Matio 21:41 - Nouveau Testament en Ngienboum

⁴¹ Mé tsɔ́’ ngie: À ge tó gÿo mé zẅéte mefÿɛ́ apɛ̌, é piŋ cʉ́me nká’ mbwó petsɔ́ pʉ̀a mendyɛ̀’ɛ, pie á ge gÿo ku’ fʉ̀’ gie mé kyéen melù’, pɔ́ ná mé.

Matio 21:41 ပူးပေါင်းရင်းမြစ်များ

Matio 21:34

Àfʉ̀’ʉ lékáb ntɔ̌ɔn tÿǒ gÿo ńku’, á túm megàŋa fà’ pé mbwó pʉ̀a pie ée nká’ ngie pɔ́ gʉa ńkẅé mé mentɔ̌ɔn tÿǒ ńdɔg ńtó.

Matio 21:40

Yěsô zɛ́te ngie: Tà ndÿò wɔɔn ge gÿo tó, é gÿo lêkɔ́ ná pʉ̀a pie à la cʉ́me nká’ né pɔ́b?

Matio 21:43

Áa pú’u, tá mèŋ shwóŋó gẅi ngie mé ge kẅé jʉ’ʉ gí tsɛ̀ɛ *lefùɔ Ssé, é náa mbwó tsɔ́ túm gie á ge gÿo mmó gie e Ssé ne ńkwoŋo. [

Matio 3:12

À ge tó tyɛ́te shúm sie mé lagá nká’. E néŋ sé mbòŋo tsɛ̀ɛ nkìŋ. E cʉ́’ kʉ̀ŋe, à pÿɛɛ tsɛ̀ɛ mmɔ̌g gẅie é té ńdá’a ḿbyé wɔ́.

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Megàŋ ntúm 15:7

ńdá’ ńkwaŋ, á tʉ tʉ. Tà Piɛ lu ssé ńgɔɔn ngie: Mefɛ́ mefɛ́, pi ne ńzsé gí pá’ Ssé la tsɔ́’ɔ wɔ̀ɔn tsetsɛ̀ɛ pi tà ntyě saga ńgie n gʉa ńtsẅi nkʉ̀ mbòŋo mbwo pʉ̀a pie é té pà Yuda wɔ́ pá’ pɔ́ ge záb ntʉ́m wɔ́b ná Yěsô.

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Megàŋ ntúm 28:28

Pɔl gíŋe ńgɔɔn né pɔ́b ngie: Pi gẅiin lézsé ngie, á ké ńgwɔ́ fʉ̀’ɔɔn, mbà Ssé kéen ńtúm Nkʉ̀ mbòŋo gẅie é gÿo mé tsẅɛ́, á mbwo pʉ̀a pie é té pà Yuda wɔ́. Pɔ́ ge jú’ é zẅíŋ. [

Megàŋ ntúm 28:8

Á gwaa gwɔ́ tá pà Pẅibilẅis ŋwɛ́ nuŋe ndá, ńne ńguɔ. Nnɛ́ ne ńkwɔ́’ɔ yé, ajʉ’ʉ kwɔ́’ ne ńgÿo yé. Pɔl gʉa ńgyá yé, ńzáb mbwó twó yé, ésẅíŋte Ssé, ńgÿo á zeŋe.

1 Tesalonika 2:16

Pɔ́ ne ńkaga tʉ̀ ńtɔ’ɔ wég léshwóŋó nò Ssé mbwo pʉ̀a pie é té pà Yuda wɔ́, ḿbɔ́gɔ pá’ á ge gÿo pɔ́ tsẅɛ́. Pɔ́ ée pú’u, ńdɔgɔ ńkẅi’i nzẅìŋe nò wɔb kẅi’i. E Ssé kéen ńgyáŋa lóŋ tá ńzába pwó yé ná pɔ́b.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.