Matio 26:28 - Nouveau Testament en Ngienboum

²⁸ Á nue mɔɔn ée metse mɔ́ɔn, é metse mie Ssé lɔgɔ ńgwaa kʉa, é mie é pfɛte ná twó pʉ̀a tà ńgyɔ́ɔn, pá’ e Ssé ge lɔg lege meno tepoŋ mɔ́b.

Matio 26:28 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 26:27

ńgíŋe ńkaa ntú’ melù’, ńná ndǎg mbwó Ssé, ńgwaa náa mbwó *ngàŋa kwò yé, ńgɔɔn ngie: Pi kɔ̀ ḿbú ńnú metsèm.

Matio 26:29

Mèŋ shwóŋó gẅí, mèŋ n tě ńdá’a ńgíŋe ńnúu mɔɔn melù’ wɔ́, tà lá’ cʉ́’ʉ núu pɔ́ me sẅé fʉ̀’ gie pege cʉ̌’ ńgwɔ́ pɔ́ tsɛ̀ɛ lefùɔ Tá wɔ̀ɔn.

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Malékuse 1:4

Jâŋ gÿo ńnéŋe tà ńkẅɛɛ nkwòŋo tsẅɛ, ńně sá’a mbwo lá’ ngie pɔ́ kúbe mà wɔ́b, ńgÿo à nú’u wɔ́b ntse, e Ssé lege menò tepòŋ mɔ́b ńnáa mbwo pɔ́b.

Malékuse 14:24

Á gɔɔn né pɔ́b ngie: Mɔɔn ée metse mɔ́ɔn, é metse mie Ssé lɔgɔ ńgwaa *kʉ̀a, é pfɛte nà twó pʉ̀a tà ńgyɔ́ɔn.

Lukase 22:19

À la gíŋe ḿbí mbelég, ńná ndǎg mbwo Ssé, ḿbwɔ́’ ńgwaa náa mbwo *ngàŋa kwò yé ńgɔɔn ngie: Yɔɔn ee mbùm nnɛ́ yɔɔn [mie mé nǎ nà twó sí. Pi cʉ́’ ne ńgÿo pá’ɔɔn ńdɔ́gɔ ńkímte wɔ̀ɔn.

Lukase 22:20

Pɔ́ la pfɛ́ shúm léjÿó tà ḿmag, Yěsô kaa ntú’ melù’ ńgɔɔn ngie: Ntú’ yɔɔn ee pá’ɔɔn ńgwɔ́ kʉa sẅé gie e Ssé lɔgɔ metse mɔ́ɔn ńgwaa. E pfɛte ńtí gẅí].

Roma 5:15

Tá’ à lɔɔn ńgwɔ́ mé le lɔgɔ mmó gie á fó nà mefʉa Adam ḿbí fʉ̀’ nà nzẅìŋ fù’ gie e Ssé ne ńgába mbwo pʉ̀a pɔ́ sẅɛ̀ɛ sẅɛ̀ɛ wɔ́, mefʉa tà’ nyìŋ wémɔ’ɔ́ la gÿo legwé kúu nà mânyìŋ ntsèm tá’, ntí gie e Ssé la tsɔ́ɔn pʉ̀a ńcÿó gem yɔ́b pú’u, piŋ ḿbú fáŋ ńcʉa wɛ̌ légwɔ́ tɛ’. À fù’ gie á la fó nà tà’ nyìŋ gẅie aa Yěsô Kristo, e Ssé lɔg ńcÿó gem pʉ̀a tà ńgyɔ́ɔn á pú ńgẅiin nzẅìŋ tɛ’.

Roma 5:19

Ndʉŋ ndʉŋ pá’ tà’ nyìŋ mesoŋ la lʉ’ʉ lé jú’ ncwò Ssé, anùɔ lá’ fó mǒ ńcʉ́’ ngàŋ mefʉa la, tà’ nyìŋ wémɔ’ɔ́ la jú’ ncwò Ssé, á fó mǒ anùɔ lá’ lá’ ńcʉ́’ pʉ̀a pie e Ssé líe wɔ́b pɔ́ gwɔ́ ndʉŋ ndʉŋ mvfò yé.

1 Korento 11:25

Pɔ́ jÿó mmó tà ńtsẅé jʉ’, á gíŋe ńkaa ntú’ ńgɔɔn ngie: Ntú’ yɔɔn ee pá’ɔɔn ńgwɔ́ *kʉ̀a sẅé gie e Ssé lɔgɔ metse mɔ́ɔn ńgwaa. Pi cʉ́’ ńne ńgÿo pá’ɔɔn, ńdɔgɔ ńkímte wɔ̀ɔn fʉ̀’ ntsèm gie pi ge gÿo ne núu.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Kolosia 1:14

Yé zɔ la gÿo e Ssé fó tsɛ̀ɛ nò tepòŋ ńcu’u wégè, ńdege mefʉa mégè, ńnáa mbwo pege.

Kolosia 1:20

ńgíŋ ńkwoŋ ngie à ge fó pɔ́ ná yé, éshwoŋte kɔ̀ɔkɔ́ɔ, égíŋ ńnéŋe lejʉ́ŋ yé, kà á gwɔ́ pɔ́ mmó gie áa ndùmo ssé tsetsá’ wɔ́, kà tÿǒ lepwó wɔ́, é lɔg pá’ Míŋ we la pfɛte metse mé nà tÿǒ nkǐ, é mag mbù gẅie é laa tsetsɛ̀ɛ yé lâ pʉ̀a mesoŋ.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.

Ŋwà’ne Ngyà jʉ’ 7:9

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá nùɔ lá’ gie ńgwɔ́ nyìŋ le sáŋ tà ńzsé nzẅìŋ wɔ́. Mbà pʉ̀a fǒ nà mengwòŋ ntsèm, éfó nà mengẅɛ̀ mengẅɛ̀, ńgwɔ́ mentí mentí, éshwóŋó meshwóŋè ntí ntí mie ée ndùmo ssé tsetsá’. Pɔ́ la tyé mvfò lʉŋe lefùɔ, mbɔɔ mvfò Mûɔ *Njʉ̀njÿò, ḿma’ meféfɔ́gɔ nzsǒ, ńgẅiin meyáŋa letÿǒon,