Matio 20:1 - Nouveau Testament en Ngienboum

¹ Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.

Matio 20:1 ပူးပေါင်းရင်းမြစ်များ

Matio 13:24

Yěsô gíŋe shwóŋó wɔ́b tsɔ́ sagá nò ngie: Nò *lefùɔ Ssé gwá’a nò nyìŋ gẅie á la pye mbyè mmó mbòŋo nká’ yé.

Matio 13:31

Yěsô gíŋe ńgɔɔn tsɔ̌ sagá nò mbwó pɔ́b ngie: Ànò *lefùɔ Ssé leen ńgwá’a tsɔ̌ ntí lesɔ́ɔn sésɔg sie nyìŋ la pí ḿbye nká’ yé.

Matio 13:33

Yěsô gíŋe ńgɔɔn yɔɔn sagá nò ngie: Ànò *lefùɔ Ssé gwɔ́ pɔ́ pá’ méjʉ’ʉ *mvòŋ gẅie manzwě lɔg ḿvoŋo faline gie à fʉ̌’ ngʉ̀a sétá ńtsab, ḿbú ḿbú’ pú’ tà méjʉ’ʉ *mvòŋ ŋwɛ́ gÿo, faline ye ntsab ŋwɛ́ pú ńkwɔ́’.

Matio 13:47

Yěsô gíŋe ngie: Àno *lefùɔ Ssé gíŋe ńgwɔ́ pɔ́ pà’ nò lekÿo sie mé ma’a tsɛ̀ɛ letʉŋ, messó kúu tsɛ̀ɛ wó ntí ntí.

Matio 20:2

Pâ megàŋa fà’ lʉ’te pá’ à ge náa tà’a pàga nkába mbwó tà’ nyìŋ ná lyɛ’ɛ́ lá’. Á leen ńké ńtsẅi pɔ́ gʉa né nká’ yé.

Matio 21:28

Yěsô gíŋe ńgɔɔn ngie: Pi jú’u yɔɔn nò, éshwóŋó wɔ̀ɔn gí nò gie pi kwaŋá mǒ. Àtsɔ̌ nyìŋ lǎ’ ńgẅiin penkʉ́ pé mépʉ́a, ńgɔɔn mbwó mvɔ́g mvfò ngie: Míŋ wɔ̀ɔn, gʉa nká’ lyɛ̌’ yɔɔn ńzɔ́gɔ wó fa’.

Matio 22:2

Pi gyá pá’ *lefùɔ Ssé ée pú’u. Àtsɔ̌ fùɔ lǎ’ ńtáŋte máamáa línɔ́ɔn ná nò lɔ́ɔn ndá míŋ we we mbàŋa.

Matio 23:37

Àfʉ̀’ ku’ Yěsô gɔɔn ngie: Pà Yerósalem, pà Yerósalem, pi pie pii ńzẅé pà *ntsẅì nkʉ̀ Ssé zẅé, ńdɔgɔ metóon ńtéme pʉ̀a pie Ssé túmo wɔ́b mbwó pí ńzẅéte, ée ngʉ̀a shÿɔ́’ɔ pá’ mèŋ fa’á lécú’te gẅí, pá’ mêngáb cú’te púɔ pé lepàb yé, pi ké ńdʉ’ʉ lʉ’?

Matio 25:1

Yěsô gíŋe ńgɔɔn ngie: Pú’u la, nò *lefùɔ Ssé ge lá’ sẅé nò pûɔ ngùɔ legém pie pɔ́ la kaa melâm pɔ́b, ńgʉa ńzá’ mámbàŋa gẅie à gee ńzɔ́’ɔ.

Matio 25:14

Á ge lá’ gwɔ́ pɔ́ pá’ nò nyìŋ gẅie à la cʉ́’ʉ légʉa legiŋ, ńtóŋ megàŋa fà’ pé, ńnyé nkáb ye mbwó pɔ́b,

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Malékuse 13:34

Menò fʉ̀’ ayɛ̌ ge gÿo gwɔ́ pá’ nò nyìŋ gẅie à cʉ́’ʉ légʉa legìŋ, ńcʉ́me ndá ye mbwo ngàŋa fa’ yé, ńnáa fà’ gie wɛ̌ nyìŋ wɔ́ ge cʉ́’ ne fa’a, ńdeen ńké ńtsẅii mbwo nyìŋ gẅie à pyɛ́bɛ ncwò nká’ ngie tà á gwá’a lÿɔg ńdyé.

Ŋwà’ne Jâŋ 15:1

Yěsô gíŋe ńgɔɔn ngie mèŋ n gee kwà’ letsiŋé tÿó. Tá wɔ̀ɔn gwɔ́ nyìŋ gẅie à fa’a mǒ.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.