Matio 24:10 - Nouveau Testament en Ngienboum

¹⁰ Á ge lá’ gwɔ́ gwɔ́ tà pʉ̀a tà ńgyɔ́ɔn tsetsɛ̀ɛ pi le gíŋe ńzáb ntʉ́m ná mèŋ wɔ́, pɔ́ sele sẅiŋ mennɛ́ mɔ́b, ésele ḿbʉa mennɛ́ mɔ́b.

Matio 24:10 ပူးပေါင်းရင်းမြစ်များ

Matio 10:21

Nyìŋ ge gwoon fɛ́ we ńná mé zẅé, tá múɔ gwoon míŋ we ńná mé zẅé, gubé ge lá’ lu ssé cʉ́’ megàŋ mbù metá pɔ́b, e gÿo mé zẅé wɔ́b.

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Matio 13:57

Pɔ́ gɔɔn pá’ɔɔn, ńdʉ’ʉ lé jú’u nò yé. Yěsô leen ńké ńgɔɔn né pɔ́b ngie: Mé ná mekù’ *ntsẅì nkʉ̀ Ssé jʉ’ ntsèm, tà é cʉ́’ ndà’ lá’ pɔ́b, ńgÿo pʉ̀a tsìŋe ndá yɔ́b

Matio 24:11

Pà *ntsẅì nkʉ̀ Ssé pe cÿɔ’ nò kẅɛte tà ńgyɔ́ɔn, éfʉte lelÿò pʉ̀a.

Malékuse 13:12

Nyìŋ ge gÿo gwoon fɛ́ we ná mé zẅé, tá múɔ gwoon míŋ we ńná mé zẅé, egubé ge lá’ lu ssé cʉ́’ megàŋ mbù metá pɔ́b, é gÿo mé zẅé wɔ́b.

Malékuse 4:17

Tá’, á té lyɛ menŋaŋ tsɛ̀ɛ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’, mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé, pɔ́ gwóon ńgwá’.

Lukase 21:16

Kwà’ pʉ̀a pí ge lá’ zába nò ná pi, mbɔɔ kwà’ metá pí pâ memá pí, tà mbɔɔ mefɛ́ pí, pâ pʉ̀a pie é tswé’e gẅí, mbɔɔ meshǔ pí. Pɔ́ lɔgɔ gẅi ńgʉa, mé ŋaga gẅí, ńzẅéte pʉ̀a tà ńgyɔ́ɔn tsetsɛ̀ɛ pi.

2 Timote 1:15

Ɔ̀ ne ńzsé jú pá’ pʉ̀a ná pàga ngwòŋ Azia kéen ḿbú ńgwá’a wɔ̀ɔn métsèm tà mbɔɔ Figele pɔ́ Hergène yɔ́b.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

2 Timote 4:16

Á gʉa ná nò yɔ́ɔn, mbà n daa ndùŋ mvfò lyɛ̌’ gie mé la tóŋo wɔ̀ɔn jʉ’ʉ ntsaŋ, ńgʉa wó ḿbíte ncwò wɔ̀ɔn. Mânyìŋ ntsèm gwá’a wɔ̀ɔn, mèŋ n kẅɛ gílé mèŋ. E Ssé lége yɛ̌ nò ńnáa mbwo pɔ́b.