Matio 22:14 - Nouveau Testament en Ngienboum

¹⁴ Yěsô cʉ́me ngie: Áa pú’u, nue e Ssé ne ńtóŋo pʉ̀a tà ńgyɔ́ɔn tá pàgʉa tà ńkú té gyɔ́ɔn.

Matio 22:14 ပူးပေါင်းရင်းမြစ်များ

Matio 20:16

Yěsô gíŋe ńgɔɔn ngie: Áa pú’u tá pàgwɔ́ nzèm ge lá’ cʉ́’ pàgwɔ́ mvfò, pàgwɔ́ mvfò e cʉ́’ pàgwɔ́ nzèm

Matio 24:22

Tá ńgwɔ́ gie e Ssé laa pé’e, ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à gwe tsɔ́ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’, tá ńtsẅɛ́te melyɛ’ɛ́ lá’ amɛ̌.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

2 Piɛ 1:10

Mefɛ́ pɔ́ɔn, pá’ áa pú’u la, pi kẅi’i ńkag tʉ̀, légwɔ́ gie pi ge gÿo mé zsé mboŋó ngie Ssé la tóŋo gẅí, ńtsɔ́’ɔ gẅí. Pi lɔɔn ńnéŋe ná yɛ̌ ntí, mbà pi těen ńdá’a ńgwe nà nò tepòŋ wɔ́.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.