Matio 24:7 - Nouveau Testament en Ngienboum

⁷ «Àlá’ ge lá’ lu ssé, é lÿɔ́’ɔ yetsɔ́, àfùɔ túm lu ssé, ńdÿɔ́’ɔ wetsɔ̌», tsetsá’ ge là’ pú cʉ’e ná mejʉ’ ta ńgyɔ́ɔn, gwáŋá gíŋe ngwe ná mejʉ’ ta ńgyɔ́ɔn.

Matio 24:7 ပူးပေါင်းရင်းမြစ်များ

Lukase 21:11

Tsetsá’ ge lá’ pú cʉ’ʉ nà mejʉ’ tà ńgyɔ́ɔn, gwá’a pɔ́ gwáŋa gwe tsɛ̀ɛ mepàg ngwòŋ tà ńgyɔ́ɔn. Mentʉ̀ menò gÿo, éshúm sie mé ge gyá cÿɔ’ cÿɔ’ kẅɛɛ lefaŋ.

Megàŋ ntúm 11:28

Atsɔ̌ tà’ nyìŋ gwɔ́ tsetsɛ̀ɛ pɔ́b, mé tóŋo yé lê Agabus. A Zẅìge Ssé tsẅi, á tʉ́ njÿó ńgɔɔn ngie: Atsɔ̌ máamáa gwáŋa ge gwe ndùmo tsetsá’ ntsèm, ńgɔɔn pú’u, wɛ̌ gwáŋa gÿo ńkwa’ ńgwe fʉ̀’ gie Kɔlɔde laa Kása pà Roma.

Megàŋ ntúm 2:19

Mèŋ n ge lá’ gÿo ndàa gyá nò kẅɛɛ lefàŋ. Menò mmɔɔn mmɔɔn kẅɛɛ ndùmo ssé tsetsá’. Mé gyá metse, ńgyá mmɔ̌g, ńgyá pá’ ndyé fu’u,

Heber 12:27

Yɔɔn nò lɔgɔ ńgɔɔn ngie: Á ge lá’a tsɔ́ fʉ̀’ mé pe’e shúm sie à lɔɔn ńnʉ’te é zóŋe, ńnáa nzèm é mag, á nue ée shúm sie mé la nyɛte nyɛte, é gÿo pú’u, é zsé ngie shúm sie mé nʉ’te é té zóŋe, zɔ̌ ge cʉ́’ gwɔ́ wó.

Ŋwà’ne Ngyà jʉ’ 6:12

Mûɔ *Njʉ̀njÿò ne ńnyɛ́’ɛ lìi nŋwá’ nà jʉ’ mbɔ́ɔntè ntɔgɔ́, n ne ńdíe, ńjú’ atsetsá’ pú ńcʉ’e pá’ɔɔn tɛ’, nèm sele síŋ pá’ nzsǒ gie mé lɔgɔ ńdúŋo legwé la. Saŋ pú sele ḿbaŋ pá’ metse la.

Ŋwà’ne Ngyà jʉ’ 6:5

Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétá, n jú’ nɔ̀ɔn mbɔ́ɔntè yétá kwé’e ngyè ye tÿǒ ngie: Tóo. N díe ńgyá tà’ ssé lÿóon kẅɛ. Nyìŋ gẅie à ńnéŋe mǒ gẅiin kílo lɔg fʉ̀’ʉ mmó mbwo yé.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.

Ŋwà’ne Ngyà jʉ’ 6:8

N díe ńgyá atsɔ̌ lÿóon kẅɛ, ńgeme síŋ sǐŋ. Lezíŋ nyìŋ gẅie à ńnéŋe mǒ gwɔ́ le legwé. À jʉ’ gie mepfó ée wó á gwɔ́ nzèm ye. Mé gabte ndùmo tsetsá’ nzsè lekùa, ńnáa tà’ nzsè ngie pɔ́ sá’ légwɔ́ gie pɔ́ ge lɔg nně ncù, é lɔgɔ gwáŋa, é lɔgɔ gwá’a mbɔɔ menɔ̀ɔn tsẅɛ̀, é zẅéte pʉ̀a ná yɛ̌ gwǒŋ.