Matio 25:34 - Nouveau Testament en Ngienboum

³⁴ Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 25:34 ပူးပေါင်းရင်းမြစ်များ

Matio 13:35

Á lɔ̌ɔn ńgÿo pú’u, légwɔ́ gie nò yɔɔn gie *ntsẅì nkʉ̀ Ssé la gɔɔn lɔɔn ge pumte. À la gɔɔn ngie: «Mèŋ n ge gÿo lɔg mesagá nò éshwóŋó wɔ́b nò. Mèŋ n ge gÿo shwóŋó wɔ́b menò mie ée lelyěen tà fó fʉ̀’ gie mé la nyɛte njÿó».

Matio 19:29

Àwɔ̌wɔɔ gẅie à la nyé mendá, ńnyé mefɛ́ pé pe mbàŋa mbɔɔ pe pànzwě, ka pɔ́ tá we, ka pɔ́ má we, ka pɔ́ penkʉ́ pé, ka pɔ́ menká’ mé wɔ́, ntí lezíŋ sɔ́ɔn, à ge lá’ gíŋe gẅiin sɛ̌ shúm ngʉ̀a nkÿo, é gíŋe gẅiin le gwɔ́ tèmi.

Matio 20:23

Yěsô gɔɔn né pɔb ngie: Pi ge gÿo nú ntú’ yɔ̀ɔn. Tá, ńgʉa nà leneŋé nyìŋ nà gwoŋó pwó yɔ́ɔn ye tʉ̀ ka pɔ́ ye kyɛ̀bɛ wɔ́, mbà mèŋ n zɔ tè gẅiin léná né nyìŋ wɔ́. Tá wɔ̀ɔn zɔ ne ńzsé pʉ̀a pie à la nyɛte sɛ̌ jʉ’ ńdɔgɔ ḿbyɛ́bɛ wɔ́b.

Matio 21:5

«Pi tsẅii mbwó pʉ̀a pie ée tsɛ̀ɛ tÿǒsoŋo Sioŋ ngie: Pɔ́ líe ńgyá pá’ fùɔ wɔ́b ne ńtóo né lejʉ́ŋ pɔ́b, ńgwɔ́ ngàŋ mbʉ́lè, ńnéŋe ndùm nzìkásè, á gwɔ́ mùɔ nzìkásè».

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:23

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 27:37

Mé ŋwe’e mmó gie à fʉa ńkime tÿǒ á jʉ’ gie twó yé la wó ńgie: Wɔɔn aa Yěsô, fùɔ pà Yuda.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 5:19

Pú’u la, nyìŋ gẅie à gʉ̌a nà mbʉ̌, éfó fʉa pɔ́ tsɔ̌ mùɔ métsẅǐ ḿbiŋ ńzí’i tsɔ́ pʉ̀a légÿo yɔ́b pá’ yé, mé ge lá’ náa yé tàa nzèm tsɛ̀ɛ nò *lefùɔ Ssé. À piŋ ńgʉa ná nyìŋ gẅie à tÿɔgɔ́ kwó mǒ, ḿbiŋ ńzí’i petsɔ́ pʉ̀a légÿo pú’u, mé lá’ ńnáa yé tàa mvfò tsɛ̀ɛ nò *lefùɔ Ssé.

Malékuse 10:17

Yěsô gÿo ńtyé mánzsè ńne ńgee, atsɔ̌ nyìŋ kÿote ńtó ńkẅí’te mvfò yé, ńzɛ́te yé ngie: Tsítsà, gù zɔɔ kwà’ nyìŋ mbòŋo. Mèŋ n ge gÿo yɔ́ɔn lêkɔ́ tá gẅiin le gwɔ́ tèmì?

Malékuse 10:40

Tá’, á gʉa nà leneŋé nyìŋ nà gwoŋó pwó yɔ́ɔn ye tʉ̀ kà pɔ́ ye kyɛ̀be wɔ́, mbà mèŋ n zɔ tè gẅiin lénná né nyìŋ wɔ́, esɛ̌ jʉ’ ée se pʉ̀a pie Ssé la nyɛte ńdɔgɔ ḿbyɛ́bɛ wɔ́b.

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Lukase 11:50

Tà fó pá’ Ssé la nyɛte njÿó yɔɔn, pɔ́ zẅě *pàntsẅì nkʉ̀ Ssé tà é gyɔ́ɔn tɛ’, metse mɔ́b métsèm ge ké pfɛte pɔ́ twó pʉ̀a pie ee tsɛ̀ɛ njÿo fʉ’ɔɔn.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Lukase 19:38

ńně ńgɔɔn ngie: Mbʉ́lè gwɔ́ ne fùɔ gẅie à tóo nà lezíŋ Cʉ̀apʉ̀a. e Ssé ee tÿǒ lepwo ńgwɔ́ ngàŋ mbʉ́lè, agù’te gwɔ́ mbwo yé gẅie aa tàa tÿǒ lepwó.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 12:13

ńdeen ńké ńkɔ́’ meyáŋa letÿǒon, ńdɔg ńkẅɛɛ tÿǒsoŋ, ńgʉa ńzá’a yé, ńne ńgɔɔn né ngyè tetʉ́ʉ ngie: Gùugẅî E Ssé gwɔ́ né fùɔ gẅie à lɔgɔ lezíŋ Ssé ńtóo. E Ssé gwɔ́ né fùɔ pà Israel.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 19:15

Pà Yuda náa gwá ngie: Mé zẅé yé, mé zẅé yé. Gÿo mé kime yé nà tÿǒ nkǐ. *Pilato gɔɔn né pɔ́b ngie: Mèŋ n zɔ ge kime fùɔ gẅi ná tÿǒ nkǐ ka? Mentándá pànuŋe pwɔ́’ tsɔ́’ ngie: É té ndà’ Kása wɔ́, mbà peg tè tsɔ̌ fùɔ gẅiin.

Megàŋ ntúm 15:18

É gwɔ́ menò mie aa ńzsé zsě.

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

1 Korento 15:50

Mefɛ́ pɔ́ɔn, n dɔgɔ pá’ɔɔn ńgɔɔn ngie: À lɔɔn ńgwɔ́ nyìŋ le lɔg mbùm nnɛ́ yɔɔn gie e gẅiin mbab nnɛ́ nê metse lɔɔn, ńdɔg ńkúu tsɛ̀ɛ *lefùɔ Ssé wɔ́. À lɔɔn ńgwɔ́ shúm sie é lʉ́ pâ sie é té lʉ́ le teme tà’a jʉ’ wɔ́.

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

Galatia 5:21

Pá’ letÿɔ̌g lejÿɔ́g nà shúm pʉ̀a, pá’ lenǔ melù’ tà ḿbʉ́a, pá’ lecu’té nà línɔ́ɔn lépfɛ́ shúm ńgÿo menò shʉ́, mbɔɔ pá’ legÿo tsɔ́ shúm sie é sẅé sie mé tʉ̌ lɔɔn. N ka zɔɔn shwóŋó gẅí, n ge gíŋe shwóŋó gẅi ngie: Pʉ̀a pie é gÿo yɔɔn ntí menò té lá’ gẅiin jʉ’ nà nò *lefùɔ Ssé wɔ́.

Efeso 5:5

Pi zsé ngie, mámbàŋa gẅie à tóŋo pànzwě, kà manzwě gẅie à fa’a mbàŋa wɔ́, mbɔɔ nyìŋ gẅie à gÿo menò ncÿǒ, tà mbɔɔ nyìŋ gẅie à zába ntʉ́m nà shúm pʉ̀a, atsɔ́ wɔb těen ńdá’a ńgẅiin yé jʉ’ tsɛ̀ɛ nò lefùɔ Kristo pɔ́ Ssé wɔ́. Lezǎb ntʉ́m nà shúm pʉ̀a, e gwɔ́ pɔ́ tsɔ̌ ntí legù’te shúm ńdɔg ngie ee Ssé.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.

Heber 4:3

Á gʉa ná pege pie pege ka jǔ’ tà ńzáb ntʉ́m mǒ, pege ge gÿo kúu tsɛ̀ɛ yɛ̌ sẅétè. Á gwɔ́ yɛ̌ ŋwɛ́ gie e Ssé la gɔɔn nò mǒ, á ná pá’ à la gɔɔn ngie: Mèŋ n ně ńdɔgɔ lóŋ ńkʉa ngie: Pɔ́ téen ńdá’a ńkúu tsɛ̀ɛ sẅétè gie n da nyɛte ńtí wɔ́b gwɔ́. E Ssé la gwaa gɔɔn pá’ɔɔn, mbà à la lá’ fa’ mefà’ mé á fʉ̀’ gie à la nyɛte njÿó tà é mag.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

1 Piɛ 1:9

Pi kága nue, pi ne ńgee ńgẅiin mmó gie pi kɔ̌ɔn ńzába ntʉ́m nà Ssé ńtí yɛ̌, á gwɔ́ pá’ Ssé ge gÿo pi tsẅɛ́.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.

Ŋwà’ne Ngyà jʉ’ 21:7

Wɛ̌wɛ̌ nyìŋ wɔ́ gẅie à mǎ’ ncù tà ńcʉa nò tepòŋ, mèŋ n ge gÿo náa yɛ̌ fù’ mbwo yé, é gwɔ́ Ssé ye, à gwɔ́ míŋ wɔ̀ɔn.

Ŋwà’ne Ngyà jʉ’ 5:10

Ɔ̀ la lɔgɔ wɔ́b ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wɔ́b ńgÿo pànuŋe pwɔ́’ pá’ pɔ́ ge fa’a mbwo Ssé yege. Mbɔɔ pá’ pɔ́ ge gÿo sá’ pʉ̀a ndùmo ssé tsetsá’.