Matio 23:9 - Nouveau Testament en Ngienboum

⁹ Tà pi tóŋo tsɔ́ nyìŋ ndùmo ssé tsetsá’ lê tá gẅi, á nue pi gẅiin pɔ́ tà’ tá wémɔ’ɔ́ á gwɔ́ tÿǒ lepwó.

Matio 23:9 ပူးပေါင်းရင်းမြစ်များ

Matio 23:10

Tà pi zẅíŋ mé tóŋo gẅi ngie pàtyé mvfò, á nue nyìŋ gẅie à tyé mvfò à gwɔ́ pɔ́ wémɔ’ɔ́, ńgwɔ́ nzá’nkÿo gẅie Ssé la ka’.

Matio 6:32

Pàte zsé Ssé zɔ̌ ńnéŋe ńgẅiin yɛ̌ ntí nkwaŋá. Á gʉa ná pi, mbà Tá gẅi Ssé zsé shúm sie é ge kẅéte gẅí.

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Megàŋ ntúm 22:1

Mefɛ́ pɔ́ɔn, metá pɔ́ɔn, pi zẅí’te. Mèŋ n gee ḿbíte ncwò wɔ̀ɔn.

1 Korento 4:15

Pi zɔɔn ńgẅiin pʉ̀a pie pɔ́ zí’i gẅi nò Kristo tà é fó ńgwɔ́ pɔ́ ntsá’ legém, mbà metá pí té gyɔ́ɔn gyɔ́ɔn wɔ́. Mèŋ n zɔ tá gẅi á nue mèŋ n zɔ ka tǒ ńtsẅi nkʉ̀ mbòŋo mbwo pi, tá pi la nnɛ́ ná Yěsô Kristo.

2 Korento 6:18

Mèŋ n ge gÿo gwɔ́ mbwo pi é gwɔ́ tá gẅi, Pi gwɔ́ mbwo mèŋ, ńgwɔ́ púɔ pɔ́ɔn pe mbàŋa mbɔɔ pe pànzwě, Cʉ̀apʉ̀a, ngàŋa tʉ̀ ntsèm zɔ gɔɔn.

Heber 12:9

Pá’ metá pégè pe ndùmo ssé tsetsá’ ka ne ńkaga wégè, pege jú’u ncwò wɔ́b la, tà ngʉ̀a shÿɔ́’ɔ pá’ pege ge ná nnɛ́ ssé mvfò Tá wege gẅie aa tÿǒ lepwó, à náa le gwɔ́ wó mbwo pege.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.