Matio 25:5 - Nouveau Testament en Ngienboum

⁵ Nyìŋ gẅie à gee ńzɔ́’ɔ, à tè tɔ́g ńtó wɔ́, pɔ́ ńnéŋe tà lelɔ́g gwoon wɔ́b pɔ́ lyéte.

Matio 25:5 ပူးပေါင်းရင်းမြစ်များ

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

Matio 25:19

Ntyě ná’a sag, tá pà megàŋa fà’ pɔɔn méntá piŋ nzèm, ńtóŋo wɔ́b ńzɛ́te pá’ pɔ́ ka cʉ̌’ ńgÿo ná nkáb pú’u.

Matio 25:4

Epie é la gẅiin legye la gwaa kaa melâm pɔ́b, ńgíŋe ńnéŋ tsɔ́ mèvɛ tsɛ̀ɛ tsɔ́ mmó ndyɛ̀’ɛ ńgẅiin.

Matio 25:6

Tsɛ̀ɛ tsẅɛ́’ ku’, mé jú’ nyìŋ lɔg ngyè tetʉ̀ ngie: Nyìŋ gẅie à ge ńzɔ́’ɔ wɔɔn gẅie à tóo lɔɔn, pi kẅɛ ńgʉa ńzá’a yé.

Matio 26:40

Yěsô sẅíŋte Ssé pú’u, ḿbiŋ nzèm né lejʉ́ŋ *ngàŋa kwò yé, ńgyá pɔ́ ne ńdyé. Á gɔɔn né Piɛ ngie: Pi fǒ kaa ku’ pá’ ńgwɔ́ pege pú shÿɔgɔ lelɔ́g mbɔɔ ná tá’ ném wɔ́ la!

Matio 26:43

ńgɔɔn pú’u, ńgíŋ ḿbiŋ nzèm, ńgyá pɔ́ ne ńdyé lyě, mélà’mie á la gwaa gwɔ́, mbà lelɔ́g pǔ ńgwoon wɔ́b tɛ’.

Lukase 1:21

Alá’ gie á laa pi ńzẅí’te Sakarîɛ la gyá, mbà à neŋé tsɛ̀ɛ ndá tà á cʉa, á kʉ’ʉ wɔ́b.

Lukase 12:45

Tá pege gɔɔn ngie ngàŋa fà’ cʉ̌’ nzèm, ńgɔɔn ngie: Tá fà’ wɔ̀ɔn tè lwo piŋ wɔ́, ńdeen ńké ńzye lécúa petsɔ́ megàŋa fà’, pe mbàŋa lâ pe pànzwě, ḿpfɛ́ɛ mmó, ńnú melù’ ḿbʉ́a.

Lukase 18:8

Tà mèŋ n ké shwóŋó gẅí, à tè láté létó ńkẅéte wɔ́b gwɔ́. Tá’, tà á pá’ɔɔn, *Míŋ Nyìŋ gÿo ńgwaa tóo ndùmo ssé tsetsá’, ńgyá pʉ̀a mesoŋ ne ńzába ntʉ́m nà Ssé?

Lukase 20:9

Ńgɔɔn pú’u, ńzye lélɔg sagá nò ńgɔɔn né lá’ ngie: Atsɔ̌ ndÿò lǎ’ ńgẅiin nká’ wé, ńgʉa tsòló ḿbye metÿǒ mie mé kyéen mentɔ̌ɔn ńdɔgɔ ńnyɛte melù’, ńdu ssé ńgee legìŋ, ńgee tóo wó ńnéŋe tɛ’.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 2:25

Mèŋ n ne ńzɛ́te pɔ́ ndà’ ngie, ammó gie pi gẅiin, pi nyɛte ńkú’te mboŋó tà ńkú fʉ̀’ gie mèŋ n ge gÿo tó.