Matio 22:11 - Nouveau Testament en Ngienboum

¹¹ Fùɔ gÿo ńkúu tsɛ̀ɛ lemù légyá lá’ gie á tǒ nà lɔ́ɔn ndá, ńkúu wó, ńgyá tsɔ̌ mámbàŋa, mbà à kaa nzsǒ lɔ́ɔn ndá ma’à

Matio 22:11 ပူးပေါင်းရင်းမြစ်များ

Matio 13:30

Pi nyé pâ shúm mbòŋo pú ngú’ tà ńkú fʉ̀’e lelag shúm. Á gwɔ́ fʉ̀’ó mèŋ n tsẅii mbwó pàlag shúm ngie pɔ́ vɔg ńtsɔ́’ɔ mmó tepòŋ, ńkwɛ́te meka’á meka’á pá’ mé ge tuɔ mmɔ̌g, ńgʉa nà shúm mbòŋo pɔ́ lag ńnéŋe tsɛ̀ɛ nkìŋ yɔ̀ɔn.

Matio 22:10

Mentsìndá pé pà gʉa ńtyé ná metwó nzsè, ńgyá wɔ̌wɔɔ, ńtóŋo yé, ka à gwɔ́ pɔ́ nyìŋ mbòŋo wɔ́, ka nyìŋ tepòŋ wɔ́. Mé pú ńnéŋe wɔ́b pɔ́ tsɛ̀ɛ lemù, tà é lúe.

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Roma 13:14

Pi kaa le gwɔ́ we sẅé gẅie Yěsô Kristo Cʉ̀apʉ̀a wege náa, ḿma’. Tà pi gíŋe ńnéŋe ńkwaŋa nò ná shúm tepòŋ sie mbab nnɛ́ gi tsóte gẅi pi tsɔ́ɔn léná né yé.

Roma 3:22

Á gwɔ́ pá’ nyìŋ lɔɔn ńzáb ntʉ́m ná Yěsô Kristo, mbà e Ssé ge cʉ́’ líe ngàŋ, à gwɔ́ mvfò yé ńgwɔ́ ndʉŋ ndʉŋ. Ee ndà’ nzsè mbwo mânyìŋ ntsèm. Pɔ́ ée mvfò Ssé ḿbú ńgwɔ́ pɔ́ tà’a mmó,

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 5:3

Yɛ̌ mbùm nnɛ́ lɔɔn ńkábte wégè, pege le gíŋ ńgwɔ́ mvfò Ssé ńgwɔ́ pàtè ma’ nzsǒ wɔ,

Galatia 3:27

Pi metsèm, pie pi la kẅé ntse á gwɔ́ léla nnɛ́ ná Kristo, mà Kristo kéen ńjÿó gẅí.

Efeso 4:24

Á gíŋe ne ńzɛ́te ngie pi kúu ná mà we sẅé pá’ nyìŋ kaa nzsǒ sẅé ḿma’a ná ye la. E Ssé zɔ la nuŋe wɛ̌ mà. Wɛ̌ mà aa gẅie mé gyá ná nyìŋ gẅie à ne ńgiŋe ná pá’ á ne ńzɛ́te, ńgwɔ́ nyìŋ gẅie à léen ńnyé we le gwɔ́ ntsèm mbwo Ssé. Wɛ̌ légiŋ fóo ná nò nénʉ́.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 19:8

Mé ka gÿo nà ntí gie à ge ma’ mefɔ́gɔ nzsǒ mie é ŋwʉŋe ńgwɔ́ té *lɔ̌’. Á nue mefɔ́gɔ nzsǒ lɔgɔ ńgwɔ́ mefà’ pʉ̀a Ssé mie é tyé ndʉŋ ndʉŋ.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.