Matio 2:4 - Nouveau Testament en Ngienboum

⁴ Fùɔ *Herôd leen ńké ńtóŋ *metándá pànùŋe pwɔ́’ pâ *pàkyagte lepʉ̌ Mǒsé tsɛ̀ɛ lá’, ńzɛ́te wɔ́b ngie: Mé la ŋwe’e tsɛ̀ɛ ŋwà’ne Ssé ngie mé ge lá’ zyé *Nzà’nkÿo gẅie Ssé la ka’ á nzɔ̌ jʉ’ʉ?

Matio 2:4 ပူးပေါင်းရင်းမြစ်များ

Matio 13:52

Á gɔɔn ngie: Pi ké ńzsé ngie nkyàgte *lepʉ̌ Mǒsé gẅie à zẅiŋé nò *lefùɔ Ssé à gwá’a tsɔ̌ ndÿò gẅie eshúm ngù’ lâ se ngù’ɔɔn ée tsɛ̀ɛ ntaŋ yé. À néŋe tà mbùm ye poŋ, á gʉa mǒ ńkẅile ntí gie à kwǒŋ.

Matio 2:3

Pɔ́ ne ńgwá ńzɛ́te pú’u, ànò àyɛ̌ gwe metuŋó fùɔ *Herôd, ḿbú ńcu’u twó yé, ńcu’u twó pʉ̀a metsèm tsɛ̀ɛ tÿǒsoŋ Yerósalem.

Matio 2:5

Pɔ́ shwóŋó yé ngie: Mé la ŋwe’e tsɛ̀ɛ ŋwà’ne Ssé ngie mé ge lá’ zyé yé á Mbetélehem, pɔ́ tsɛ̀ɛ ngwòŋ Jẅidea wɔɔn, mélà’mie *ntsẅì nkʉ̀ Ssé la ŋwe’e ngie:

Matio 21:15

*Metándá pànùŋe pwɔ́’ pâ *pàkyagte lepʉ̌ Mǒsê, gyá menò mmɔɔn mmɔɔn mie Yěsô gÿǒ, ńgíŋ ńjú’ pá’ penkʉ́ ée tsɛ̀ɛ *jʉ’ʉ Ssé ńzɔbɔ ńgɔɔn ngie: Gugẅî, àgù’te áa mbwó nyìŋ na ngẅɛ fùɔ Ndavíd, ńgyáŋa lóŋ,

Matio 21:23

Yěsô gíŋe ḿbiŋe tsɛ̀ɛ *jʉ’ʉ Ssé tà ńzye lézí’i pʉ̀a nò Ssé, *metándá pànùŋe pwɔ́’ pâ melÿò tsɛ̀ɛ lá’ tó ńzɛ́te yé ngie: Ɔ̀ lɔgɔ lezíŋ wɔ́ ńgÿo mɔɔn menò? Kwà’ wɔ̌ zɔ túmo ɔ́ ngie ɔ̀ gÿo pú’u?

Matio 26:3

Á gwɔ́ pɔ́ ná melyɛ̌’ amɛ̌, *mentándá pànùŋe pwɔ́’ pâ mekěm lá’ cú’te nɔ’ Kaifa, á gwɔ́ *nùŋe pwɔ́’ we lÿò,

Matio 26:47

Yěsô nyé ńgɔɔn gɔɔn, Jẅidas, gẅie aa tsɔ̌ tà’ ná *ngàŋa kwò yé ntsɔ̀b pʉ́a nê legém tó, àlá’ gwɔ́ nzèm yé tà ńgyɔ́ɔn, ńgẅiin menně ncù lâ mekésiŋ, ńgwɔ́ pʉ̀a pie *mentándá pànùŋe pwɔ́’ pâ mekěme lá’ é tumó wɔ́b.

Matio 27:1

Njÿó gÿo ńdʉ́a, *mentándá pànùŋe pwɔ́’, pâ mekěme lá’ mʉ́ mba’ámba’, ńzáb ngie pɔ́ ge gÿo mé zẅé Yěsô,

Matio 7:29

mélà’mie à lɔ̌ɔn ntě ńgÿo pá’ *pàkyagte lepʉ̌ Mǒsê wɔ́. À lɔ̌ɔn ńzí’i tà ńzsé mmó gie à gÿo yɛ̌.

Malékuse 8:31

Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Lukase 20:19

Pá’ *metándá pànùŋe pwɔ́’ lâ *pàkyàgte lepʉ̌ Mǒsê, la jú’ yɔɔn sagá nò, ńdiŋ ngie à gɔɔn pɔ́ ne pɔ́b la, pɔ́ fa’ shÿó légwoon yé, tá ḿbɔ́g nÿɔ́g lá’.

Lukase 23:10

*Metándá pànùŋe pwɔ́’ pâ *pàkyagte lepʉ̌ Mǒsê gwɔ́ jʉ’ó, ḿbú ne ńzába menò twó Yěsô tɛ’.

Ŋwà’ne Jâŋ 18:3

Jẅidas ńnéŋe tà ńtó, ńgwɔ́ mvfò nùɔ pàlÿɔ́’ ncù pà *Roma pâ pà pyɛ́bɛ *jʉ’ʉ Ssé, é pie metándá pànuŋe pwɔ́’ pâ pà *farisay ně ńtúm. Pɔ́ gẅiinte menkà’ mmɔ̌g, lâ melâm, mbɔɔ shúm ncù.

Ŋwà’ne Jâŋ 3:10

Yěsô tsɔ́’ɔ mbwo yé ngie: Ɔ̀ɔ Israel ńgwɔ́ tà’ tsítsà tà mé zsé gú tɛ’, ɔ̀ piŋ tè yɔɔn nò zsé la?

Ŋwà’ne Jâŋ 7:32

Pà *farisay jú’ pá’ alá’ ne shÿɔ́gɔ ncwò ssé ńkíme Yěsô, pɔ́ gʉa ńgyá mentándá pànuŋe pwɔ́’ pâ pɔ̌ túm pàpyɛ́bɛ *jʉ’ʉ Ssé ngie pɔ́ gʉa ńgwoon Yěsô.

Ŋwà’ne Jâŋ 8:3

Pàkyàgte *lepʉ̌ Mǒsê lâ pà *farisay leen ńké ńnéŋe tà ńdɔgɔ tsɔ̌ manzwě ńtó, mbà mé kemé yé á ne ńgÿo gÿɛ́. Pɔ́ tÿɔ́gɔ yé mvfò pʉ̀a metsèm.

Megàŋ ntúm 23:9

Pʉ̀a metsèm zye léshwóŋó shwǒŋ. Petsɔ́ pà kyágte *lepʉ̌ Mǒsê nà nùɔ pà *farisay lu ssé ńgɔɔn nê metʉ̀ ngie: Peg kaa gyá nò tepòŋ gie nyìŋ wɛ̂ gÿǒ wɔ́. Ndyɛ̀’ tsɔ́, mbà tsɔ̌ Zẅìge kà pɔ́ tsɔ̌ *cÿɔ́’ Ssé wɔ́ zɔ gɔ̌ɔn nò mbwo yé.

Megàŋ ntúm 4:5

Njÿó lá lʉ́a, pàsa’á lá’ pà Yuda lâ melÿò, pâ *pàkyagte lepʉ̌ Mǒsê pú ńcú’te Yerósalem.

Megàŋ ntúm 6:12

Pɔ́ gÿo pú’u, ńdɔg sẅite lá’, ésẅite mekěm mbɔɔ *pàkyagte lepʉ̌ Mǒsê, ḿma’a nzèm Etien. Mé lêen ńké ńgwoon yé, ńdɔgɔ yé ńgʉa mvfò cú’tè pàsá’a lá’ pá’ mé ge ŋaga yé.