Matio 21:31 - Nouveau Testament en Ngienboum

³¹ Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Matio 21:31 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 18:3

ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 20:16

Yěsô gíŋe ńgɔɔn ngie: Áa pú’u tá pàgwɔ́ nzèm ge lá’ cʉ́’ pàgwɔ́ mvfò, pàgwɔ́ mvfò e cʉ́’ pàgwɔ́ nzèm

Matio 21:30

Tá wɔb gíŋe ńgɔɔn pɔ tà’a nò mbwó wetsɔ́ múɔ, wɛ̌ múɔ tsɔ́’ ngie: Oon, mèŋ n ge gʉa, tá’, ńgɔɔn pú’u, ńké tè wó gʉa.

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 5:46

Pi lɔɔn ńkwoŋ pɔ́ ndá’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi ná kɔ́? *Pàkẅé ncùb pà Roma gíŋe ne ńgÿo yɔ́b pɔ́ pú’u.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Matio 9:9

Yěsô fó jʉ’ó ńgʉa, ńgwaa cʉa jʉ’ gie mé kẅé ncùb pà *Roma wó, atsɔ̌ nyìŋ ńnéŋe, lezíŋ sé gwɔ́ lê Matio. Yěsô gɔɔn né yé ngie: Tóo pɔ́gɔ zɔ cʉ́’ʉ ńgiŋe. Á lu ssé, ńcʉ́me nzèm yé.

Lukase 15:10

Tà mèŋ shwóŋó gẅí: Á gíŋe ńgwɔ́ pɔ́ pú’u, *mecÿɔ́’ Ssé kág ńtí tà’ nyìŋ tepòŋ wémɔ’ɔ́ gẅie à kubé mà we.

Lukase 19:22

Afùɔ tsɔ́’ɔ mbwo yé ngie: Ɔɔ nyìŋ gẅie a fa’a fa’ we tepòŋ, n ge lɔg pɔ́ ncwò ɔ́ ŋaga gú. Ɔ̀ la zsé ngie mbàŋa nò yɔ̀ɔn tʉ tɛ’, ngie mèŋ n gee ḿbíi mmó jʉ’ gie mèŋ n da tè wó nuŋe, ńtsɔ́’ɔ shúm jʉ’ gie n da tè wó pye.

Lukase 7:29

Pʉ̀a metsèm la zẅí’te nò Jâŋ, tà mbɔɔ pàkẅé ncùb pà *Roma, ńgɔɔn ngie: E Ssé ne ńkwoŋo légÿo peg tsẅɛ́! Ńgɔɔn pú’u, ńgÿo Jâŋ nu’u wɔ́b ntse.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Roma 3:19

Mɔɔn ée menò mie mé la ŋwe’e tsɛ̀ɛ ŋwà’ne *lepʉ̌ Ssé, pege piŋ ńzsé ngie anò ntsèm gie *lepʉ̌ gɔɔn, é vɔgɔ ńgɔɔn mbwo pà Yuda pie *lepʉ̌ ŋwɛ́ sá’a wɔ́b. Pá’ pɔ́ gíŋ ńgwɔ́ yɔ́b pɔ́ ngàŋ mefʉa la, ncwò wɔ̌wɔ́ɔ nyìŋ mesoŋ wɔ́, ge jÿɔ́’ɔ, wɔ̌wɔ́ɔ piŋ tyé mvfò Ssé ńgwɔ́ pɔ́ nyìŋ gẅie à gwě ntsaŋ.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.