Matio 24:14 - Nouveau Testament en Ngienboum

¹⁴ Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.

Matio 24:14 ပူးပေါင်းရင်းမြစ်များ

Matio 10:7

Pi gʉa sá’ éshwóŋ pʉ̀a ngie: *Lefùɔ Ssé tsoté tà ne ḿbɔ́ɔnte.

Matio 18:19

Kwà’ nénʉ́, mèŋ n giŋé shwóŋó gẅi ngie: Epʉ̀a mépʉ́a tsetsɛ̀ɛ pi lɔɔn ńgwɔ́ tà’ ncwò á ndùmo ssé tsetsá’ jʉ’ɔɔn, ńdúɔ pɔ́ kɔ́ wɔ́ mbwó Tá wɔ̀ɔn gẅie aa tÿǒ lepwó wɔ́, mbà à ge ná á mbwó pɔ́b.

Matio 24:3

Yěsô gʉa tà ńnéŋe ndùm lekwɔ’ɔ́ metÿǒ mèvɛ olive, *ngàŋa kwò yé fag nnɛ́ ńtó ńzɛ́te yé ngie: Shwóŋo wég fʉ̀’ gie yɔɔn nò ge lá’ gÿo. Shwóŋo wég liŋé gie mé ge lá’ lɔg zsé ngie ɔ̀ ne ńtóo, mbɔɔ gie á ge gyo mé zsé ngie lyɛ̌’ gie njÿó ge mag kǔ’.

Matio 24:6

Pi ge lá’ jú’ mé ne ńgɔɔn nò ná mencù mie é kẅɛ̌ nà gẅi shÿó ka ngʉ̀a shʉ̀shʉ̀a wɔ́, tá’ tà pi ké ńdá’ ńcÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Malékuse 13:10

Á ké ne ńzɛ́te ngie mé vɔg ńtsẅi nkʉ̀ mbòŋo mbwo melá’ ntsèm tá nò yɔɔn njÿó mag.

Lukase 2:1

Mé la gwaa zyé Jâŋ, mbà Áwúse, Kása pà *Roma ŋwe’é ŋwà’ne, ńzáb ngie mé pú sáŋ ngwòŋ pʉ̀a metsèm pie à ne sá’a wɔ́b.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Lukase 4:5

Sátà lêen ńké ńkwé’e yé ńtÿɔ́gɔ tsɔ́ jʉ’ taa tÿǒ, ńtyé wó ńgÿo á pú ńgyá mengwòŋo mengwòŋ mie ée tsɛ̀ɛ njÿó tà’ legʉ̀a,

Megàŋ ntúm 1:2

ńgʉa ńkúu na lyɛ̌’ gie à la kwɔ́’ né tÿǒ lépwó. À la gwɔ́ kwɔ́’, ńcʉa na Zẅìge Ndʉalʉ̌a, ńtsẅii mmó gie ngàŋ ntúm gie à la tsɔ́’ ge cʉ́’ʉ ně gÿo.

Megàŋ ntúm 11:28

Atsɔ̌ tà’ nyìŋ gwɔ́ tsetsɛ̀ɛ pɔ́b, mé tóŋo yé lê Agabus. A Zẅìge Ssé tsẅi, á tʉ́ njÿó ńgɔɔn ngie: Atsɔ̌ máamáa gwáŋa ge gwe ndùmo tsetsá’ ntsèm, ńgɔɔn pú’u, wɛ̌ gwáŋa gÿo ńkwa’ ńgwe fʉ̀’ gie Kɔlɔde laa Kása pà Roma.

Megàŋ ntúm 17:31

Á zɔɔn ńgwaa gwɔ́ pú’u, mbà Ssé léen ńzába lyɛ̌’ gie à ge lá’ lɔgɔ nyìŋ gẅie à la tsɔ́’ɔ yé, é ŋag njÿó, é ké ŋag pɔ́ nà ntí gie ee ndʉŋ ndʉŋ. À la zíme ngàŋ ná legwé lélɔg ńnyɛɛ mbwo mânyìŋ ntsèm ngie à ge lá’ gÿo pú’u.

Megàŋ ntúm 17:6

ńkúu wó, pɔ́ té wɔ́b gyá, éfó ńgwoon Jasoŋ pâ tsɔ́ mefɛ́ mefɛ́ ńdɔgɔ wɔ́b ńgʉa tà ńkúu mvfò pàtsɔ́’te ntsaŋ, pà Yuda lɔg ngyè tetʉ̀ ńgɔɔn ngie: Pʉ̀a pɔɔn é pǔ ḿma’a và’ jʉ’ ntsèm. À gie pɔ́ lɔ̌g ńtó tà ńkúu jʉ’ɔɔn lɔɔn!

Megàŋ ntúm 19:27

Yɔɔn nò fa’a lécʉŋte fà’ yégè. À ge gÿo pú’u, mé le gíŋe ńdɔgɔ máamáa ndá ssé Artémis ńtóŋo tsɔ́ mmó wɔ́. Pʉ̀a é le gíŋe ńgɔɔn ngie Artemis ee máamáa ssé yege wɔ́. Tá mânyìŋ ntsèm ne ńgu’te yé tsɛ̀ɛ pàga ngwòŋ Azia tà mbɔɔ jʉ’ ntsèm ndùmo tsetsá’.

Megàŋ ntúm 20:25

Mèŋ n ka cʉa tsetsɛ̀ɛ pi metsèm, ńgiŋe sá’a pá’ nò *lefùɔ Ssé áa pú’u. M biŋ ńgwɔ́ fʉ̀’ɔɔn, ńne ńzsé ngie pi tě ńdá’a ńgíŋe ńgyá shÿó wɔ̀ɔn mɔ́.

Roma 10:18

Á fó ńgwɔ́ tà ńgwɔ́ gie ńgwɔ́ mèŋ n zɛ́te ngie tà pà Yuda la zɔɔn ńkwa’ ńjú’ wɔɔn nkʉ̀ wɔ́? N gyǎ ngie pɔ́ la jú’ jǔ’. Á gwɔ́ pá’ mé la ŋwe’e tsɛ̀ɛ ŋwà’ne Ssé ngie: Mé jǔ’ ngyè yɔb, pɔ́ ne shwóŋó nò Ssé á jʉ’ ntsèm ndùmo ssé tsetsá’. Anò gie pɔ́ gɔ̌ɔn gǐŋ giŋ tà ńkúu nzsòte tsetsá’.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

Heber 1:6

Tá á la ké ńgʉa fʉ̀’ gie e Ssé lɔ̌ɔn ńge gÿo Míŋ we gẅie yé zɔɔ twó mvfò nà kɔ̀ɔkɔ́ɔ à tóo tsɛ̀ɛ njÿó, yé Ssé gɔɔn ngie: Á poŋ ngie mecÿɔ́’ pé, yé Ssé, métsèm gu’te yé,

Heber 2:5

E Ssé la zɔɔn tè gÿo ngie mecÿɔ́’ pé gẅiin nò ná lesǎ’ ngwòŋ gẅie é ne ńtóo wɔ́, é ngwòŋ gẅie pege ne ńgɔɔn nò mǒ.

Ŋwà’ne Ngyà jʉ’ 14:6

N gíŋe ńgyá tsɔ̌ tà’ *cÿɔ́’ Ssé gwɔ́ tàa tÿǒ lefaŋ ńne ńzie, ńgẅiin tsɔ́ nkʉ̀ mbòŋo gẅie ée we tèmì, pá’ à ge gʉa tsẅii mbwo pʉ̀a pie ée ndùmo ssé tsetsá’, á tsɛ̀ɛ mbɔɔ wɛ̌ ngwòŋ wɔ́, á mbwo yɛ̌ ngẅɛ̀ ndá wɔ́, á mbwo pàshwóŋó yɛ̌ ntí shwóŋè wɔ́, á mbwo yɛ̌ ntí ntí nyìŋ mesoŋ wɔ́.

Ŋwà’ne Ngyà jʉ’ 16:14

ée pú’u, ńgwɔ́ messe tepòŋ mie é gÿo menò mmɔɔn mmɔɔn. Pɔ́ ge gʉa gyá mefùɔ pie ée ndùmo ssé tsetsá’ ntsèm, légwɔ́ gie pɔ́ ge cú’te wɔ́b lɔg zẅí’te ncù gẅie é ge lá’ gwɔ́ ná máamáa lyɛ’ɛ́ lá’ gie, e Ssé ngàŋa tʉ̀ ntsèm ge lá’ ŋag pʉ̀a mesoŋ.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.