Matio 20:20 - Nouveau Testament en Ngienboum

²⁰ Má pà Jâg pɔ́ Jâŋ, é gubé Zebede, leen ńké ńdɔgɔ wɔ́b ńtóo mvfò Yěsô, ńkẅí’te ssé lélúɔ tsɔ́ mmó mbwó yé.

Matio 20:20 ပူးပေါင်းရင်းမြစ်များ

Matio 10:2

Mezíŋ megàŋ ntúm Yěsô ntsɔ̀b pʉ́a nê legém ŋwɛ́ é mɔ̀ɔn: Ànduŋ mvfò aa Símo gẅie mé gíŋe ńtóŋo yé lê Piɛ. Wetsɔ̌ gwɔ́ Ndeléya ńgwɔ́ fɛ́ Piɛ. Petsɔ́ gwɔ́ Jâg míŋ Zebede pɔ́ fɛ́ we Jâŋ,

Matio 14:33

Pʉ̀a pie ée tsɛ̀ɛ kanú’ kẅí’te mvfò Yěsô ńgɔɔn ngie: Áa kwà’ nénʉ́, ɔ́ɔ Míŋ Ssé.

Matio 15:25

Tá’ manzwě awɛ̌ tó, ńkẅí’te mvfò yé, ńgɔɔn ngie: Cʉ̀apʉ̀a kẅéte wɔ̀ɔn!

Matio 2:11

ńzyɛ́’ ńkúu tsɛ̀ɛ ndá, ńgyá múɔ pɔ́ má we Malîɛ, ńkẅí’te ssé, ńná mekù’ múɔ ḿbiŋ ńta’ pɔ̀ɔn sɔ́b, ńnéŋe shʉ̀ŋe múɔ nê ngɔ̂l pɔ́ làméndɔ́ɔn ntí pʉ̀a.

Matio 27:56

Á laa tsetsɛ̀ɛ pɔ́b, wɔɔn gwɔ́ Malîɛ Magdala, ńgÿo Malîɛ má pà Jâg pɔ́ Yesyɛ̂b, ńgíŋ ńgÿo má pà gubé Zebede.

Matio 28:17

Pɔ́ gwɔ́ tá ńgyá Yěsô, ńkwí’te ssé, ńgu’te yé, tá tsɔ́ pʉ̀a gwɔ́ tsetsɛ̀ɛ pɔ́b, ńně ḿmʉ́’te mʉ’té.

Matio 4:21

Mé ná’a ńzye ńgiŋ, Yěsô gyá Jâg pɔ́ Jâŋ, é gwɔ́ gubé Zebede, pâ tá wɔb pú ńgwɔ́ tsɛ̀ɛ kanú’ ńne ńnyɛte menkÿò mɔ́b, á tóŋo wɔ́b.

Matio 8:2

Àtsɔ̌ ngàŋ nkà’ páb tó ńkẅí’te mvfò yé, ńgɔɔn ngie: Cʉ̀apʉ̀a mèŋ n zsě ngie ɔ̀ lɔɔn ńkwoŋ, mbà ɔ̀ ku’u légÿo mèŋ n zeŋe.

Malékuse 15:40

Etsɔ́ panzwě la tyé yɔ́b pɔ́ ngʉ̀a shʉ̀shʉ̀a ńne ńdíe. Malîɛ Mágdala pɔ́ Salomé, ńgÿo Malîɛ má pà Joses, mbɔɔ we Jâŋ we nkʉ́ gwɔ́ tsetsɛ̀ɛ pɔ́b,