Matio 23:14 - Nouveau Testament en Ngienboum

¹⁴ Pi ee pàshÿó tepòŋ, pi pà *farisay lâ pi *pàkyagte lepʉ̌ Mǒsê, pi ee ngàŋ mepàb, pi zɔ gwoon mepfɔ̌g ńkẅé mendá mɔ́b, ńcʉ́’ʉ lésẅíŋte Ssé, ńgɔɔn nò á sag, lélɔg ḿbab menÿɔ́g pʉ̀a, pɔ́ kwaŋ ngie pi ee pʉ̀a membòŋo. Á ge cʉa pú’u, pi lá’ ńkúu tsɛ̀ɛ ngʉ̀ngʉ̀ ye lÿò.

Matio 23:14 ပူးပေါင်းရင်းမြစ်များ

Matio 11:24

Aa mmó gie á gÿo mèŋ n gɔɔn ngie: Á ge lá’ gwɔ́ lyɛ̌’ gie e Ssé ŋaga pʉ̀a mesoŋ, égi ngʉ̀ngʉ̀ cʉa yé pʉ̀a Sodom.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 23:33

Pi ee ngẅɛ̀ mennú, ńgwɔ pà másèm nnú, ńgwɔ́ pí gǎ ńdá’ ńtsó té kúu tsɛ̀ɛ mmɔ̌g?

Malékuse 12:40

ńgíŋe ńdɔgɔ legyè ńkẅé shúm mepfɔ̌g, ńcʉ́’ʉ létsyɛ’te Ssé, ńdɔgɔ légɔɔn nò á sag, ḿbaba menÿɔ́g pʉ̀a, e Ssé ge lá’ záb yɔb ngʉ̀ngʉ̀ e tʉ tɛ’.

Lukase 12:48

Tá ńké ńgwɔ́ gie ngàŋa fà’ lɔɔn tè ne ńzsé mmó gie tá fà’ we ne ńkwoŋo ngie à gÿo wɔ́, ḿbiŋ ńgÿo mmó gie ńgwɔ́ mé fó mǒ ńcúa yé tɛ’, mbà mé te gÿo cúa yé tɛ’ wɔ́. Mé lɔɔn ńnáa mmó mbwo nyìŋ á gyɔ́ɔn, mbà mé ge taa gíŋe kẅé à gyɔ́ɔn, mé piŋ ńcʉ́me shúm mbwo nyìŋ tà é gyɔ́ɔn, mbà ée nzẅìŋe mé ge lá’ gíŋe zɛ́te.

Lukase 20:47

Pɔ zɔ̌ gíŋe ńdɔgɔ legyè ńkẅé shúm mepfɔ̌g, ńcʉ́’ʉ létsyɛ’te Ssé, ńdɔgɔ légɔɔn nò á sag ḿbaba menÿɔ́g pʉ̀a. E Ssé ge lá’ záb yɔb ngʉ̀ngʉ̀ e tʉ tɛ’.

2 Timote 3:6

Etsɔ́ pʉ̀a pú’u, gwá shú ńkú mendá pʉ̀a, ńdÿɔgte pànzwě pie tsẅé yɔ́b zeŋe zeŋe, é gwɔ́ pànzwě pie é gÿo menò tepòŋ tɛ’, ńnéŋe ńtsɔ́ɔn shúm pɔ́ ntí ntí.

Titus 1:10

N gɔɔn ngie ɔ̀ záb pʉ̀a pá’ɔɔn, á nue pʉ̀a tà ńgyɔ́ɔn ée ssé ně ńtʉʉ twó. Lelÿò gwɔ́ pà Yuda pie pɔ́ zẅíŋe nò Yěsô Kristo. Pɔ́ ne ńzí’i pʉ̀a menò mie é té tyé, ńdɔgɔ fʉte wɔ́b.

Ŋwà’ne Jâg 3:1

Mefɛ́ pɔ́ɔn, tà pi metsèm tsɔ́ɔn légwɔ́ pàzí’i pʉ̀a mmó, pi ne ńzsé mboŋó ngie, peg pie peg zí’i pʉ̀a mmó, ntí gie mé ge lá’ lɔg ŋaga wég, e ge lá’ tʉ cʉa ye petsɔ́ pʉ̀a.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.