Matio 24:42 - Nouveau Testament en Ngienboum

⁴² Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 24:42 ပူးပေါင်းရင်းမြစ်များ

Matio 24:36

Tá’, á ké ńgʉa ná lyɛ̌’ ayɛ̌, pɔ́ fʉ̀’ gie mɔɔn menò ge gÿo cʉa, mbà sɔɔn nyìŋ tè zsé tà mbɔɔ *mecÿɔ́’ Ssé pie ée tÿǒ lepwó, tà mbɔɔ Míŋ Ssé, ńda’ Tá gíle yé zɔ zsé.

Matio 24:43

Pi gíŋe ńzsé mbòŋo ngie, nyìŋ laa pé’e ńgwɔ́ gie à ńgwɔ́ á ńnéŋe mbʉ̀a yé, ńzsé fʉ̀’ gie ntsǒŋ ge tó, mbà à lɔɔn ńgwɔ́ á lá’ té lyé, ḿbyɛ́b tà ntsǒŋ le kúu mbʉ̀a yé wɔ́.

Matio 24:44

Pú’u, mbaa pi gí, pi cwoŋte mbùm gi ḿbyɛ́b, mélà’mie *Míŋ Nyìŋ ge gÿo vege vege tó.

Matio 25:10

Pɔ́ gʉa ńjúu, nyìŋ gẅie à zɔ́’ɔ cʉ́’ ńtó, pâ pûɔ ngùɔ pie tsɔ́ mmó la tè ne ńzága wɔ́b gwɔ́ kúu ndá línɔ́ɔn lɔ́ɔn ndá, mé jÿɔ́’ ncwò ndá.

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

1 Korento 16:13

Tà pi gwá’a lÿɔ̀g ńdyé, pi záb ntʉ́m nà Ssé té kʉ́a, pi gwɔ́ mbàŋa, pi tʉ tʉ.

1 Tesalonika 5:6

Pú’u la, tà pege lyé pá’ petsɔ́ pʉ̀a. Tà pege gwá’a lÿɔg ńdyé, pege jÿó mmó à ku’ ku’.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.