Matio 2:13 - Nouveau Testament en Ngienboum

¹³ Pɔ́ gwɔ́ tà ńgʉa, Yesyɛ̂b lyé njÿòon, ńgyá tsɔ̌ *Cÿɔ́’ Cʉ̀apʉ̀a tó, ńgɔɔn né yé ngie: Lu ssé, ńkáa múɔ, pi lâ mápfò kÿo, ńgʉa lê tsɛ̀ɛ ngwòŋ Egipto, ńnéŋe wó. Mèŋ, n ge gÿo shwóŋó gú fʉ̀’ gie ɔ̀ ge piŋ nzèm. Á nue *Herôd ge fa’a múɔ wɛ̂ lézẅé yé.

Matio 2:13 ပူးပေါင်းရင်းမြစ်များ

Matio 1:20

ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Matio 2:12

Pɔ́ ńnéŋe tà né ḿbiŋe nzèm, e Ssé lɔg njÿòon shwóŋó wɔ́b ngie: Pɔ́ pɔ́ɔn légíŋe ńcʉa lejʉ́ŋ fùɔ *Herôd. Pɔ́ leen ńké ńcʉ́’ ḿpfó pɔ́ nzsè ndyɛ̀’ɛ tá ḿbiŋ né lá’ pɔ́b.

Matio 2:14

Yesyɛ̂b lu ssé pɔ́ letsẅɛ́’, ńkaa múɔ, pâ mápfò gʉa lê tsɛ̀ɛ ngwòŋ Egipto,

Matio 2:16

*Herôd gwɔ́ tà ńgyá ngie pàzsé nò nà mecÿɔ́’ saŋ ka paba yé, ńgyáŋa lóŋ tɛ’, ńdeen ńtúm pʉ̀a ngie pɔ́ gʉa tÿǒsoŋo Mbetélehem tà mbɔɔ menkwɔ’ɔ́ tÿǒsoŋ, ḿbú ńzẅéte penkʉ́ ntsèm pie e kǔ’ ngù’ pʉ́a mbɔɔ pie é nyé tè ku’ ngù’ pʉ́a, ńdɔgɔ ńdʉŋte pú’u, nà fʉ̀’ gie pɔ́ ka shwóŋó yé ngie cÿɔ́’ saŋ la kẅɛ.

Matio 2:22

á jú’ ngie Arkélawẅis zɔ né sá’a pàga ngwòŋ Jẅidea, tà fó pá’ tá we *Herôd ka kwě, ńně ńcÿɔ’ɔ légʉa Jẅidea, ńdyé njÿòon, Cʉ̀apʉ̀a náa yé ntÿɔgɔ́. Á cʉ́’ ńgʉa pɔ́ lê tsɛ̀ɛ pàga ngwòŋ Galilea,

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 10:7

*Cÿɔ́’ Ssé tsẅii nò mbwo yé tà ńgʉa, Kornɛy cʉ́’ ńtóŋ megàŋa fà’ pé mépʉ́a, ńgÿo tà’ ndÿɔ́’ ncù. Á gwɔ́ gẅie pɔ́ yé zyě ńtsẅé. Á piŋ ńgwɔ́ nyìŋ ńgÿo yé mekù’ Ssé.

Megàŋ ntúm 12:11

Legyè sé lêen ńké ńtó. Á gɔɔn ngie: Mèŋ n děen ńké ńcwoŋo ńgyá mboŋó fʉ̀’ɔɔn ngie áa nò, Cʉ̀apʉ̀a tumó cÿɔ́’ we, á tó ńkẅé wɔ̀ɔn mbwo fùɔ *Herôd. À giŋé ńkẅé wɔ̀ɔn nà nò tepòŋ ntsèm gie pà Yuda ka ne ńtsɔ́ɔn ngie á gÿo wɔ̀ɔn.

Megàŋ ntúm 12:7

Atsɔ̌ *Cÿɔ́’ Cʉ̀apʉ̀a vege vege ńkẅɛɛ jʉ’ gie Piɛ aa wó, ejʉ’ pú ńkyɛ́’ɛ tsɛ̀ɛ ndá. *Cÿɔ́’ Ssé pú’te gwǒŋo nnɛ́ Piɛ, ńzyeen yé, ńgɔɔn né yé ngie: Lu ssé lê tʉ̀! Mentsɛ̂n lêen ńké fó nà mbwó mé ńkyɛ́’te ḿbʉle ssé.

Megàŋ ntúm 16:36

Nyìŋ gẅie à pyɛ́bɛ ndá tsǎŋ tó ńgɔɔn mbwo Pɔl ngie: Pàtsɔ́’te ntsaŋ tsẅǐ ngie mèŋ n nyé gẅi pi gʉa, ńgwɔ́ pi kẅɛ fʉ̀’ɔɔn ńgʉa lê mbʉ́lè!

Megàŋ ntúm 5:19

Tá á gÿo ńgwɔ́ letsẅɛ’, atsɔ̌ cÿɔ́’ Cʉ̀apʉ̀a tó, ńtsɔ́’ ndá tsǎŋ, ńgÿo megàŋ ntúm gwaa kẅɛ, á gɔɔn né pɔ́b ngie:

Megàŋ ntúm 7:19

éfʉte pʉ̀a lá’ pégè, ńgÿo nò tepòŋ nà pàmangʉa njʉ’ pégè, tà ńtsẅi né pɔ́b ngie pɔ́ gʉa tsɛ̀ɛ megǐ ńgwa’ pûɔ mepÿɛ́ pɔ́ kwéte.

Ŋwà’ne Ngyà jʉ’ 12:14

Mé lêen ńké ńná mémbabá mémbʉ́a, é me máamáa gúm ndóŋ wɛ̌ né manzwě ŋwɛ́ pá’ à ge lɔg zie gee nkwòŋo tsẅɛ, á nà yé jʉ’, á jʉ’ gie máamáa nnù ngém wa à tè gíŋe gyá yé wɔ́. Á jʉ’ gie mé la nyɛte léjÿɔ́gɔ manzwě ŋwɛ́ wó, á nà ngù’ tá ńgÿo mesaŋ ntɔgɔ́.

Ŋwà’ne Ngyà jʉ’ 12:4

À la ne ńdɔgɔ nku wé ńjÿɔgɔ tà’ nzsè ná Mecÿɔ́’ saŋ nzsè tá, ḿbÿɛɛ ndùmo ssé tsetsá’, ńtyé mvfò manzwě wá, ńne ḿbyɛ́bɛ pá’ à ge zyé à gwóon ńkaa múɔ ḿmi.

Ŋwà’ne Ngyà jʉ’ 12:6

Manzwě wa lêen ńké ńkÿo ńgʉa né nkwòŋo tsẅɛ, á nà jʉ’ gie Ssé la nyɛte pá’ à ge ńnéŋe wó, ńzsé ngie mé ge nyɛte jÿɔ́gɔ yé jÿɔ́g nà melyɛ̌’ lá’ ntsá’ lê nkÿo pʉ́a lê móm ntɔgɔ́ (1.260).