Matio 24:31 - Nouveau Testament en Ngienboum

³¹ é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

Matio 24:31 ပူးပေါင်းရင်းမြစ်များ

Matio 13:41

*Míŋ Nyìŋ ge lá’ túm mecÿɔ́’ pé, pɔ́ fó nùɔ pʉ̀a pé ńkẅile ngàŋ nkwà’te mbɔɔ pʉ̀a tepòŋ,

Matio 24:22

Tá ńgwɔ́ gie e Ssé laa pé’e, ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à gwe tsɔ́ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’, tá ńtsẅɛ́te melyɛ’ɛ́ lá’ amɛ̌.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 24:32

Pi pí fʉ̀’ ná tÿǒ mbÿě ngem, pi gwɔ́ tà ńgyá meffo kwo tà á gíŋe ńzye létáb, pi zsé ngie, àfʉ̀’e lùm ne ńtóo.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Malékuse 13:27

É túm *mecÿɔ́’ Ssé, pɔ́ cú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùa, pɔ́ fó meshÿó meshÿó ńtó.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 11:52

Á le gwɔ́ pɔ́ ndà’ nà twó pà Yuda gílé pɔ́b wɔ́, á gíŋe ńgwɔ́ lélɔg ńtemte púɔ Ssé pie ée jʉ’ ntsèm, pɔ́ cʉ́’ʉ tà’ nùɔ.

Roma 10:18

Á fó ńgwɔ́ tà ńgwɔ́ gie ńgwɔ́ mèŋ n zɛ́te ngie tà pà Yuda la zɔɔn ńkwa’ ńjú’ wɔɔn nkʉ̀ wɔ́? N gyǎ ngie pɔ́ la jú’ jǔ’. Á gwɔ́ pá’ mé la ŋwe’e tsɛ̀ɛ ŋwà’ne Ssé ngie: Mé jǔ’ ngyè yɔb, pɔ́ ne shwóŋó nò Ssé á jʉ’ ntsèm ndùmo ssé tsetsá’. Anò gie pɔ́ gɔ̌ɔn gǐŋ giŋ tà ńkúu nzsòte tsetsá’.

1 Korento 15:52

pɔ́ tà’ legʉa, lê gàg, mbà nzsòte nzèm ngyè ntàŋ e cʉ̌m, á nue yɛ̌ ngyè ntàŋ ge lá’ cʉ́m mepfó e zíme nà legwé pá’ pɔ́ té ge lá’ gíŋe kwé wɔ́, á gwɔ́ pú’u, pege gẅiin mbùm ye sẅé.

Efeso 1:10

ńgwɔ́ ngie à fʉ̀’ ge lá’ gwɔ́ tà ku’, yé Ssé cú’te shúm ntsèm sie ée tÿǒ lepwó lâ sie ée ndùme ssé tsetsá’, é ná ntsèm ntsèm mbwo Kristo à ne sá’a pɔ́ gílé ye.

1 Tesalonika 4:16

Á ge lá’a lyɛ̌’ áyɛ̌, mé jú’u mmó gie á pÿé, á gwɔ́ pá’ *cÿɔ́’ Ssé we lÿò ge ná ngyè ye tÿǒ gɔɔn nò, ńgwɔ́ pá’ mé ge jú’ ngyè ntàŋ Ssé, kwà’ Cʉ̀apʉ̀a Kristo à fó tÿǒ lepwó ésẅɛ́’, pʉ̀a pie é la gwɔ kwé ńne ńzába ntʉ́m ná ye vɔg ńzíme nà legwé.

2 Tesalonika 2:1

Mefɛ́ mefɛ́, á gʉa ná nò gie á ne ńdíe lyɛ’ɛ́ lá’ gie Cʉ̀apʉ̀a wege Yěsô ge lá’ gíŋe tó, pege cú’te mvfò yé la, peg ne sẅíŋte gẅi ngie:

Heber 12:19

ńjú’ mé tóŋ ntàŋ, ńjú’ tsɔ̌ máamáa ngyè ne ńgɔɔn nò, ńzẅɛ tà pʉ̀a pie pɔ́ la ne ńjú’u, té gíŋe ńkwoŋ ngie e gíŋe ńkẅi’i ńgɔɔn tsɔ́ nò né pɔ́b wɔ́,

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 7:1

M bɔ́ɔntè ńgyá *mecÿɔ́’ Ssé lekùa ndùmo ssé tsetsá’, é tyéte ná meshÿó lekùa, ńne ńtáte mefefà lekùa mie ée ndùmo ssé tsetsá’, légwɔ́ gie atsɔ̌ fefà tè cʉa ndùmo ssé tsetsá’ wɔ́, é ké le cʉa ndùm ntse té pàa wɔ́, é ké le cʉ’e tsɔ̌ tà’a tÿǒ wɔ́.

Ŋwà’ne Ngyà jʉ’ 8:2

Mèŋ n gyá mé ná mentàŋ Sɔɔn mbʉ́a á mbwo *mecÿɔ́’ Ssé sɔɔn mbʉ́a pie pɔ́ ée ntyé mvfò Ssé.