Matio 24:29 - Nouveau Testament en Ngienboum

²⁹ Mɛ̌ melyɛ̌’ɛ ngʉ̀ngʉ̀ ge lá’ gwóon tɔ́g, «nèm sele síŋ, saŋ á le gíŋe ńtʉ́a wɔ́, mecÿɔ́’ saŋ fó tÿǒ lefaŋ ńgwete ssé, àkɔ́ɔkɔ́ gie áa lefaŋ wɔ́ à pú ńtága».

Matio 24:29 ပူးပေါင်းရင်းမြစ်များ

Matio 24:21

«Á nue ngʉ̀ngʉ̀ gie e ge lá’ kú pʉ̀a, ge lá’ gyɔ́ɔn tɛ’, tà mbà mé laa zɔɔn ńgyá tsɔ̌ pú’u wɔ́, tà fó pá’ Ssé la nuŋe njÿó, ńgʉa kú fʉ̀’ɔɔn», mé ké le la’ ngíŋe ńgyá tsɔ̌ pú’u, wɔ́.

Matio 24:8

Mɔɔn menò ge lá’ lɔgɔ gwɔ́ pá’ manzwě gẅie à zyete lélúme la.

2 Piɛ 3:10

Alyɛ’ɛ́ lá’ Cʉ̀apʉ̀a ge lá’ tó pɔ́ pá’ tsǒŋ tóo lá. À gwɔ́ lyɛ̌’ó, lefaŋ gwaa mag, ejʉ’ zẅɛ tà mé pɔ́g. Eshúm sie ée lefaŋ e pú shÿó, tsetsá’ pâ shúm sie ée ndùmo e pú ḿmag.

Ŋwà’ne Ngyà jʉ’ 8:12

*Cÿɔ́’ Ssé mbɔ́ɔntè lekùa tóŋ wé ntàŋ. Ammó cʉa ná tà’ nzsè lejÿɔ́g nèm á nà nzsè tá, ńcʉa ná tà’ nzsè lejÿɔ́g saŋ á ná nzsè tá, ńcʉa ná tà’ nzsè mecÿɔ́’ saŋ á ná nzsè tá légwɔ́ gie pɔ́ ge cʉ́’ʉ lékyɛ’ jʉ’, tà’ nzsè pyé mǒ á nà nzsè tá, mbɔɔ pá’ fʉ̀’e zsó ge pyé tà’ nzsè nèm, afʉ̀’e lêtsẅɛ́’ à gíŋe ḿbyé yé tà’ nzsè ná saŋ lâ mecÿɔ́’ saŋ á nà nzsè tá.