Matio 20:26 - Nouveau Testament en Ngienboum

²⁶ Tá á ké te poŋ ngie á gwɔ́ tsetsɛ̀ɛ pi ńgwɔ́ pú’u wɔ́. Nyìŋ lɔɔn ne ńkwoŋo légwɔ́ ndÿò tsetsɛ̀ɛ pi, mbà á póŋ ngie à cʉ́’ʉ menkʉ́ gẅie.

Matio 20:26 ပူးပေါင်းရင်းမြစ်များ

Matio 20:27

Nyìŋ ná pi lɔɔn ne ńkwoŋo légwɔ́ ndÿò tsetsɛ̀ɛ pi, mbà á poŋ ngie á zẅíŋe légwɔ́ nkwɔɔn gi

Matio 25:44

Pɔ́b yɔ́b e gíŋe ńgɔɔn ngie: Cʉ̀apʉ̀a, peg la gyá gú síŋe, nzyè ne ńgyáŋa gú, ńgyá gú síŋe, àgág jú ne shÿó, ńgyá gú síŋe, ɔ̀ gwɔ́ ngʉ̀, ńgyá gú síŋe ɔ̀ gwɔ́ tè nzsǒ, ńgyá gú síŋe, ɔ̀ ne ńguɔ, ńjú’ síŋe ɔ̀ gwɔ́ ndá tsǎŋ, peg tè gú kẅéte?

Matio 27:55

Pànzwě tá ńgyɔ́ɔn tyé ngʉ̀a shʉ̀shʉ̀a ne ńdíe, mbà pɔ́ la zsê nzèm Yěsô tà fó Galilea, ńgiŋe ńkẅéte yé.

Malékuse 10:43

Tá’, á ké tè poŋ ngie à gwɔ́ tsetsɛ̀ɛ pi ńgwɔ́ pú’u wɔ́. Nyìŋ lɔɔn ńne ńkwoŋo légwɔ́ ndÿò tsetsɛ̀ɛ pi, mbà á poŋ ngie à sele ńcʉ́’ʉ ménkʉ́ gẅi.

Malékuse 10:45

*Míŋ Nyìŋ la zɔɔn tè tóo ndùmo ssé tsetsá’ pɔ́ pá’ pʉ̀a mesoŋ ge fa’a mbwo yé wɔ́, à la tó pɔ́ léfa’a mbwo pʉ̀a mesoŋ, éfa’ fa’ tà gíŋe ńnáa twó yé lélɔg ńcu’ pʉ̀a tà ńgyɔ́ɔn.

Malékuse 9:35

Yěsô leen ńké ńnéŋe ssé, ńtóŋ *ngàŋa kwò yé ntsɔ̀b pʉ́a nê legém, éshwóŋó wɔ́b ngie: Nyìŋ gẅi lɔɔn ne fa’a létyé ńgwɔ́ mvɔ́g mvfò, mbà á poŋ ngie à zẅíŋe légwɔ́ nzèm, éfa’a mbwo pʉ̀a metsèm,

Lukase 18:14

Yěsô ma’a twó yɔɔn nò ngie: Tà mèŋ n ké shwóŋó gẅí, wɔ̀ɔn nkẅè ncùb la gwaa piŋ lê ndá yé, e Ssé tè nyé ne ńda’a yé wɔ́. Tá, ńké ńgʉa ná nyìŋ pà *farisay wɛ̌, e Ssé ké ne ńdá’a yé la’. Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà mé ge sẅé’e yé náa ssé, ésẅé’e nnɛ́, mbà Ssé ge pʉ’ʉ yé tÿɔ́g tÿɔg.

Lukase 22:26

Tá’, tà pi fʉ’ʉ wɔ́b. Tà ńcʉ́’ pú’u, nyìŋ gẅie aa tsetsɛ̀ɛ pi ńgwɔ́ ndÿò zɔ sele ńcʉ́’ʉ menkʉ́, nyìŋ gẅie à piŋ ńtyé mvfò pi, ésá’a gẅí, à gwɔ́ pɔ́ pá’ ngàŋa fà’ gẅi la.

Ŋwà’ne Jâŋ 18:36

Yěsô tsɔ́’ ngie: Esɔ́ɔn lefùɔ té se yɔɔn njÿó wɔ́. Lefùɔ sɔ́ɔn ke ńgwɔ́ se yɔɔn njÿó, mbà pʉ̀a pɔ́ɔn ně ńtág nzèm yɔ̀ɔn, tà mé té wɔ̀ɔn mbwo mekěm pà Yuda néŋ. Tá’, mèŋ n kě ńgɔɔn ngie sɔ́ɔn lefùɔ ké tè se yɔɔn njÿó wɔ́.

Megàŋ ntúm 13:5

Pɔ́ gʉa tà ńkúu wó, ńkẅɛɛ tsɛ̀ɛ kanú’ á tÿǒsoŋo Salamine, ńne shwóŋó nò Ssé tsɛ̀ɛ *mendá cú’tè pà Yuda. Pâ Jâŋ Malékuse gwɔ́, á ne ńkẅéte wɔ́b.

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

2 Timote 1:18

Mèŋ n ne sẅíŋte ngie Cʉ̀apʉ̀a lá’a lyɛ’ɛ́ létsɔ́’te ntsaŋ ńgÿo nò mbòŋo ná ye. Kwà’ gù ne ńzsé pá’ n da nyé Efeso á kẅéte wɔ̀ɔn pú’u.

Filemo 1:13

Mèŋ n gyá ngie á kěen ḿboŋ ngie à gwɔ́ pɔ́ lejʉ́ŋ mèŋ, ńne fa’a fà’ gie ɔ̀ kěen ńgwɔ́ jʉ’ɔɔn, mbà ɔ̀ fa’, á ná fʉ̀’ɔɔn gie mèŋ n gee menkÿo ńtí Nkʉ̀ Mbòŋo lɔɔn.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Piɛ 5:3

Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.