Matio 23:34 - Nouveau Testament en Ngienboum

³⁴ Pi ké ńjú’, mèŋ n ge gÿo túm pà *ntsẅì nkʉ̀ Ssé, pâ pàzsé nò, pâ *pàkyagte lepʉ̌ Mǒsê. Pi zẅéte petsɔ̌, ńkim petsɔ̌ ná tÿǒ nkǐ, ńcúɔ petsɔ́ nê mengwɔɔn á tsɛ̀ɛ *mendá cú’tè mí, éfó metÿǒsoŋ metÿǒsoŋ ńnɔ́ɔn wɔ́b.

Matio 23:34 ပူးပေါင်းရင်းမြစ်များ

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 13:52

Á gɔɔn ngie: Pi ké ńzsé ngie nkyàgte *lepʉ̌ Mǒsé gẅie à zẅiŋé nò *lefùɔ Ssé à gwá’a tsɔ̌ ndÿò gẅie eshúm ngù’ lâ se ngù’ɔɔn ée tsɛ̀ɛ ntaŋ yé. À néŋe tà mbùm ye poŋ, á gʉa mǒ ńkẅile ntí gie à kwǒŋ.

Matio 23:31

Pi lɔgɔ pú’u, ńzẅíŋe ngie pi ee púɔ pʉ̀a pie é la zẅéte pà *ntsẅì nkʉ̀ Ssé.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Megàŋ ntúm 11:27

Á gwɔ́ fʉ̀’ó, epʉ̀a fó lyɛ̌’, éfóo Yerósalem ńtóo Antiokia, ńgwɔ́ pʉ̀a pie pɔ́ ńnéŋe ńtsẅii nkʉ̀ gẅie é fóo mbwo Ssé.

Megàŋ ntúm 12:2

ńtúm mé gʉa ńdɔg nně ncù ńzẅé Jâg gẅie aa fɛ́ Jâŋ.

Megàŋ ntúm 13:1

Á laa tsɛ̀ɛ cú’tè pʉ̀a Kristo gie á laa tÿǒsoŋo Antiokia, epʉ̀a pie pɔ́ ńnéŋe ńtsẅi nkʉ̀ gẅie é fóo mbwo Ssé gwɔ́ wó, ńgÿo pàzí’i pʉ̀a nò Ssé. Wɔɔn laa Panebâse, ńgÿó Simeon gẅie mé tóŋo yé lê «ssé nyìŋ», ńgÿo Lusius, á mûɔ Sirɛne, ńgÿo Manaen gẅie pɔ́ *Herôd gẅie à laa ngúmnɔ́ɔn la pú ńgú’, ḿbiŋ ńgÿo Sɔ̂l.

Megàŋ ntúm 14:19

Étsɔ́ pà Yuda lêen ńgÿo fó Antiokia gẅie aa ngʉ̀ŋe Pisidie, petsɔ́ fó tÿǒsoŋ Ikonium, pɔ́ pú ńtó sele lá’ tà pɔ́ cʉ́’ ńgwɔ́ pɔ́ nà yɔb nzèm. Pâ pɔ̌ lêen ńké ńdɔg metóon ńtémte Pɔl, tà ne ńkwaŋa pɔ́ ngie à kwě, éshwoŋo yé ńdɔg fó tÿǒsoŋ, ńgʉa ńgwá’.

Megàŋ ntúm 15:32

Pá’ Jẅide pɔ́ Silas é laa pʉ̀a pie pɔ́ ńnéŋe ńtsẅi nkʉ̀ gẅie é fóo mbwò Ssé la, pâ pɔ̌ gíŋe shwóŋó pá’ɔɔn tɛ’. Pɔ́ nyɛte ńkẅiŋte wɔ́b, ńtóonte wɔ́b pɔ́ tʉte.

Megàŋ ntúm 5:40

ńtóŋ megàŋ ntúm, ńtsẅi mé lɔg ngwɔ̀ɔn ńcúa wɔ́b. Pɔ́ tɔ’ɔ wɔ́b légíŋ ńdɔg lezíŋ Yěsô ńgɔɔn nò, ndêen ńké ńnyé wɔ́b pɔ́ gʉa.

1 Korento 2:6

Peg pìŋ ńké ńgʉa ná pʉ̀a Kristo pie pɔ́ cÿɔgté nà lezǎb ntʉ́m nà Ssé, ńzí’i wɔ́b zsé nò. Tá yɛ̌ zsé nò ké tè zsé nò yɔɔn njÿó wɔ́, ńké tè zsé nò gie á fóo mbwo shúm tepòŋ sie é sá’a yɔɔn njÿó, ńgwɔ́ sie mé ge gÿo pyág wɔ́.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

Kolosia 1:28

Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.

1 Tesalonika 2:16

Pɔ́ ne ńkaga tʉ̀ ńtɔ’ɔ wég léshwóŋó nò Ssé mbwo pʉ̀a pie é té pà Yuda wɔ́, ḿbɔ́gɔ pá’ á ge gÿo pɔ́ tsẅɛ́. Pɔ́ ée pú’u, ńdɔgɔ ńkẅi’i nzẅìŋe nò wɔb kẅi’i. E Ssé kéen ńgyáŋa lóŋ tá ńzába pwó yé ná pɔ́b.

Heber 11:37

ńtóo nà tsɔ́ pʉ̀a mé lɔg metóon ńtémte wɔ́b ńzẅé, ńtóo nà tsɔ́ pʉ̀a, ńdɔgɔ sɔ̌ shʉ́ʉ wɔ́b ńzá’, ńtóo ná tsɔ́ pʉ̀a, ńdɔg nně ncù ńgwaa wɔ́b. Etsɔ́ pʉ̀a cʉ́’ pà tè ndá, ḿma’ *mengùb *njʉ̀njÿò lâ *mengùb mvfó, atsɔ́ lága mmó té nyé ńgwɔ́ mbwo pɔ́b wɔ́, me nẅɛɛ wɔ́b, ńnyɛɛ wɔ́b ngɔ́’.

Ŋwà’ne Ngyà jʉ’ 11:10

Epʉ̀a ndùmo ssé tsetsá’ ge gÿo kág é tí pá’ pʉ̀a pɔɔn mépʉ́a kwě. Anò poŋo wɔ́b. Nyìŋ túm lepu’ú ńnáa mbwo shǔ we, à gíŋe ńná sé. Pɔ́ yé lɔg pú’u, ńkág. Á nue pà ntsẅì nkʉ̀ ŋwɛ́ mépʉ́a ka ná pʉ̀a ngʉ̀ngʉ̀ á ndùmo ssé tsetsá’ tɛ’.