Matio 24:49 - Nouveau Testament en Ngienboum

⁴⁹ ńzye lécúɔ pʉ̀a pie pâ pɔ́ fa’a, pâ mepʉ̀a melù’ cú’te ḿpfɛ́ shúm, ḿbiŋ ńnú melù’.

Matio 24:49 ပူးပေါင်းရင်းမြစ်များ

Matio 18:28

Tá ngàŋa fà’ wa fó mvfò fùɔ ńgʉa ńkúu mánzsè, ḿbumte tsɔ̌ shǔ we ngàŋa fà’, mbà wɛ̌ ngàŋa fà’ la tó ńkẅé nkáb yé ta é gwɔ́ mmo ntsá’ sɔɔn mbʉ́a. Á pumte yé pú’u, ńgwoon yé, ńtÿɔ́g ngàg lóŋ yé, ńgɔɔn ngie: Ná nkáb yɔ̀ɔn ma pɔ́ fʉ̀’ɔɔn.

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

Matio 24:50

Mbà tá fà’ we ge vege vege tó, á nà fʉ̀’ gie à tè ne ńzsé wɔ́,

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Ŋwà’ne Jâŋ 2:10

ńgɔɔn né yé ngie: Mé ée ḿvɔgɔ ńnáa pɔ́ melù’ mbòŋo, tà mé núu tɛ̀’, tá mé náa mie é ná’a ḿmeen meen. Tá ńgʉa ná gù, mbà yɔɔn áa jú fʉ̀’ gie ɔ̀ náa melù’ mbòŋo mbwo pʉ̀a lá?

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

2 Korento 11:20

Epʉ̀a ne ńdɔgɔ gẅi ńgÿo menkwɔɔn pɔ́b, pi fa’a pɔ́ jÿó, pɔ́ ne ńjʉʉ shúm sí, ńne ńnwile gẅí, ńtúu pwó legɔ̌’ pi, pi zẅíŋe zẅǐŋ.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

1 Piɛ 5:3

Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.

Jẅide 1:12

Pɔ́ ée pʉ̀a pie pɔ́ cʉŋe nzẅìŋ gẅi á fʉ̀’ gie pi mefɛ́ mefɛ́ cu’té ńne ńjÿó shúm, pɔ́ tó fʉ̀’ó ḿpfɛ́ɛ mmó tɛ’, ńnú melù’ tɛ’, pɔ́ té shʉ́ kú, ńkwaŋ pɔ́ ndà’ yɔ́b twó. Pɔ́ ée pá’ mbʉ̀ŋ gie e kwɔ̌’ tà mé ne ńzẅí’te ngie e lú, afóm kaa la, ńgwɔ́ pá’ metÿǒ mie ée těen ńzéme ntɔ̌ɔn wɔ́, tà mbɔɔ ná fʉ̀’ gie é kɔ’ɔ́ zém, ńgwɔ́ pá’ metÿǒ mie é léen ḿbʉe, ḿbú ńkwé.

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.

Ŋwà’ne Ngyà jʉ’ 16:6

Á nue pɔ́ la pfɛte metse pʉ̀a pú, mbɔɔ me pà Ntsẅi nkʉ̀ pú. Ɔ̀ kě ńná metse pɔ́ nú. Á gwɔ́ pá’ á kě ńne ńzɛ́te ngie mé gÿo ná pɔ́b pú’u.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.