Matio 22:2 - Nouveau Testament en Ngienboum

² Pi gyá pá’ *lefùɔ Ssé ée pú’u. Àtsɔ̌ fùɔ lǎ’ ńtáŋte máamáa línɔ́ɔn ná nò lɔ́ɔn ndá míŋ we we mbàŋa.

Matio 22:2 ပူးပေါင်းရင်းမြစ်များ

Matio 13:24

Yěsô gíŋe shwóŋó wɔ́b tsɔ́ sagá nò ngie: Nò *lefùɔ Ssé gwá’a nò nyìŋ gẅie á la pye mbyè mmó mbòŋo nká’ yé.

Matio 22:1

Yěsô gíŋe ńdɔg pɔ́ sagá nò, ńgɔɔn mbwó lá’ gie á ne ńzẅí’te shwóŋó yé ngie:

Lukase 12:36

Ńńnéŋe pá’ megàŋa fà’ pie é ne ńzẅí’te tá fà’ wɔ́b gẅie à ně ńgʉa jʉ’ ye leluŋó. Pɔ́ lá’a lá’ ńzẅí’te yé légwɔ́ gie à ge tó pú’te ncwò ndá, pɔ́ gwóon ńtsɔ́’.

Ŋwà’ne Jâŋ 2:2

Mé gíŋe ńtóŋo Yěsô yé pâ ngàŋa nkwò yé, á jʉ’ʉ lɔ́ɔn ndá ŋwɛ́.

2 Korento 11:2

Pi zsé ngie n kwoŋo gẅi tà mèŋ n te zẅíŋ ngie nyìŋ gwaa gÿo mmó ná pi n ne ńgyá wɔ́. Yɛ̌ ntí nkwòŋo gie mèŋ n gẅiin nzèm pi e fóo pɔ́ mbwo Ssé, mélà’mie pi ée mbwo mèŋ, ńgwɔ́ pá’ múɔ manzwě gẅie mèŋ n da pÿé mbwo tà’ nyìŋ wémɔ’ɔ́, angàŋ gwɔ́ Kristo. Mèŋ n ne ńda’te gẅi mbwo yé ngie pi ee pá’ mûɔ ngùɔ gẅie à kaa tsɔ́ *lɔ̌’ kaa.