Matio 25:41 - Nouveau Testament en Ngienboum

⁴¹ É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 25:41 ပူးပေါင်းရင်းမြစ်များ

Matio 13:40

Ndʉŋ ndʉŋ pá’ mé tsɔ́’ shúm tepòŋ ńtúɔ mmɔ̌g lá, á ge là’ gíŋe gwɔ́ pɔ́ pú’u, ná nzsònzèm lyɛ’ɛ́ lá’.

Matio 13:42

é ma’a wɔ́b tsɛ̀ɛ máamáa mmɔ̌g, pɔ́ gwɔ́ jʉ’ó ne ńdʉa, melóŋ pɔ́b ne ffó.

Matio 13:50

é ma’a wɔ́b tsɛ̀ɛ mejʉŋ mmɔ̌g. Pɔ́ gwɔ́ jʉ’ó ne ńdʉa, melóŋ pɔ́b ne ffó.

Matio 18:8

Á lɔɔn ńcʉ́’ gie apwó ɔ́ ka kwò ɔ́ wɔ́, à tsóte ɔ́, ɔ̀ fʉ́a nò, ɔ̀ zá’ ńgwá’ á taataa ngʉ́a shʉ̀shʉ̀a. Mvfò aa gú légwɔ́ kème pwó ka kème kwò wɔ́, ndá’ ńgwɔ́ wó, ńcʉa pá’ à lɔɔn ńgwɔ́, ɔ̀ gẅiin mbwó mú mémbʉ́a ka mekwò mú mémbʉ́a wɔ́, ndá’ ńkúu tsɛ̀ɛ mmɔ̌g gẅie e tě ndá’a ḿbyé wɔ́.

Matio 25:42

Á nue nzyè la gyáŋa wɔ̀ɔn, pi tè náa mmó m pfɛ́ wɔ́, àgág yɔ́ɔn shÿó, pi tè ná ntse mèŋ n nú wɔ́.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 7:23

Mèŋ n deen ńké ńgɔɔn né pɔ́b ngie: Mèŋ tè gẅi zsé, pi ee pàfʉate menò, pi fó lejʉ́ŋ mèŋ ńtsíŋte nnɛ́

Lukase 13:27

Tá’, à gíŋe ńgɔɔn mbwo pi ngie: N tè ne ńzsé pʉ̀a pie pi ee pɛ̌ wɔ́. Pi fó ncwò ndá mèŋ ńgʉate, pi ee pàfʉate menò!

Lukase 16:24

Ngàŋ nkáb zye léga’te ngie: Tá wɔ̀ɔn Ábalam, tsɔ́ɔn mezìŋe mɔ́ɔn, ńtúmo Nǎzalo, à cÿɔ’ɔ múɔ tepwó we á nà ntse ńdɔg ńtó, ńcʉ́me nà lʉ́m yɔ́ɔn. Á nue m bǔ ńne ńgyá ngɔ́’ tsɛ̀ɛ mmɔ̌g wɔɔn tɛ’.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

2 Tesalonika 1:9

Ngɔ́’ gie pɔ́ ge lá’ gyá á gwɔ́ pɔ́ pá’ pɔ́ ge pú lége, Cʉ̀apʉ̀a wege tsɛ́ nzsè mbwo pɔ́b tà pɔ́ le sɔb nÿɔ́g ná yé wɔ́, é ké le gyá máamáa shʉ́shÿɔ́g we wɔ́.

Heber 6:8

Tá ńgwɔ́ gie kɔ́ɔn *ngùb pɔ́ nyɛ́’ ŋu’ zɔ̌ lɔɔn ńkwɔ́’ɔ nà yɛ̌ jʉ’ʉ tsetsá’, mbà á té kẅéte nà tsɔ́ mmó wɔ́, mbà Ssé ge néŋ ndòon mǒ, mé gwá’, ńgÿo ńcʉ́’ʉ ńgwá ńtuɔ tuɔ.

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.