Matio 24:15 - Nouveau Testament en Ngienboum

¹⁵ Á ge lá’ gwɔ́ fʉ̀’ó, pi gyá nyìŋ gẅie *ntsẅì nkʉ̀ Ssé Ndaniɛ la tóŋo yé lê «nkʉ̀’ʉ ntàgte jʉ’». Á tó ńtyé kwà’ tsɛ̀ɛ jʉ’ gie e Ssé ee wo. Nyìŋ tóŋo jʉ’ʉ ŋwà’né yɔɔn, á kag tʉ lenyɛte ńjú’.

Matio 24:15 ပူးပေါင်းရင်းမြစ်များ

Matio 24:16

Á poŋ ngie, mé lɔɔn ńdá’ ńgwɔ́ tà ńgyá yé, pʉ̀a pie ee Jẅidea kÿo ńdɔg ye mekwɔ’ɔ́ ńgʉa ńdyeen.

Malékuse 13:14

Á ge lá’ gwɔ́ fʉ̀’ó, pi gyá nyìŋ gẅie mé tóŋo yé le «nkʉ̀’ʉ ntàgte jʉ’ gẅie mé nyiŋe nyiŋe», à tó ńtyé jʉ’ gie á kɔ’ɔ tè tyé wó wɔ́. (Nyìŋ tóŋo jʉ’ʉ ŋwà’ne yɔɔn, á kag tʉ̀ lényɛte ńjú’). Á poŋ ngie, mé lɔɔn ńdá’ ńgwɔ́ tà ńgyá yé, pʉ̀a pie ée Jẅidea kÿo ńdɔg ye mekwɔ’ɔ́ ńgʉa ńdyeen.

Lukase 19:43

Atsɔ́ fʉ̀’ ge gÿo gwɔ́, megàŋ mbù pí tó, ńkwɛ́ nká’ ńdɔg ńkíle gẅí, éfóo meshÿó meshÿó tó nẅé’e gẅí.

Lukase 21:20

Pi gÿo ńgwɔ́ tà ńgyá pà lÿɔ́’ ncù tó ńzéme Yerósalem tà ḿbume, pi zsé ngie fʉ̀’ gie mé ge tágte tÿǒsoŋ ne ńku’u.

Ŋwà’ne Jâŋ 11:48

Pege lɔɔn ńnyé yé á lɔg ńgʉa mvfò, mbà mânyìŋ ntsèm ge záb ntʉ́m ná ye. Pà *Roma tó ńgwɔ́ tɔ’, ńtága *jʉ’ʉ Ssé Yerósalem, mbɔɔ ngwòŋ wégè.

Megàŋ ntúm 21:28

ńkwé’e ngyè yɔb tÿǒ ńga’te ngie: Pʉ̀a Israel, pi tó ńkẅéte wég! Nyìŋ wa wɔɔn. À ne ńgwá ńgiŋe jʉ’ ntsèm ndùmo ssé tsetsá’ ńkíme pʉ̀a lá’ pégè té pòŋ, éshwóŋó té pòŋ ná *lepʉ̌ Mǒsê. Tà mbɔɔ ná jʉ’e Ssé yɔɔn. À wɔɔn, mbà à zɔ̌ɔn ńdɔg pʉ̀a pie é té pà Yuda wɔ́, ńtó, ńdɔgɔ wɔ́b ńkúu tsɛ̀ɛ jʉ’e Ssé, ńdɔgɔ pú’u, ńnéŋe *lɔ̌’ mǒ,

Megàŋ ntúm 6:13

Pɛ̌ pʉ̀a lɔg mbɔɔ tsɔ́ megàŋa cÿɔ̌ nò, ńgʉa wó. Pɔ́ tó ńgɔɔn ngie: Nyìŋ wɔɔn zɔgɔ pɔ́ léshwóŋó té pòŋ á nà ndá Ssé yégè gie ee Yerósalem wɔɔn, mbɔɔ nà mbʉ̌ Mǒsê.

Heber 2:1

Pú’u la, pege kwa’ ńgẅiin lé ké ńkú’te nò gie pege la jú’ kú’te, tà á té pú’u wɔ́, mbà pege ge fʉa mánzsè, é gʉa pyé,

Ŋwà’ne Ngyà jʉ’ 1:3

Ashÿó mbòŋo aa nyìŋ gẅie à ge tóŋo yɔɔn ŋwà’ne. Pà shÿó mbòŋo gwɔ́ pʉ̀a pie pɔ́ ge jú’u yɔɔn shwóŋè gie á fóo mbwo Ssé, é gÿo mmó gie mé ŋwe’é tsoló. Á nue fʉ̀’ gie mɔɔn menò gee mbumté á tsoté tà ne ḿbɔ́ɔnte.

Ŋwà’ne Ngyà jʉ’ 3:22

Nyiŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn.