Matio 22:17 - Nouveau Testament en Ngienboum

¹⁷ Shwóŋo weg pá’ ɔ̀ kwǎŋ jú ná yɔɔn nò: *Lepʉ̌ ségè ée pé’e ńzẅíŋ ngie pege ma’ ncùb Kása pà *Roma ka ngǎŋ?

Matio 22:17 ပူးပေါင်းရင်းမြစ်များ

Matio 17:25

Piɛ tsɔ́’ ngie: Aa nâ nǎ, ńgɔɔn pú’u, ńkúu ndá, ńnyé pɔ́ tè ŋǎ’ ncwò wé, Yěsô gɔɔn né yé ngie: Símo, ɔ̀ kwǎŋ jú ngie kɔ́. Áa tsɛ̀ɛ njÿó yɔɔn pé’e, pàwɔ̌ ma’ ncùb ntÿɔ́’ lâ tsɔ́ mencùb, ńná né mefùɔ? Pàlá’ pé ka pàlá’a ntÿɔ́’ɔ?

Matio 22:18

Tá Yěsô zsé nkwaŋá tepòŋ wɔ́b, ńgɔɔn né pɔ́b ngie: Pànkwòŋ menÿɔ́g, pi kwa’te wɔ̀ɔn mélà’a kɔ́?

Lukase 2:1

Mé la gwaa zyé Jâŋ, mbà Áwúse, Kása pà *Roma ŋwe’é ŋwà’ne, ńzáb ngie mé pú sáŋ ngwòŋ pʉ̀a metsèm pie à ne sá’a wɔ́b.

Lukase 20:22

Shwóŋo wég: *Lepʉ̌ ségè ée pé’e ńzẅíŋ ngie pege má’ ncùb Kása pà *Roma kà ngǎŋ?

Lukase 3:1

Jâŋ míŋ Sakarîɛ lá’ ńtsẅé nkwòŋo tsẅɛ tà Ssé túmo yé ngie à gʉa shwóŋó nò yé. Á gwɔ́ ngù’ ayɛ̌, mbà Kása Tibɛr gẅie à la ne sá’a ngwòŋo ngwòŋ, mbà à neŋé nà lʉŋ ngù’ ntsɔ̀b tʉ̀a lê legém. Ponte *Pilato á gwɔ́ ngúmnɔ́ɔn pàga ngwòŋ Jẅidea, *Herôd á né sá’a pàga ngwòŋ Galilea, afɛ̌ we Filib á ně sá’a Itẅiria pɔ́ Telakonid, Lisanias á ně sá’a Abilɛn. Ánɔ́ɔn pɔ́ Kaifa gwɔ́ *metándá pànùŋe pwɔ́’.

Megàŋ ntúm 17:7

Jasoŋ kéen ńkúe wɔ́b mbʉ̀a yé. Pɔ́ né ńgwá ńgwága *lepʉ̌ Kása, ńgɔɔn ngie atsɔ̌ fùɔ aa wó, mé tóŋo yé lê Yěsô.

Megàŋ ntúm 25:8

Pɔl zoon nnɛ́ ńgɔɔn ngie: N kaa nò tepòŋ gÿo. N kaa *lepʉ̌ pà Yuda fʉa. N kaa shwóŋó té pòŋ ná *jʉ’ʉ Ssé wɔ́, ńké tè shwóŋó té pòŋ ná Kása pà *Roma wɔ́.

Megàŋ ntúm 28:22

Tá’ peg kě ne ńkwoŋo ngie ɔ̀ cwoŋo ńkyagte mmó gie áa lóŋ gù éshwóŋó wég. Peg gɔɔn pá’ɔɔn tá ńké ńzɔɔn ne ńzsé ngie mé ée nzɔ̌ nzɔ̌ wɔ́, éshwóŋè pɔ́ te pòŋ á nà nùɔ pàfag nnɛ́ gie ɔ́ɔ mǒ lɛ.

Megàŋ ntúm 5:37

Á lá’ ńgwɔ́ fʉ̀’ gie mé la ne sáŋa lá’, Jẅidas, nyìŋ Galilea kẅɛ. Mé cʉ́me nzèm yé tɛ’. Mé gíŋe ńzẅé yé ye, epʉ̀a pé tága sa jʉ’, ayɔ́b mag.