Matio 23:5 - Nouveau Testament en Ngienboum

⁵ Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 23:5 ပူးပေါင်းရင်းမြစ်များ

Matio 9:20

Pɔ́ né ńgee, àtsɔ̌ manzwě gwɔ́ nùɔ lá’, ńgẅiin guɔ máshúɔ, mbà á gegé yé gege ngù’ tsɔ́b pʉ́a nê legém. Á ná’te, éfó nzèm, ńtó ńkíbe tsɔ̌ɔn nzsǒ Yěsô,

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Lukase 20:47

Pɔ zɔ̌ gíŋe ńdɔgɔ legyè ńkẅé shúm mepfɔ̌g, ńcʉ́’ʉ létsyɛ’te Ssé, ńdɔgɔ légɔɔn nò á sag ḿbaba menÿɔ́g pʉ̀a. E Ssé ge lá’ záb yɔb ngʉ̀ngʉ̀ e tʉ tɛ’.

Ŋwà’ne Jâŋ 12:43

Á laa pú’u, mélà’mie pɔ́ la kwoŋ mekù’ mie pʉ̀a mesoŋ náa mbwo pɔ́b, ńtɔ́g mie é fóo mbwó Ssé.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Filipo 1:15

Áa nénʉ́ ngie tsɔ́ pʉ̀a ée tsetsɛ̀ɛ pɔ́b, éshwóŋó nò Kristo pɔ́ lélɔg fa’a nò ná mèŋ, mbɔɔ lélɔg ńdʉŋte ntyě. Tá petsɔ́ ké shwóŋó yɔ́b pɔ́ lê nkwaŋá mbòŋo.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.