŋ wɔ́, n da tó légÿo mmó gie nyìŋ gẅie à la túmo wɔ̀ɔn à ne ńkwoŋo.

Megàŋ ntúm 10:25

Piɛ tó tà ńgwɔ́ ńkúu ndá, Kornɛy tó ńzá’a yé, ńnuŋe mekwò yé, ńgÿo mekù’ mé.

Filipo 2:8

À la zẅíŋe lésẅí’i mbùm yé ńnáa ssé, ḿbiŋ ńzẅíŋe lé jú’ ncwò Ssé, tà mé kíme yé nà tÿǒ nkǐ, á kwé.

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.