Matio 2:6 - Nouveau Testament en Ngienboum

⁶ «Á gʉa ná gù Mbetélehem, á tsɛ̀ɛ pàga ngwòŋ Jẅidea, ɔ̀ tè tsetsɛ̀ɛ metÿǒsoŋ pà Yuda ńdeen ńgwɔ́ pɔ́ nzsònzèm wɔ́, á nue àfùɔ gẅie à ge lá’ sá’ pʉ̀a pɔ́ɔn pà Israel ge lá’ kẅɛ pɔ́ tsetsɛ̀ɛ pi».

Matio 2:6 ပူးပေါင်းရင်းမြစ်များ

Matio 2:1

Mé gwaa zyé Yěsô á tÿǒsoŋ Mbetélehem á tsɛ̀ɛ pàga ngwòŋ Jẅidea, é gwɔ́ ngù’ fùɔ *Herôd. Á gwɔ́ fʉ̀’ ayɛ̌, etsɔ́ pàzsé nò nà mecÿɔ́’ saŋ fó lá’ pɔ́b mbu’ sǎ’ nèm ńtóo Yerósalem,

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Ŋwà’ne Jâŋ 21:16

Ńgíŋe ńzɛ́te yé nà mbɔ́ɔntè yépʉ́a ngie: Símo, míŋ Jâŋ, tà ɔ̀ kwoŋo wɔ̀ɔn? Á tsɔ́’ ngie oon, mbà Cʉ̀apʉ̀a, ɔ̀ zsě ngie mèŋ n kwoŋo gú. Yěsô gɔɔn ngie: Pyɛ́b *menjʉ̀njÿò mɔ́ɔn.

Ŋwà’ne Jâŋ 7:42

Ńtí nue mé la ŋwe’e tsɛ̀ɛ ŋwà’ne Ssé ngie: *Nzà’nkÿo ge lá’ fó pɔ́ nà ngẅɛ̀ ndá fùɔ Ndavíd, ńgie *Nzà’nkÿo ge lá’ fó pɔ́ Mbetélehem á gẅie áa lá’ pà fùɔ Ndavíd.

Efeso 1:22

E Ssé léen ńnéŋ shúm ntsèm á mbwo yé. E Ssé la gwɔ́ tà ńnéŋe kɔ̀ɔkɔ́ɔ nà mbwo mé, ńgÿo á gwɔ́ mbwo cú’tè pʉ̀a Ssé, ńgwɔ́ twó, légwɔ́ gie pʉ̀a cú’tè ge ne jú’u ncwò yé.

Kolosia 1:18

Ye zɔɔ twó nà mbùm nnɛ́ gie áa cú’tè pʉ̀a pé. Legwɔ́ wó we sẅé à zye pɔ́ ná yé, aa ndùŋ mvfò nyìŋ gẅie à la kwé ḿbiŋ ńzím, pú’u ńzsé ngie yé zɔ ge gwɔ́ ndùŋ mvfò ná kɔ̀ɔkɔ́ɔ.

Heber 7:14

Pʉ̀a metsèm zɔɔn ne ńzsé ngie, Cʉ̀apʉ̀a wege fóo ná ngẅɛ̀ Jẅida, é ngẅɛ̀ gie Mǒsê la tè kím lezíŋ sɔ́b á fʉ̀’ gie à la ne ńgɔɔn nò ná pànuŋe pwɔ́’ wɔ́.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 2:27

Angàŋ ge lá’ lɔgɔ tÿǒ tʉ̌, ésá’a wɔ́b, é cúa wɔ́b nẅɛ’ pá’ à lɔɔn ńgwɔ́ mé nẅɛ’ mekʉŋe tsá’a pú’u. N ge lá’ ná metʉ̀ mbwo ngàŋ pá’ Tá wɔ̀ɔn la ná metʉ̀ né mèŋ yɔ́ɔn,

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.