Matio 20:2 - Nouveau Testament en Ngienboum

² Pâ megàŋa fà’ lʉ’te pá’ à ge náa tà’a pàga nkába mbwó tà’ nyìŋ ná lyɛ’ɛ́ lá’. Á leen ńké ńtsẅi pɔ́ gʉa né nká’ yé.

Matio 20:2 ပူးပေါင်းရင်းမြစ်များ

Matio 18:28

Tá ngàŋa fà’ wa fó mvfò fùɔ ńgʉa ńkúu mánzsè, ḿbumte tsɔ̌ shǔ we ngàŋa fà’, mbà wɛ̌ ngàŋa fà’ la tó ńkẅé nkáb yé ta é gwɔ́ mmo ntsá’ sɔɔn mbʉ́a. Á pumte yé pú’u, ńgwoon yé, ńtÿɔ́g ngàg lóŋ yé, ńgɔɔn ngie: Ná nkáb yɔ̀ɔn ma pɔ́ fʉ̀’ɔɔn.

Matio 20:1

Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.

Matio 20:13

Ngàŋ nká’ tsɔ́’ɔ mbwó tsɔ̌ tà’ nyìŋ ná pɔ́b ngie: Àshǔ wɔ̀ɔn, mèŋ n kaa tsɔ́ nò mbwó gù fʉa. Pɔgɔ ně ńdʉ’te tà ńgwɔ́ tà’ nyìŋ, pá’ ɔ̀ ge kẅé tà’a pàga nkáb nà lyɛ’ɛ́ lá’.

Matio 20:3

Nèm lepfwɔ’ɔ́ piŋ ńku’, á gíŋe ńkẅɛɛ mbʉ̀a yé, ńgyá tsɔ́ ngàŋa fà’ gíŋe ńtyé mefagá nzsè, pɔ́ té ne ńgÿo tsɔ́ mmó wɔ́.

Matio 20:9

Pʉ̀a pie pɔ́ zyě yɔ́b fà’ ná nèm tʉ̀a ncwò nzém tó, mé náa tà’a pàga nkáb mbwó wɔ̌wɔɔ ná pɔ́b.

Matio 22:19

Pi nyɛɛ wɔ̀ɔn nkáb gie mé lɔgɔ ńnáa ncùb. Pɔ́ lɔgɔ pàga nkáb ńtó, ńnyɛɛ yé.

Matio 9:37

Á leen ńké ńgɔɔn mbwó *ngàŋa kwò yé ngie: Eshúm sie mé gee nká’ ńdagá é gyɔ́ɔn tɛ’, nzẅìŋ ngàŋa fà’ piŋ ńkɔ́g.

Malékuse 12:15

Yěsô gyá pá’ pɔ́ gwɔ́ pɔ́ pà nkwòŋ menÿɔ́g, ńtsɔ́’ɔ mbwo pɔ́b ngie: Pi kwà’te wɔ̀ɔn mélà’a kɔ́? Pi lɔgɔ pàga nkáb ńtó ńnyɛɛ wɔ̀ɔn, pɔ́ lɔgɔ pàga nkáb ńtó, á zɛ́te wɔ́b ngie:

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Lukase 10:35

Njÿó gÿo ńdʉ́a, á gyá ngàŋ ndá, éfa’ nkáb pàg pʉ́a, ńnáa mbwo yé, ńgɔɔn ngie: Kɔ nkáb yɛ̀, ńcʉ́’ ně ńdɔgɔ ńzoŋo nyìŋ wɔɔn. E lɔɔn ńcʉ́’ ńkɔ́g tà ɔ̀ kẅi’i pɔ́ láa wɔ́, mbà mèŋ n ge cʉ́’ʉ lépiŋ nzèm, é tsɔ́’, ńnáa mbwo gù.

Lukase 20:24

Pi nyɛɛ wɔ̀ɔn pàga nkáb. Wɔɔn ée shÿó wɔ̌ gẅie ée nà nkáb? Sɔɔn é gwɔ́ lezíŋ wɔ́ sie ée mǒ? Pɔ́ tsɔ́’ɔ mbwo yé ngie ée we Kása, lezíŋ gíŋ ńgwɔ́ pɔ́ sé.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.